Tuesday, November 12, 2019 2:53 PM

ಪನ್ನೀರ್‌ ಮಿರ್ಚಿ ಮಾಡುವುದು ಹೇಗೆ?
108
ಪನ್ನೀರ್‌ ಮಿರ್ಚಿ ಮಾಡುವುದು ಹೇಗೆ?

ಬೇಕಾಗುವ ಸಾಮಗ್ರಿಗಳು : 250 ಗ್ರಾಂ ಪನ್ನೀರ್, 2 ಕ್ಯಾಪ್ಸಿಕಂ, 4 ಬೆಳ್ಳುಳ್ಳಿ ಎಸಳು, 1 ಚಮಚ ಟೊಮೆಟೊ ಕೆಚಪ್‌, 1 ಚಮಚ ವಿನಿಗರ್‌, 1 ಕಪ್ ಬೇಯಿಸಿದ ತರಕಾರಿ (ನೀರನ್ನು ಬಸಿಯಿರಿ), ಕ್ಯೂಬ್ ರೀತಿ (ದೊಡ್ಡದಾಗಿ) ಕತ್ತರಿಸಿದ ಈರುಳ್ಳಿ 2, 4 ಹಸಿ ಮೆಣಸಿನಕಾಯಿ, 2 ಚಮಚ ಸೋಯಾ ಸಾಸ್‌, 3 ಕಪ್‌ ಜೋಳದ ಹಿಟ್ಟು, 2 ಕಪ್ ಎಣ್ಣೆ.

ಮಾಡುವುದು ಹೇಗೆ?

  • ಜೋಳದ ಹಿಟ್ಟಿಗೆ ಸ್ವಲ್ಪ ನೀರು ಹಾಕಿ ಗಟ್ಟಿ ಪೇಸ್ಟ್‌ ಮಾಡಿ. ಈಗ ಪನ್ನೀರ್‌ ಅನ್ನು ಚಿಕ್ಕ -ಚಿಕ್ಕ ತುಂಡುಗಳಾಗಿ ಕತ್ತರಿಸಿ, ಜೋಳದ ಪೇಸ್ಟಿಗೆ ಹಾಕಿ, ಪನ್ನೀರ್‌ಗೆ ಜೋಳದ ಹಿಟ್ಟನ್ನು ಲೇಪಿಸಿ.
  • ಪ್ಯಾನ್‌ಗೆ ಎಣ್ಣೆ ಹಾಕಿ ಕುದಿಸಿ, ಎಣ್ಣೆ ಕುದಿ ಬರಲಾರಂಭಿಸಿದಾಗ ಪನ್ನೀರ್ ಅನ್ನು ಅದರಲ್ಲಿ ಹಾಕಿ ಡೀಪ್‌ ಫ್ರೈ ಮಾಡಿ, ಎಣ್ಣೆಯಿಂದ ತೆಗೆದು ಒಂದು ಪಾತ್ರೆಯಲ್ಲಿ ಹಾಕಿಡಿ.
  • ಉಳಿದ ಜೋಳದ ಹಿಟ್ಟಿಗೆ ತರಕಾರಿಯನ್ನು ಹಾಕಿ ಮಿಕ್ಸ್‌ ಮಾಡಿ ಇಡಿ.
  • ಈಗ ದಪ್ಪ ತಳವಿರುವ ಪಾತ್ರೆಗೆ 2 ಚಮಚ ಎಣ್ಣೆ ಹಾಕಿ ಬಿಸಿ ಮಾಡಿ, ಎಣ್ಣೆ ಬಿಸಿಯಾದಾಗ ಈರುಳ್ಳಿ, ಕ್ಯಾಪ್ಸಿಕಂ, ಹಸಿ ಮೆಣಸು ಹಾಕಿ 2 ನಿಮಿಷ ಫ್ರೈ ಮಾಡಿ, ಈಗ ತರಕಾರಿ ಹಾಕಿ ರುಚಿಗೆ ತಕ್ಕ ಉಪ್ಪು ಸೇರಿಸಿ, ಚಿಟಿಕೆಯಷ್ಟು ಅರಿಶಿಣ, ಸೋಯಾ ಸಾಸ್, ವಿನೆಗರ್‌ ಹಾಕಿ ಫ್ರೈ ಮಾಡಿ, ತರಕಾರಿ ಚೆನ್ನಾಗಿ ಫ್ರೈ ಆದ ಮೇಲೆ ಫ್ರೈ ಮಾಡಿದ ಪನ್ನೀರ್‌ ಹಾಕಿ ಮೆಲ್ಲನೆ ಒಮ್ಮೆ ಮಿಕ್ಸ್‌ ಮಾಡಿ, ಟೊಮೆಟೊ ಕೆಚಪ್‌ ಹಾಕಿ ಕಡಿಮೆ ಉರಿಯಲ್ಲಿ ಇಡಿ.
  • ಒಗ್ಗರಣೆ ಪಾತ್ರೆಗೆ 1 ಚಮಚ ಎಣ್ಣೆ ಹಾಕಿ , ಎಣ್ಣೆ ಬಿಸಿಯಾದಾಗ ಬೆಳ್ಳುಳ್ಳಿ, (ಕರಿಬೇವು ಕೂಡ ಸೇರಿಸಬಹುದು) ಹಾಕಿ 1 ನಿಮಿಷ ಫ್ರೈ ಮಾಡಿ, ಅದನ್ನು ಪನ್ನೀರ್‌ ಹಾಕಿ ಮಿಕ್ಸ್‌ ಮಾಡಿ ಉರಿಯಿಂದ ಇಳಿಸಿದರೆ ಚಿಲ್ಲಿ ಪನ್ನೀರ್‌ ಮಿರ್ಚಿ ರೆಡಿ.


ವೋಟ್ ಪೋಲ್

Previous polls

ಸುಭಾಷಿತ

ಜಾಹಿರಾತುಗಳು

ಫಿಲಂವುಡ್