Advertisement
ಜಾಹೀರಾತು *** ಶ್ರೀಕಟೀಲು ದುರ್ಗಾಪರಮೇಶ್ವರಿ ಜ್ಯೋತಿಷ್ಯ ಕೇಂದ್ರ, ಪಂಡಿತ ಶ್ರೀಗೋಪಾಲಕೃಷ್ಣ ಭಟ್, (95354 02066) 1 ನೇ ಮಹಡಿ ಆರ್.ವಿ.ಭದ್ರಯ್ಯ ಸ್ಟೋರ್ ಎದುರು, ಬಾಷ್ಯಂ ಸರ್ಕಲ್, ರಾಜಾಜಿನಗರ, ಬೆಂಗಳೂರು – ನಿಮ್ಮ ಸಮಸ್ಯೆ ಯಾವುದೇ ಇರಲಿ ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ನೀಡುತ್ತೇವೆ. ಇಂದೇ ಕರೆ ಮಾಡಿ ಪಂಡಿತ ಶ್ರೀಗೋಪಾಲ ಕೃಷ್ಣ ಭಟ್, ಶ್ರೀಕಟೀಲು ದುರ್ಗಾಪರಮೇಶ್ವರಿ ಜ್ಯೋತಿಷ್ಯ ಕೇಂದ್ರ – 95354 02066. ನಿಮ್ಮ ಸಮಸ್ಯೆಗಳಾದ ವಿದ್ಯೆ, ಉದ್ಯೋಗ, ವ್ಯಾಪಾರ, ಶತ್ರು ಕಾಟ, ಮಾಟ, ಮಂತ್ರ ನಿವಾರಣೆ ಮನೇಲಿ ಕಿರಿಕಿರಿ, ಅತ್ತೆ, ಸೊಸೆ ಜಗಳ, ಸಂತಾನ ಪ್ರಾಪ್ತಿ, ಬಿಸಿನೆಸ್ ಪ್ರಾಬ್ಲಮ್, ಡ್ರೈವರ್ಸ್ ಪ್ರಾಬ್ಲಮ್, ಪ್ರೀತಿ-ಪ್ರೇಮ ವಿಚಾರಗಳಿಗೆ ಶೀಘ್ರ ಪರಿಹಾರ ನೀಡಲಾಗುವುದು. ಇಂದೇ ಕರೆ ಮಾಡಿ ನಿಮ್ಮ ಸರ್ವ ಸಮಸ್ಯೆಗಳಿಗೆ ಪರಿಹಾರ ಪಡೆದುಕೊಳ್ಳಿ. ದೂರದ ಊರಿನವರಿಗೆ ಫೋನ್ ಕರೆ ಅಥವಾ ವ್ಯಾಟ್ಸ್ ಪ್ ಮೂಲಕ ಪರಿಹಾರ ತಿಳಿಸಲಾಗುವುದು. ಇಂದೇ ಸಂಪರ್ಕಿಸಿ : ಪಂಡಿತ ಶ್ರೀಗೋಪಾಲಕೃಷ್ಣ ಭಟ್, (95354 02066) 1 ನೇ ಮಹಡಿ ಆರ್.ವಿ.ಭದ್ರಯ್ಯ ಸ್ಟೋರ್ ಎದುರು, ಬಾಷ್ಯಂ ಸರ್ಕಲ್, ರಾಜಾಜಿನಗರ, ಬೆಂಗಳೂರು.
8:33 PM Sunday 17-October 2021

ಸುಂಟಿಕೊಪ್ಪದಲ್ಲಿ ಸರಣಿ ಕಳ್ಳತನ

30/12/2020

ಮಡಿಕೇರಿ ಡಿ.30: ಸುಂಟಿಕೊಪ್ಪ ಪಟ್ಟಣದಲ್ಲಿ ಸರಣಿ ಕಳ್ಳತನವಾಗಿದ್ದು, ಆರೋಪಿಯ ಪತ್ತೆಗಾಗಿ ಸುಂಟಿಕೊಪ್ಪ ಪೊಲೀಸರು ತನಿಖೆ ಕೈಗೊಂಡಿದ್ದಾರೆ.

