ಮಡಿಕೇರಿ ಫೆ.26 NEWS DESK : ನಿಯಮ ಪ್ರಕಾರ ಜಿಲ್ಲಾ ಮತ್ತು ತಾಲ್ಲೂಕು ಆಸ್ಪತ್ರೆ, ಪ್ರಾಥಮಿಕ ಮತ್ತು ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿ ಇರಬೇಕಾದಷ್ಟು ಔಷಧಿಗಳು ಲಭ್ಯವಿಲ್ಲ ಮತ್ತು ವೈದ್ಯರಗಳ ಕೊರತೆಯೂ ಇರುವುದಾಗಿ ಸರ್ಕಾರಿ ವೈದ್ಯಾದಿಕಾರಿಗಳ ಸಂಘದ ಜಿಲ್ಲಾಧ್ಯಕ್ಷ ಡಾ.ಆನಂದ ಎಂ. ತಿಳಿಸಿದರು. ಪ್ರಸ್ತುತ ಜಿಲ್ಲಾ ಮತ್ತು ತಾಲ್ಲೂಕು ಆಸ್ಪತ್ರೆಗಳಲ್ಲಿ 478 ವಿವಿಧ ಔಷಧಿ(ಡ್ರಗ್ಸ್) ಇರಬೇಕಾಗಿದ್ದರು, ಲಭ್ಯವಿರುವುದು 150 ಔಷಧಿಗಳಷ್ಟೆ. ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿ 393 ಔಷಧಿಗಳು ಇರಬೇಕಾಗಿದ್ದರು, ಇರುವುದು 113 ಔಷಧಿಗಳು, ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಕನಿಷ್ಟ 239 ಔಷಧಿಗಳು ಲಭ್ಯವಿರಬೇಕಾಗಿದ್ದರೂ ಇರುವುದು 108 ಔಷಧಿಗಳು ಮಾತ್ರ. ಸರ್ಕಾರದ ವೈದ್ಯಕೀಯ ಸರಬರಾಜು ನಿಗಮ ಅಗತ್ಯ ಔಷಧಿಗಳನ್ನು ಪೂರೈಸುವಲ್ಲಿ ವಿಫಲವಾಗಿರುವುದರಿಂದ ಸಾರ್ವಜನಿಕರಿಗೆ ಅಗತ್ಯ ಚಿಕಿತ್ಸೆ ನೀಡುವುದು ಕಷ್ಟಕರವಾಗಿದೆಯೆಂದು ತಿಳಿಸಿದರು. ಜಿಲ್ಲೆಯಲ್ಲಿ ವೈದ್ಯರುಗಳ ಹದ್ದೆಯು ಖಾಲಿ ಇರುವುದಾಗಿ ತಿಳಿಸಿದ ಅವರು, ತಾಲ್ಲೂಕು ಆಸ್ಪತ್ರೆಗಳಲ್ಲಿ ಇರುವ 30 ವೈದ್ಯರ ಹುದ್ದೆಗಳಲ್ಲಿ ಇರುವುದು 16 ವೈದ್ಯರು, ಜಿಲ್ಲೆಯ 7 ಸಮುದಾಯ ಆರೋಗ್ಯ ಕೇಂದ್ರಗಳಲ್ಲಿ ಇರುವ 31 ವೈದ್ಯರ ಹುದ್ದೆಯಲ್ಲಿ ಇರುವುದು ಕೇವಲ 5 ವೈದ್ಯರು ಮಾತ್ರ, ತಜ್ಞ 20 ವೈದ್ಯರುಗಳ ಪೈಕಿ ಇರುವುದು 13 ಮಂದಿ ಮಾತ್ರವೆಂದು ಮಾಹಿತಿ ನೀಡಿದರು.
