‘ಸೀಬೆ ಹಣ್ಣಿನ’ ಆರೋಗ್ಯಕರ ಲಾಭಗಳು

04/12/2021

 

ಪೇರಳೆ ಹಣ್ಣು ಅಥವಾ ಸೀಬೆ ಹಣ್ಣು ತುಂಬಾ  ಸುಲಭವಾಗಿ ಸಿಗುವಂತಹ ಹಣ್ಣು. ಇದರಲ್ಲಿ ಇರುವಂತಹ ವಿಟಮಿನ್ ಗಳು ಹಾಗೂ ಖನಿಜಾಂಶಗಳು ನಮ್ಮ ಆರೋಗ್ಯಕ್ಕೆ ತುಂಬಾ ಲಾಭಕಾರಿ ಎಂದು ಸಂಶೋಧನೆಗಳಿಂದಲೂ ಸಾಬೀತಾಗಿದೆ. ಪೇರಳೆ ಹಣ್ಣಿನಲ್ಲಿ ಕಿತ್ತಳೆ ಹಣ್ಣಿಗಿಂತಲೂ ಹೆಚ್ಚಿನ ವಿಟಮಿನ್ ಸಿ ಇದೆ ಮತ್ತು ಲಿಂಬೆಗಿಂತಲೂ ಹತ್ತು ಪಟ್ಟು ವಿಟಮಿನ್ ಎ ಇದೆ. ಇಷ್ಟು ಮಾತ್ರವಲ್ಲದೆ, ಇದರಲ್ಲಿ ವಿಟಮಿನ್ ಬಿ2, ಇ ಮತ್ತು ಕೆ, ಕ್ಯಾಲ್ಸಿಯಂ, ಫಾಲಟೆ, ನಾರಿನಾಂಶ, ತಾಮ್ರ, ಕಬ್ಬಿನಾಂಶ, ಪೊಟಾಶಿಯಂ, ಮೆಗ್ನಿಶಿಯಂ ಮತ್ತು ಪೋಸ್ಪರಸ್ ಇದೆ. ಈ ಎಲ್ಲಾ ಅಂಶಗಳನ್ನು ಹೊಂದಿರುವಂತಹ ಪೇರಳೆ ಹಣ್ಣು ಬೇರೆ ಹಣ್ಣುಗಳಿಂತ ಹೆಚ್ಚು ವಿಶೇಷವಾಗಿ ನಿಲ್ಲುವುದು.

ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಕಡಿಮೆ ಮಾಡುತ್ತದೆ.
ಹೃದಯದ ಆರೋಗ್ಯವನ್ನು ಕಾಪಾಡುತ್ತದೆ.
ಮುಟ್ಟಿನಲ್ಲಿ ಕಾಣಿಸುವ ನೋವಿನ ಲಕ್ಷಣವನ್ನು ನಿವಾರಿಸಲು ಸಹಾಯ ಮಾಡುತ್ತದೆ.
ನಿಮ್ಮ ಜೀರ್ಣಾಂಗ ವ್ಯವಸ್ಥೆಯನ್ನು ಸುಧಾರಿಸುತ್ತದೆ.
ಕ್ಯಾನ್ಸರ್ ವಿರೋಧಿ ಪರಿಣಾಮವನ್ನು ಹೊಂದಿದೆ.
ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.