ಮಾದಾಪುರ ರಸ್ತೆಯಲ್ಲಿನ ಶ್ರೀ ಕೋದಂಡರಾಮ ದೇವಾಲಯದ ಬೀಗ ಮುರಿದು ಒಳನುಗ್ಗಿದ ಚೋರ ಹುಂಡಿಯನ್ನು ಒಡೆದು ಹಣಕ್ಕಾಗಿ ತಡಕಾಡಿದ್ದಾನೆ. ಹುಂಡಿಯ ಹಣ ದೇವಾಲಯ ಸಮಿತಿಯವರು ಇತ್ತೀಚೆಗಷ್ಟೇ ತೆಗೆದಿರುವುದರಿಂದ ಕಳ್ಳನ ಪ್ರಯತ್ನ ವಿಫಲವಾಗಿದೆ. ದೇವಾಲಯದ ಕಚೇರಿಯಲ್ಲಿ ಅಳವಡಿಸಿದ್ದ ಸಿಸಿ ಕ್ಯಾಮರಾದಲ್ಲಿ ಲುಂಗಿ ಶರ್ಟು ಧರಿಸಿ ಮುಖಕ್ಕೆ ಬಟ್ಟೆ ಕಟ್ಟಿಕೊಂಡು ಕನ್ನಡಕ ಧರಿಸಿದ ಓರ್ವ ವ್ಯಕ್ತಿ ದೇವಾಲಯದ ಬೀಗ ಒಡೆದು ಒಳ ಪ್ರವೇಶಿಸಿದ ದೃಶ್ಯ ಕಂಡು ಬಂದಿದೆ, ದೇವಾಲಯದಲ್ಲಿ 5 ಕಡೆ ಸಿಸಿ ಕ್ಯಾಮರಾ ಅಳವಡಿಸಿದ್ದು, ಅದರಲ್ಲಿ 1 ಸಿಸಿ ಕ್ಯಾಮರಾವನ್ನು ಕದ್ದೊಯ್ಯಲಾಗಿದೆ.
ನಾಡಕಚೇರಿಯ ಬೀಗ ಮುರಿದು ಒಳನುಗ್ಗಿದ ಕಳ್ಳರು ಆರ್‍ಐ ಗ್ರಾಮಲೆಕ್ಕಿಗರ ಟೇಬಲ್ ಹಾಗೂ ಎಂಟು ಗಾಡ್ರೇಜ್ ಬೀರುವನ್ನು ತೆರೆದು ಚೆಲ್ಲಾಪಿಲ್ಲಿಗೊಳಿಸಿ ಕಂಪ್ಯೂಟರ್, ಲ್ಯಾಪ್‍ಟಾಪ್‍ಗಳನ್ನು ಮುಟ್ಟದೆ ಕಚೇರಿಯ 8 ಅಲ್ಮೆರಗಳ ಬೀಗವನ್ನು ಮುರಿದು ದಾಖಲಾತಿ ಪತ್ರ ಇನ್ನಿತರ ವಸ್ತುಗಳನ್ನು ಚೆಲ್ಲಾಪಿಲ್ಲಿಗೊಳಿಸಿ ಹೊರಹೋಗಿದ್ದಾನೆ. ಅಲ್ಲದೇ ಪಕ್ಕದಲ್ಲೇ ಇರುವ ಸರಕಾರಿ ಪ್ರವಾಸಿ ಮಂದಿರದ ಬೀಗ ಒಡೆದು ಒಳನುಗಿದ್ದ ಕಳ್ಳರು ಅಲ್ಲಿಯೂ ಇದ್ದ ಅಲ್ಮೆರದಲ್ಲಿ ಇರಿಸಿದ ವಸ್ತುಗಳನ್ನು ಚೆಲ್ಲಾಪಿಲ್ಲಿಗೊಳಿಸಿದ್ದಾನೆ.
