ನಾಪೋಕ್ಲು ಸೆ.17 NEWS DESK : ಪ್ರವಾದಿ ಮಹಮ್ಮದ್ ಪೈಗಂಬರ್ ಅವರ ಜನ್ಮದಿನದ ಅಂಗವಾಗಿ ವಿವಿಧ ಕಾರ್ಯಕ್ರಮಗಳೊಂದಿಗೆ ಈದ್ ಮಿಲಾದ್ ಅನ್ನು ಸಂಭ್ರಮದಿಂದ ಆಚರಿಸಲಾಯಿತು. ನಾಪೋಕ್ಲು ವ್ಯಾಪ್ತಿಯ ವಿವಿಧ ಮಸೀದಿ, ಮದರಸಗಳಲ್ಲಿ ವೈವಿಧ್ಯಮಯ ಕಾರ್ಯಕ್ರಮಗಳು ನಡೆಯಿತು. ವಿವಿಧ ಜಮಾಯತ್ ಗಳಿಂದ ಮೆರವಣಿಗೆಯನ್ನು ಹಮ್ಮಿಕೊಳ್ಳಲಾಯಿತು. ಮದರಸ ವಿದ್ಯಾರ್ಥಿಗಳಿಂದ ಹಾಗೂ ಯುವಕರಿಂದ ದಫ್ ಪ್ರದರ್ಶನ ನಡೆಯಿತು. ಹಳೆ ತಾಲೂಕಿನ ಜುಮ್ಮಾ ಮಸೀದಿ, ಸೇರಿದಂತೆ ವಿವಿಧ ಜಮಾಯತ್ ಪದಾಧಿಕಾರಿಗಳು ಮುಸ್ಲಿಂ ಬಾಂಧವರು ಮೆರವಣಿಗೆಯಲ್ಲಿ ತೆರಳಿದರು. ಮುಹಮ್ಮದ್ ನಬಿ 99ನೇ ಯ ಜನ್ಮದಿನದ ಅಂಗವಾಗಿ ಕೊಳಕೇರಿ ಸುನ್ನಿ ಮುಸ್ಲಿಂ ಜಮಾಯತ್ ವತಿಯಿಂದ ನಡೆದ ಈದ್ ಮಿಲಾದ್ ಜಾಥಾ ಗಮನ ಸೆಳೆಯಿತು.ಮೆರವಣಿಗೆ ಯಲ್ಲಿ ಜುಮಾ ಮಸೀದಿಯ ಖತೀಬ್ ಜುರೈಜ್ ಸಹದಿ, ಅಧ್ಯಕ್ಷ ಎ.ಎ.ಅಶ್ರಫ್ , ಉಪಾಧ್ಯಕ್ಷ ಎಂ.ವೈ.ಹಫೀಲ್ ಸಹದಿ ಖಜಾಂಚಿ ಕೆ.ವೈ.ಅಶ್ರಫ್, ಕಾರ್ಯದರ್ಶಿ ಎಂ.ಯಚ್ ರಫೀಕ್ ಮತ್ತು ಗ್ರಾಮಸ್ಥರು ಪುಟಾಣಿ ಮಕ್ಕಳು ಮೆರವಣಿಗೆಯಲ್ಲಿ ಹಾಜರಿದ್ದರು. ಮೆರವಣಿಗೆಯು ಕಾಲ್ನಡಿಗೆಯಲ್ಲಿ ಕೊಳಕೇರಿಯಿಂದ ಕುಂಜಿಲದವರೆಗೆ ಸಾಗಿತು. ಸಮೀಪದ ಕೊಟ್ಟಮುಡಿ, ಎಮ್ಮೆಮಾಡು, ಪಡಿಯಾಣಿ ಮತ್ತಿತರ ಭಾಗಗಳಲ್ಲೂ ಈದ್ ಮೆರವಣಿಗೆ ನಡೆದವು.
ವರದಿ : ದುಗ್ಗಳ ಸದಾನಂದ.