ಇದರಲ್ಲಿ ಯಥೇಚ್ಚವಾದ ವಿಟಮಿನ್ ಸಿ, ಲೈಕೋಪೀನ್ ಮತ್ತು ಆಂಟಿಆಕ್ಸಿಡೆಂಟ್ ಹೊಂದಿದೆ.
ಉತ್ತಮವಾದ ಚರ್ಮ ಪಡೆಯಲು ಸೀಬೆ ಹಣ್ಣು ಸಹಾಯ ಮಾಡುತ್ತದೆ.
ಇದರಲ್ಲಿನ ಪೊಟ್ಯಾಶಿಯಮ್ ರಕ್ತದೊತ್ತಡವನ್ನು ಸುಧಾರಿಸುತ್ತದೆ.
ಇದರಲ್ಲಿ ಸುಮಾರು 80ಮುಖ್ಯವಾಗಿ ಸೀಬೆ ಹಣ್ಣಿನಲ್ಲಿ ಹಾಗು ಎಲೆಗಳಲ್ಲಿ ಹೆಚ್ಚಿನ ಮಟ್ಟದ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದ್ದು, ಇದರಲ್ಲಿನ ಪೋಷಕಾಂಶಗಳು ನಿಮ್ಮ ಹೃದಯವನ್ನು ಸ್ವತಂತ್ರ ರಾಡಿಕಲ್ ಗಳಿಂದ ಹಾನಿಗೊಳಗಾಗದಂತೆ ರಕ್ಷಿಸುತ್ತದೆ ಎಂದು ಆರೋಗ್ಯ ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ಇದರಲ್ಲಿನ ಅಧಿಕ ಪೊಟ್ಯಾಶಿಯಮ್ ಮತ್ತು ಕರಗುವ ನಾರಿನಾಂಶವು ಸುಧಾರಿತ ಹೃದಯವನ್ನು ಕಾಪಾಡುತ್ತದೆ.  ನಷ್ಟು ನೀರು ಮತ್ತು ಫೈಬರ್ ಗಳಿಂದ ತುಂಬಿದೆ.
ಇದು ನಿಮ್ಮ ಡಯಟ್ ನಲ್ಲಿ ಸೇರಿಸಿದರೆ ತ್ವರಿತವಾಗಿ ತೂಕ ನಷ್ಟಕ್ಕೆ ಕಾರಣವಾಗಬಹುದು.
ಸೀಬೆ ಹಣ್ಣಿನ ಎಲೆಗಳು ಕೂಡ ದಿವ್ಯೌಷಧವಾಗಿ ಕಾರ್ಯ ನಿರ್ವಹಿಸುತ್ತದೆ. ಹೇಗೆಂದರೆ, ಈ ಅದ್ಭುತವಾದ ಎಲೆಗಳಲ್ಲಿ ವಿಟಮನ್ ಸಿ ನಂತಹ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿದ್ದು, ಶಕ್ತಿಕೇಂದ್ರವಾಗಿದೆ.

ಅಧಿಕ ರಕ್ತದೊತ್ತಡವನ್ನು ಮತ್ತು ಪಾರ್ಶ್ವವಾಯುವಿನ ಅಪಾಯವನ್ನು ಇದು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ೧೨೦ ಮಂದಿಯ ಸಮೀಕ್ಷೆಯ ಪ್ರಕಾರ, ಊಟಕ್ಕೆ ಮುಂಚೆ ಸೀಬೆ ಹಣ್ಣಿನ ಸೇವನೆ ಮಾಡಿದವರಲ್ಲಿ ಅಧಿಕ ರಕ್ತದೊತ್ತಡವನ್ನು ಕಡಿಮೆ ಮಾಡಿದೆ ಎಂದು ತಿಳಿದು ಬಂದಿದೆ. ಅಲ್ಲದೇ, ದೇಹದಲ್ಲಿನ ಕೊಲೆಸ್ಟ್ರಾಲ್ ಮಟ್ಟವನ್ನು ಕೂಡ ಕಡಿಮೆ ಮಾಡಿದೆ.

ಜಪಾನ್ ದೇಶದಲ್ಲಿ ಜನರು ತಮ್ಮ ಮಧುಮೇಹವನ್ನು ನಿಯಂತ್ರಣದಲ್ಲಿಟ್ಟುಕೊಳ್ಳಲು ಸೀಬೆ ಹಣ್ಣಿನ ಎಲೆಗಳಿಂದ ತಯಾರು ಮಾಡಿದ ಚಹಾವನ್ನು ಕುಡಿಯಲು ಶಿಫಾರಸ್ಸು ಮಾಡುತ್ತಾರೆ. ಇದರಿಂದಾಗಿ ರಕ್ತದಲ್ಲಿನ ಸಕ್ಕರೆಯ ಪ್ರಮಾಣವು ಹಂತ ಹಂತವಾಗಿ ಕಡಿಮೆಯಾಗುತ್ತದೆ. ಸೀಬೆ ಹಣ್ಣಿನಿಂದ ತಯಾರಿಸಿದ ಚಹಾವು ಜೀರ್ಣಾಂಗದಲ್ಲಿ ಕಾರ್ಬೋಹೈಡ್ರೇಟ್ ಅನ್ನು ಗ್ಲೂಕೋಸ್ ಆಗಿ ಪರಿರ್ವತನೆ ಮಾಡಿ ಹಲವು ಕಿಣ್ವಗಳನ್ನು ಪ್ರತಿಬಂಧಿಸುವ ಪರಿಣಾಮ, ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ತಗ್ಗಿಸಲು ಸಹಾಯ ಮಾಡುತ್ತದೆ.

