NEWS DESK : ಚೈತ್ರ ಮಾಸದ ಶುಕ್ಲ ಪಕ್ಷ ಪಾಡ್ಯಮಿಯ ಚಾಂದ್ರಮಾನ ಯುಗಾದಿ ಹಬ್ಬ. ಇದು ಉತ್ತರಾಯಣ ಪುಣ್ಯಕಾಲದಲ್ಲಿ ಹೊಸ ವರುಷದ ಪ್ರಾರಂಭದ ದಿನವಾಗಿ ಹಿಂದೂ ಜನಾಂಗ ಬಾಂದವರ ಪವಿತ್ರ ದಿನವಾಗಿದೆ.
ಯುಗಾದಿಯ ಅರ್ಥ ಯುಗದ ಅಧಿ. ಯುಗಾದಿ ಎಂಬ ಪದ ಸಂಸ್ಕೃತ ಯುಗ ಮತ್ತು ಆದಿ ಎಂಬ ಎರಡು ಶಬ್ದಗಳಿಂದ ಕೂಡಿದ್ದಾಗಿದೆ. ಯುಗವೆಂದರೆ ಸೃಷ್ಟಿಯ ಕಾಲಮಾನ ಆದಿ ಎಂದರೆ ಆರಂಭ ಯುಗಾದಿ ಹಬ್ಬವು ಪೌರಾಣಿಕ ಹಾಗೂ ಐತಿಹಾಸಿಕ ವಿಶೇಷತೆಗಳ ದಿನವಾಗಿದೆ. ಇದು ಬ್ರಹ್ಮ ದೇವನು ಸೃಷ್ಟಿಯನ್ನು ಸೃಷ್ಟಿಸಿದ ದಿನ. ಚೈತ್ರ ಶುದ್ಧ ಪಾಡ್ಯದಂದು ಸೂರ್ಯ ಉದಯವಾಗುತ್ತಿರುವಾಗ ಬ್ರಹ್ಮನು ವಿಶ್ವವನ್ನು ಸೃಷ್ಟಿಸಿದನೆಂದು ಅಂದಿನಿಂದ ಕಾಲಗಣನೆಗಾಗಿ ಗ್ರಹ, ನಕ್ಷತ್ರ, ತಿಂಗಳು, ವರ್ಷ ಇವುಗಳನ್ನು ಆರಂಭಿಸಿದನೆಂದು ಪುರಾಣಗಳಲ್ಲಿ ಉಲ್ಲೇಖಿಸಲಾಗಿದೆ. ವೇದಗಳ ಕಾಲದಿಂದಲು ಈ ಹಬ್ಬದ ಮಹಿಮೆ ಇದೆ (ಎಲ್ಲ ಶಾಸ್ತ್ರ ಗ್ರಂಥಗಳಲ್ಲಿ ಯುಗಾದಿಯ ಕುರಿತು ಬರೆಯಲಾಗಿದೆ). ಶ್ರೀ ರಾಮನು ರಾವಣನನ್ನು ಸಂಹರಿಸಿ ಬಂದಾಗ ಅಯೋಧ್ಯೆಯಲ್ಲಿ ಶ್ರೀರಾಮ ಚಂದ್ರನ ಪಟ್ಟಾಬೀಷೇಕಾವಾದ ದಿನವೆಂದು ಹೇಳಲಾಗಿದೆ. ಈ ದಿನ ಮಂಗಳಕಾರ್ಯಗಳನ್ನು ಮಾಡಲು ಉತ್ತಮ ದಿನವಾಗಿರುತ್ತದೆ. ಯುಗಾದಿಯನ್ನು ಸೌರಮಾನ ಯುಗಾದಿ ಹಾಗೂ ಚಾಂದ್ರಮಾನ ಯುಗಾದಿ ಹೀಗೆ ಎರಡು ಬಗ್ಗೆಗಳಲ್ಲಿ ಆಚರಣೆ ಮಾಡುವರು. ಚಂದ್ರನ ಚಲನೆಯನ್ನು ಗುರುತಿಸಿ ಮಾಡುವ ಪದ್ಧತಿಗೆ ಚಂದ್ರಾಮಾನ ಯುಗಾದಿ ಎನ್ನುವರು. ಸೂರ್ಯನು ಮೇಷ ರಾಶಿಗೆ (ಬಂದಾಗ) ಸೌರಮಾನ ಯುಗಾದಿ (ವಿಷು) ಎಂದು ಆಚರಣೆ ಮಾಡುತ್ತಾರೆ.
ಹೊಸ ವರ್ಷದ ಪ್ರಾರಂಭದ ಸಡಗರ ಸಂಭ್ರಮ ಎದ್ದು ಕಾಣುತ್ತದೆ. ಮನೆ ಮಂದಿ ಎಲ್ಲ ಬೇಗನೆ ಎದ್ದು ಸ್ನಾನ ಮಾಡಿ, ಹೊಸ ಬಟ್ಟೆ ಧರಿಸಿ ಮನೆಯ ಬಾಗಿಲುಗಳಿಗೆ ತಳೀರು ತೋರಣಗಳನ್ನು ಕಟ್ಟಿ ಅದಕ್ಕೆ ಬೇವಿನ ಸೊಪ್ಪಿನ ಗೊಂಚಲುಗಳನ್ನು ಸಿಕ್ಕಿಸಿ ಕಟ್ಟಿ ಮನೆ ಮುಂದೆ ರಂಗೋಲಿ ಹಾಕಿ ಶೃಂಗಾರ ಮಾಡುತ್ತಾರೆ. ನಂತರ ಮನೆಗಳಲ್ಲಿ ಪೂಜೆ ಮಾಡಿ ತಮ್ಮಿಷ್ಟದ ದೇವಾಲಯಗಳಿಗೆ ತೆರಳಿ ಪೂಜೆಮಾಡುವುದು ವಾಡಿಕೆಯಾಗಿದೆ. ದೇವರ ಪೂಜೆಯ ನಂತರ ಹಿರಿಯರ ಆರ್ಶೀವಾದ ಪಡೆಯುವುದು ವಿವಿಧ ಬಗೆಯ ಸಿಹಿ ಊಟವನ್ನು ತಯಾರು ಮಾಡಿ ಸೇವಿಸುವುದು ಹಬ್ಬದೂಟವಾಗಿದೆ. ಯುಗಾದಿಯ ವಿಶೇಷವಾದ ಬೇವು-ಬೆಲ್ಲದ ಮಿಶ್ರಣವನ್ನು ಸೇವಿಸುವುದು ಮಹತ್ವವಾಗಿದೆ. ಸುಖ-ದುಃಖ, ರಾತ್ರಿ-ಹಗಲು, ಇವು ಬೇವು-ಬೆಲ್ಲದ ಸಂಕೇತವಾಗಿದು ಮನುಷ್ಯನ ಜೀವನದಲ್ಲಿ ಕಷ್ಟ, ಸುಖ, ಒಳಿತು, ಕೆಡುಕು, ಅವಿಬಾಜ್ಯ ಅಂಗಗಳಾಗಿದ್ದು ಇವೆಲ್ಲವನ್ನು ಸಮತೋಲನದೊಂದಿಗೆ ಮನುಷ್ಯ ಬದುಕಬೇಕಿದೆ ಮನುಷ್ಯ ಜೀವನ ಸುಖ, ನೋವು ನಲಿವುಗಳ ಸಮ್ಮಿಶ್ರವಾಗಿದ್ದು ಕಷ್ಟ ಸುಖಗಳನ್ನು ಸಮಾನವಾಗಿ ಸ್ವೀಕಾರ ಮಾಡುವುದೆಂದು, ಯುಗಾದಿಯ ದಿನದಂದು ಬೇವು-ಬೆಲ್ಲವನ್ನು ಸೇವಿಸುವುದು ಆಗಿದೆ. ಬೇವಿನ ಎಲೆ ಸೇವಿಸುವುದು ಆರೋಗ್ಯಕೆ ಒಳಿತು ಅಲ್ಲದೇ ಆಯಸ್ಸು ವೃದ್ಧಿಯಾಗುತ್ತದೆ ಎಂದು ಆರ್ಯುವೇದದಲ್ಲಿ ತಿಳಿಸಲಾಗಿದೆ.
ಇಂದಿನ ಮುಂದುವರೆದ ಆಧುನಿಕ ನಾಗರಿಕತೆಯಿಂದ ನಮ್ಮ ಪುರಾತನ ಆಚಾರ-ವಿಚಾರ ಸಂಸ್ಕೃತಿ ಕಲೆ ಸಾಹಿತ್ಯ, ಇಂದು ಮಾರೆಯಾಗುತ್ತಿರುವುದನ್ನು ನಾವುಗಳು ಕಾಣಬಹುದಾಗಿದೆ. ಹಿಂದು ಸಂಸ್ಕೃತಿಯ ಹಬ್ಬ ಹರಿದಿನಗಳು ನಮ್ಮ ಸಂಸ್ಕೃತಿಯ ಆಧಾರ ಸ್ಥಂಬಗಳು ಇವುಗಳನ್ನು ಕಡೆಗಣಿಸಿದೆ ಆಚರಣೆ ಮಾಡುವಂತಹಾಗಬೇಕು ಒಂದೊಂದು ಹಬ್ಬ ಅದರದೇ ಆದ ಹಿನ್ನಲೇ ಹಾಗೂ ವಿಶೇಷತೆಯನ್ನು ಹೊಂದಿದೆ ಅಲ್ಲದೇ ನಮ್ಮ ಹಿರಿಯರು ನಡೆಸಿಕೊಂಡು ಬರುತ್ತಿದ್ದರು.. ಅವುಗಳನ್ನು ನಾವುಗಳು ಅರ್ಥ ಪೂರ್ಣವಾಗಿ ಆಚರಿಸುವಂತಹಾಗಬೇಕು. ಆಚರಿಸಲು ಪ್ರೇರಣೆ ನೀಡುವಂತಾಗಬೇಕು ಇದರಿಂದ ಮುಂದಿನ ಪೀಳಿಗೆಗೆ ನಮ್ಮ ಪದ್ಧತಿಗಳ ಅರಿವಾಗುತ್ತದೆ. ಎಲ್ಲರಿಗೂ ಹೊಸ ವರ್ಷ ಹರುಷ ತರಲಿ ಹೊಸ ವರ್ಷದ ಶುಭಾಶಯಗಳೊಂದಿಗೆ
ಯುಗ ಯುಗಾದಿ ಕಳೆದರು ಯುಗಾದಿ ಮರಳಿ ಬರುತ್ತದೆ.
ಹೊಸ ವರುಷಕ್ಕೆ ಹೊಸ ಹರುಷವ ಹೊಸತು ಹೊಸತು ತರುತ್ತಿದೆ.
ಲೇಖನ : ಪಿ.ಪಿ.ಸುಕುಮಾರ, ಹಾಕತ್ತೂರು
