ಮಡಿಕೇರಿ, ಸೆ.21 NEWS DESK : ಶಾಲಾ ಶಿಕ್ಷಣ ಇಲಾಖೆಯ ವತಿಯಿಂದ ಮಡಿಕೇರಿಯಲ್ಲಿ ನಡೆದ ಜಿಲ್ಲಾಮಟ್ಟದ ಕರಾಟೆ ಸ್ಪರ್ಧೆಯಲ್ಲಿ ಸೆಂಟ್ ಮೇರೀಸ್ ಶಾಲೆಯ 10ನೇ ತರಗತಿಯ ವಿದ್ಯಾರ್ಥಿನಿ ವರ್ಷ ವಿ.ಆರ್. ಪ್ರಥಮ ಸ್ಥಾನ ಪಡೆದು ಗಮನ ಸೆಳೆದಿದ್ದಾರೆ. ಈ ಸಂದರ್ಭ ಜಿಲ್ಲಾ ದೈಹಿಕ ಶಿಕ್ಷಣಾಧಿಕಾರಿ ಶ್ರೀನಿವಾಸ್, ನಿಕಟಪೂರ್ವ ದೈಹಿಕ ಶಿಕ್ಷಣ ಪರಿವೀಕ್ಷಕರಾದ ಶ್ರೀನಿವಾಸ್, ಸಂದೇಶ್, ತೇಜಸ್ ಹಾಗೂ ಶ್ಯಾಮಿಲಿ ಸೇರಿದಂತೆ ಕರಾಟೆ ವಿಭಾಗದ ಪ್ರಮುಖರು ಇದ್ದರು. ಕರಾಟೆ ತರಬೇತುದಾರರಾದ ಮುಕೇಶ್, ಅಂಕಿತ್, ಅಕ್ಷಿತ್ ಅವರಲ್ಲಿ ತರಬೇತಿ ಪಡೆದಿದ್ದಾರೆ. ವಿ.ಆರ್.ವರ್ಷ ಇಬ್ನಿವಳವಾಡಿ ಗ್ರಾಮದ ವಿ.ಎಂ.ರವಿ, ಪಿ.ಕೆ.ಶೈಲಜಾ ದಂಪತಿಯ ಪುತ್ರಿ.