ಸೀಬೆ ಹಣ್ಣು ಕೇವಲ ೩೭ ಕ್ಯಾಲೋರಿಗಳನ್ನು ಹೊಂದಿರುವುದರಿಂದ ನಿಮ್ಮ ದೈನಂದಿನ ಡಯಟ್ ಚಾರ್ಟ್ ನಲ್ಲಿ ಈ ಸಿಹಿಯಾದ ಹಣ್ಣನ್ನು ಸೇವಿಸಬಹುದು. ಇದರಲ್ಲಿನ ಫೈಬರ್ ಸೇವನೆಯು ದೇಹಕ್ಕೆ ಅತ್ಯುತ್ತಮವಾಗಿದ್ದು, ಜೀವಸತ್ವ ಮತ್ತು ಖನಿಜಗಳಿಂದ ತುಂಬಿದೆ. ಇದು ರಕ್ತದಲ್ಲಿನ ಸಕ್ಕರೆಯ ಮಟ್ಟವನ್ನು ಕಡಿಮೆ ಮಾಡುವುದಲ್ಲದೇ, ದೇಹದ ತೂಕವನ್ನು ಪರಿಣಾಮಕಾರಿಯಾಗಿ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಸೀಬೆ ಹಣ್ಣಿನ  ಆರೋಗ್ಯ ಹಾಗು ಸೌಂದರ್ಯ ಪ್ರಯೋಜನಗಳು   : 

ಸೀಬೆಹಣ್ಣಿನಲ್ಲಿ ವಿಟಮಿನ್ ಸಿ ಇರುವುದರಿಂದ ತ್ವಚೆಯ ಮೇಲಿರುವ ಮೊಡವೆಗಳನ್ನು ಒಳಗಿನಿಂದ ಶಮನ ಮಾಡಲು ಸಹಾಯ ಮಾಡುತ್ತದೆ.
ಈ ಹಸಿರು ಹಣ್ಣಿನ ಸೇವನೆಯು ತ್ವಚೆಯ ಬಣ್ಣವನ್ನು ಹೆಚ್ಚಿಸುವುದಲ್ಲದೇ, ಕಾಂತಿಯುತವಾಗಿಸುತ್ತದೆ.
ಸೀಬೆಹಣ್ಣಿನ ಎಲೆಗಳಿಂದ ತಯಾರಿಸಿದ ನೀರಿನಿಂದ ತಲೆಯ ಕೂದಲನ್ನು ತೊಳೆಯುವುದರಿಂದ, ಕೂದಲು ಉದುರುವ ಸಮಸ್ಯೆಯಿಂದ ಹಾಗು ನೆತ್ತಿಯ ತುರಿಕೆಯಿಂದ ಪಾರಾಗಬಹುದು.
ಕೆಟ್ಟ ಹಲ್ಲಿನ ಸಮಸ್ಯೆಯನ್ನು ಶಮನ ಮಾಡಲು ಸೀಬೆ ಹಣ್ಣು ಸಹಾಯ ಮಾಡುತ್ತದೆ.
ರಾತ್ರಿಯ ಸಮಯದಲ್ಲಿ ಒಳ್ಳೆ ನಿದ್ರೆ ನೀಡುತ್ತದೆ.
ಜ್ವರ, ಕೆಮ್ಮು, ನೆಗಡಿಯಂತಹ ಸೋಂಕಿನಿಂದ ಕಾಪಾಡಿ, ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ.