ಪೊನ್ನಂಪೇಟೆಯ ಕೂರ್ಗ್ ಇನ್ಸಿಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಹೊರ ಹೊಮ್ಮಿದ ಬಹುಮುಖ ಪ್ರತಿಭೆ ಶರಣ್ಯರಾವ್

December 16, 2020

ಮಡಿಕೇರಿ ಡಿ. 16 : CIT ಪೊನ್ನಂಪೇಟೆಯಲ್ಲಿ 2017-18ರಲ್ಲಿ ತಮ್ಮ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿಭಾಗದಲ್ಲಿ ಪದವಿ ಪಡೆದ ಶರಣ್ಯರಾವ್ ಹೆಚ್, ನಮ್ಮ ಕಾಲೇಜಿನ ಬಹುಮುಖ ಪ್ರತಿಭೆ. ಶ್ರೀಮತಿ ಮೈಥಿಲಿ ರಾವ್ ಹಾಗೂ ಶ್ರೀ ಹರೀಶ್ ರಾವ್ ದಂಪತಿಯ ಪುತ್ರಿಯಾದ ಇವರು ತಮ್ಮ ಬಾಲ್ಯದಿಂದಲೇ ಭಾರತೀಯ ಸೇನೆಯಲ್ಲಿ ಸೇವೆ ಸಲ್ಲಿಸುವ ಕನಸು ಹೊತ್ತವರು. ಇವರ ಕನಸಿಗೆ ನೀರೆರದು ಪೋಷಿಸಿ, ಪ್ರೋತ್ಸಾಹಿಸಿದ ತಮ್ಮ ತಂದೆ, ತಾಯಿ, ಬಂಧುಮಿತ್ರರರು ಹಾಗೂ ಪ್ರಮುಖವಾಗಿ CIT ಕಾಲೇಜಿನ ಆಡಳಿತ ಮಂಡಳಿ, ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿಭಾಗದ ಬೋಧಕ ಹಾಗೂ ಬೋಧಕೇತರ ಸಿಬ್ಬಂದಿಯವರ ಪ್ರೋತ್ಸಾಹ ಹಾಗೂ ಬೆಂಬಲ ಗಮನಾರ್ಹವಾದದು. ಶರಣ್ಯರಾವ್ ರವರು ಸಾಕಷ್ಟು ಸ್ಪರ್ಧಾತ್ಮಕ ಪರೀಕ್ಷೆಗಳಾದ C.D.S,   S S B ಗಳನ್ನು ಉನ್ನತ ದರ್ಜೆಗಳಲ್ಲಿ ಪೂರ್ಣಗೊಳಿಸಿರುತ್ತಾರೆ.

ಶರಣ್ಯರಾವ್ ಸಾಧನೆ : ಶರಣ್ಯರಾವ್ ರವರು 2018-19 ರ ಮೆಕ್ಯಾನಿಕಲ್ ಇಂಜಿನಿಯರಿಂಗ್ ವಿಭಾಗದಿಂದ ಅಂತಿಮ ಪರೀಕ್ಷೆಗೆ ಹಾಜರಾಗಿದ್ದ ರಾಜ್ಯದ ಅಂದಾಜು 20,000 ಸಾವಿರ ವಿದ್ಯಾರ್ಥಿಗಳ ಪೈಕಿ ಮೊದಲ 12 ವಿದ್ಯಾರ್ಥಿಗಳಲ್ಲಿ ಒಬ್ಬರಾಗಿ ಹೊರ ಹೊಮ್ಮಿರುತ್ತಾರೆ. ಇವರು ಕೇವಲ 0.65% ಅಂಕದ ಅಂತರದಲ್ಲಿ ವಿಶ್ವವಿದ್ಯಾಲಯ ರ್ಯಾಂಕ್‍ನಿಂದ ವಂಚಿತರಾಗಿರುತ್ತಾರೆ.

ಭಾರತೀಯ ಸೇನೆಯು ನಡೆಸುವ ಮಹಿಳಾ ವಿಭಾಗದ Short Service Commission (Tech) ಪರೀಕ್ಷೆಯಲ್ಲಿ ಅಖಿಲ ಭಾರತ ಮಟ್ಟದಲ್ಲಿ ಮೊದಲನೇ ರ್ಯಾಂಕ್ ಪಡೆದಿರುತ್ತಾರೆ.

ರಾಷ್ಟ್ರೀಯ ಮಟ್ಟದ ಬಾಸ್ಕೆಟ್‍ಬಾಲ್, ಹ್ಯಾಂಡ್‍ಬಾಲ್ ಪಂದ್ಯಾವಳಿಗಳಲ್ಲಿ ಭಾಗವಹಿಸಿರುತ್ತಾರೆ.

ವಿಶ್ವೇಶ್ವರಯ್ಯ ತಾಂತ್ರಿಕ ವಿಶ್ವವಿದ್ಯಾಲಯ (VTU, ಬೆಳಗಾವಿ) ವತಿಯಿಂದ ಬಾಸ್ಕೆಟ್‍ಬಾಲ್, ಹ್ಯಾಂಡ್‍ಬಾಲ್, ಫುಟ್‍ಬಾಲ್ ಕ್ರೀಡೆಯಲ್ಲಿ – ದಕ್ಷಿಣ ವಲಯದಲ್ಲಿ ಪ್ರತಿನಿದಿಸಿರುತ್ತಾರೆ.

2016-17 ರ ದೆಹಲಿ ಗಣರಾಜ್ಯೋತ್ಸವ ಪರೇಡ್‍ನಲ್ಲಿ ಕರ್ನಾಟಕವನ್ನು ಪ್ರತಿನಿಧಿಸಿರುತ್ತಾರೆ.

ಭಾರತೀಯ ನೌಕಾಪಡೆಯವರು ನಡೆಸುವ INET ಪರೀಕ್ಷೆಯನ್ನು ಉತ್ತಮ ದರ್ಜೆಯಲ್ಲಿ ಪೂರ್ಣಗೊಳಿಸಿರುತ್ತಾರೆ.

ಇವರು 2016 – 17 ರ “ಮಿಸ್ ಕರ್ನಾಟಕ” ಸ್ಪರ್ದೆಯಲ್ಲಿ ರನ್ನರ್ ಅಪ್ ಪ್ರಶಸ್ತಿ ಪಡೆದಿರುತ್ತಾರೆ.

ಇವರ ಉಜ್ವಲ ಹಾಗೂ ಉತ್ತಮ ಭವಿಷ್ಯಕ್ಕೆ CIT ಕಾಲೇಜಿನ ಆಡಳಿತ ಮಂಡಳಿ, ಪ್ರಾಂಶುಪಾಲರು, ಬೋಧಕ ಹಾಗೂ ಬೋಧಕೇತರ ವರ್ಗದವರು ಶುಭಹಾರೈಸಿರುತ್ತಾರೆ.

error: Content is protected !!