ಶುದ್ಧ ನೀರಿನ ಘಟಕದ ಬೀಗ ಒಡೆದು ಒಳನುಗ್ಗಿ ಅಲ್ಲಿಂದ ನೇರವಾಗಿ ಮದುರಮ್ಮ ಬಡಾವಣೆಯ ಎ.ಆರ್. ಅಸೋಷಿಯೇಟ್ಸ್ ಕಚೇರಿಗೆ ನುಗ್ಗಿ ಅಲ್ಲಿದ್ದ ಕಡತ ಚೆಲ್ಲಾಡಿ ಕಬೋರ್ಡು ಮುರಿದು ಅದರಲ್ಲಿದ್ದ 3,000 ರೂ ಅಪಹರಿಸಿಸಲಾಗಿದೆ.
ಅಲ್ಲದೆ ಮದುರಮ್ಮ ಬಡಾವಣೆಯ ಸ್ವಾಮಿ ಇಂಜಿನಿಯರ್ ವರ್ಕ್‍ನ ಮಾಲೀಕ ದಿ.ಗಂಗಾಧರ ಅವರ ಮನೆಯ 1 ಭಾಗದ ಬೀಗ ಒಡೆದು ಗಾಡ್ರೇಜ್ ಒಡೆದು ಜಾಲಾಡಿದ್ದು, ಏನೂ ಸಿಗದಿದ್ದ ಕಾರಣ ಮನೆಯ ಇನ್ನೊಂದು ಭಾಗದ ಬೀಗ ಒಡೆಯಲು ಪ್ರಯತ್ನಿಸಿದಾಗ ಮನೆಯ ಮಾಲೀಕ ಮನೋಹರಿ ಸದ್ದು ಕೇಳಿ ಕಿರುಚಿಕೊಂಡಾಗ ಕಳ್ಳ ಕಳ್ಳತನಕ್ಕೆ ತಂದಿದ್ದ ಸ್ಕೂಡ್ರೈವರ್, ಕಬ್ಬಿಣದ ರಾಡುಗಳನ್ನು ಬಿಟ್ಟು ಪರಾರಿಯಾಗಿದ್ದಾನೆ. ಮನೆಯ ಮಾಲಕಿ ಟಿ.ಕೆ.ಮನೋಹರಿ ರಾತ್ರಿಯೇ ಸುಂಟಿಕೊಪ್ಪ ಪೊಲೀಸರಿಗೆ ದೂರು ನೀಡಿದ್ದು, ಪೊಲೀಸರು ಬಂದು ಸ್ಥಳ ಪರಿಶೀಲಿಸಿದ್ದಾರೆ.
ಸುಂಟಿಕೊಪ್ಪ 2ನೇ ವಿಭಾಗದ ಅಂಗನವಾಡಿ ಕೇಂದ್ರದ ಬೀಗವನ್ನು ಮುರಿದು ಒಳನುಗ್ಗಿದ ಕಳ್ಳ ಗಾಡ್ರೇಜ್ ಬೀರುವನ್ನು ತೆರೆದು ಚೆಲ್ಲಾಪಿಲ್ಲಿಗೊಳಿಸಿ ಅಲ್ಲಿಂದ ತೆರಳಿದ್ದಾನೆ.
ಈ ಸರಣಿ ಕಳ್ಳತನದಿಂದ ಸುಂಟಿಕೊಪ್ಪ ನಾಗರಿಕರು ಭಯಬೀತರಾಗಿದ್ದು, ಸುಂಟಿಕೊಪ್ಪ ಪೊಲೀಸ್ ಠಾಣಾಧಿಕಾರಿ ಡಿ.ಎಸ್.ಪುನಿತ್ ಹಾಗೂ ಸಿಬ್ಬಂದಿಗಳು ಮೊಕದ್ದಮೆ ದಾಖಲಿಸಿ ತನಿಖೆ ಕೈಗೊಂಡಿದ್ದಾರೆ.