ನಾಪೋಕ್ಲು ಅ.6 : ಪ್ರತಿಭಾ ಕಾರಂಜಿಯಲ್ಲಿ ಕುಂಜಿಲ ಆಕ್ಸ್ಫರ್ಡ್ ಶಾಲೆ ವಿದ್ಯಾರ್ಥಿಗಳು ವಿಶೇಷ ಸಾಧನೆ ಮಾಡಿದ್ದಾರೆ.
ಕಕ್ಕಬೆ ಕೇಂದ್ರ ವಿದ್ಯಾ ಸಂಸ್ಥೆಯಲ್ಲಿ ನಡೆದ ಕ್ಲಸ್ಟರ್ ಮಟ್ಟದ ಪ್ರತಿಭಾ ಕಾರಂಜಿ ಸ್ಪರ್ಧೆಗಳಲ್ಲಿ ಕುಂಜಿಲ ಆಕ್ಸ್ಫರ್ಡ್ ಆಂಗ್ಲ ಮಾಧ್ಯಮ ಶಾಲೆಯ ಸುಮಾರು 40 ವಿದ್ಯಾರ್ಥಿಗಳು ಭಾಗವಹಿಸಿ ತಮ್ಮ ಪ್ರತಿಭೆಯನ್ನು ಅನಾವರಣಗೊಳಿಸಿದರು.
1 ರಿಂದ 4 ನೇ ತರಗತಿ ವಿಭಾಗದ ಸ್ಪರ್ಧೆಗಳಲ್ಲಿ ರಿಲಾ ಫಾತಿಮಾ (ಅಭಿನಯ ಗೀತೆ) ದ್ವಿತೀಯ, ಜಕೀಯ (ಧಾರ್ಮಿಕ ಪಠಣ) ದ್ವಿತೀಯ, ರನ ಫಾತಿಮಾ(ಕಥೆ ಹೇಳುವುದು) ದ್ವಿತೀಯ ಹಾಗೂ ಮಿನ್ಹ ಕದೀಜಾ (ಛದ್ಮ ವೇಷ) ದ್ವಿತೀಯ ಸ್ಥಾನ ಪಡೆದುಕೊಂಡು ಪ್ರಶಂಸೆಗೆ ಭಾಜನಾರಾದರು.
5 ರಿಂದ 7ನೇ ತರಗತಿ ವಿಭಾಗದಲ್ಲಿ ಅಫ್ನಾ (ಲಘುಸಂಗೀತ, ಭಕ್ತಿಗೀತೆ) ಪ್ರಥಮ, ರಿಂಶಾ ಫಾತಿಮಾ (ಇಂಗ್ಲಿಷ್ ಕಂಠಪಾಠ , ಅರೇಬಿಕ್ ಧಾರ್ಮಿಕ ಪಠಣ) ಪ್ರಥಮ, ಜಝಾ ಫಾತಿಮಾ (ಕಥೆ ಹೇಳುವುದು) ಪ್ರಥಮ, ನಿಧಾ (ಹಿಂದಿ ಕಂಠಪಾಠ) ಪ್ರಥಮ ಸ್ಥಾನವನ್ನು ಗಳಿಸಿ ತಾಲ್ಲೂಕು ಮಟ್ಟಕ್ಕೆ ಆಯ್ಕೆಯಾಗಿರುತ್ತಾರೆ.
ಫರ್ಹಾನ್(ಮಿಮಿಕ್ರಿ)ದ್ವಿತೀಯ, ರಿಂಶಾ ಫಾತಿಮಾ (ಸಂಸ್ಕೃತ ಧಾರ್ಮಿಕ ಪಠಣ) ದ್ವಿತೀಯ ಸ್ಥಾನ ಪಡೆದುಕೊಂಡಿದ್ದಾರೆ. ಪ್ರೌಢ ಶಾಲಾ ವಿಭಾಗದಲ್ಲಿ ಅಫ್ರೀದ್ (ಜನಪದ ಗೀತೆ)ದ್ವಿತೀಯ, ಶಹದಿಯಾ (ಭಾವಗೀತೆ)ದ್ವಿತೀಯ, ಇಜ್ಮಾ (ಚಿತ್ರ ಕಲೆ) ದ್ವಿತೀಯ, ಶಬೀರ್ ಮತ್ತು ಮುನಜಿಲ್ (ರಸಪ್ರಶ್ನೆ) ದ್ವಿತೀಯ, ಅನಸ್ (ರಂಗೋಲಿ) ದ್ವಿತೀಯ, ಹನ್ನತ್ (ಕನ್ನಡ ಭಾಷಣ)ದ್ವಿತೀಯ ಸ್ಥಾನ ಗಳಿಸಿರುತ್ತಾರೆ. ಅದಲ್ಲದೆ ಹನ್ನತ್ (ಇಂಗ್ಲಿಷ್ ಭಾಷಣ) ಪ್ರಥಮ, ಹಂಜ಼(ಅರೇಬಿಕ್ ಧಾರ್ಮಿಕ ಪಠಣ) ಪ್ರಥಮ, ಅಫ್ರಾ ಫರ್ವೀನ್ (ಆಶುಭಾಷಣ) ಪ್ರಥಮ, ಸಜ್ಞಾ (ಕವನ ವಚನ ) ಪ್ರಥಮ, ಶಫ್ನಾಜ್ (ಗಜಲ್) ಪ್ರಥಮ, ಅಮೀನ (ಛದ್ಮವೇಷ) ಪ್ರಥಮ ,ಅಫ್ರೀದ್ ಮತ್ತು ತಂಡ(ಕವ್ವಾಲಿ) ಪ್ರಥಮ, ಫೈಜ್ ಮತ್ತು ತಂಡ (ಜಾನಪದ ನೃತ್ಯ) ಪ್ರಥಮ ಸ್ಥಾನ ಗಳಿಸಿ ತಾಲ್ಲೂಕು ಮಟ್ಟಕ್ಕೆ ಆಯ್ಕೆಯಾಗಿದ್ದಾರೆ.
ಶಾಲೆಯ ವ್ಯವಸ್ಥಾಪಕ ನಿರ್ದೇಶಕ ಶಾಹಿದ್ ಅಲಿ, ಮುಖ್ಯೋಪಾಧ್ಯಾಯಿನಿ ಕೆ.ಎಂ.ಆಬಿದಾ ಮತ್ತು ಸಹ ಶಿಕ್ಷಕರ ಸಹಕಾರ ಹಾಗೂ ಪ್ರೋತ್ಸಾಹದಿಂದ ಪ್ರಶಂಸೆಗೆ ಭಾಜನರಾದರು.
ವರದಿ : ದುಗ್ಗಳ ಸದಾನಂದ
