ನಾಪೋಕ್ ನಲ್ಲಿ ಸಿಎನ್‌ಸಿ ಮಾನವ ಸರಪಳಿ ಕಾರ್ಯಕ್ರಮ : ಕೊಡವಲ್ಯಾಂಡ್ ಭೌಗೋಳಿಕ-ರಾಜಕೀಯ ಸ್ವಾಯತ್ತತೆಗಾಗಿ ಹಕ್ಕೊತ್ತಾಯ : ಪಾರಂಪರಿಕ ಮಾತೃಭೂಮಿ ಮತ್ತು ದತ್ತು ಮಾತೃಭೂಮಿ ಸಿದ್ಧಾಂತದ ಕುರಿತು ಎನ್.ಯು.ನಾಚಪ್ಪ ಪ್ರತಿಪಾದನೆ

ಮಡಿಕೇರಿ NEWS DESK ಅ.26 : ಕೊಡವ ನ್ಯಾಷನಲ್ ಕೌನ್ಸಿಲ್ ವತಿಯಿಂದ ಕೊಡವಲ್ಯಾಂಡ್ ಭೌಗೋಳಿಕ-ರಾಜಕೀಯ ಸ್ವಾಯತ್ತತೆ ಹಾಗೂ ಕೊಡವರ ಸಾಂವಿಧಾನಿಕ ಹಕ್ಕುಗಳಿಗಾಗಿ ಹಮ್ಮಿಕೊಳ್ಳಲಾಗಿರುವ 7ನೇ ಶಾಂತಿಯುತ ಮಾನವ ಸರಪಳಿ ಕಾರ್ಯಕ್ರಮ ಸೋಮವಾರ ನೂರಂಬಡನಾಡ್ ನ ನಾಪೋಕ್ ನಲ್ಲಿ ನಡೆಯಿತು. ಕಾರ್ಯಕ್ರಮದ ನೇತೃತ್ವ ವಹಿಸಿ ಮಾತನಾಡಿದ ಸಿಎನ್‌ಸಿ ಅಧ್ಯಕ್ಷ ಎನ್.ಯು.ನಾಚಪ್ಪ ಅವರು, ಕೊಡವಲ್ಯಾಂಡ್ ಆದಿಮಸಂಜಾತ ಕೊಡವ ಜನಾಂಗೀಯ ಸಮುದಾಯದ ಪಾರಂಪರಿಕ ಮತ್ತು ಅವಿಭಾಜ್ಯ ಮಾತೃಭೂಮಿಯಾಗಿದ್ದು, ಈ ಪ್ರದೇಶದಲ್ಲಿ ಸ್ವಯಂ ಆಡಳಿತ ಮತ್ತು ಭೌಗೋಳಿಕ-ರಾಜಕೀಯ ಸ್ವಾಯತ್ತತೆಯನ್ನು ಪಡೆಯುವುದು ಕೊಡವರ ನ್ಯಾಯಸಮ್ಮತ ಹಕ್ಕಾಗಿದೆ ಎಂದು ಪ್ರತಿಪಾದಿಸಿದರು. **ಪಾರಂಪರಿಕ ಮಾತೃಭೂಮಿ ಮತ್ತು ದತ್ತು ಮಾತೃಭೂಮಿ ಸಿದ್ಧಾಂತ**
ಕೊಡವಲ್ಯಾoಡ್ ಕೊಡವರ ಪಾರಂಪರಿಕ ಮಾತೃಭೂಮಿಯಾಗಿದ್ದು, ಕೊಡಗನ್ನು ತಮ್ಮ ವಾಸಸ್ಥಳವನ್ನಾಗಿ ಮಾಡಿಕೊಂಡಿರುವ ಇತರ ಸಮುದಾಯಗಳಿಗೆ ಅದು ದತ್ತು ಮಾತೃಭೂಮಿಯಾಗಿದೆ ಎಂಬ ಸಿದ್ಧಾಂತವನ್ನು ಮಂಡಿಸಿದರು. ಕೊಡಗಿನಲ್ಲಿ ನೆಲೆಸಿರುವ ಪ್ರತಿಯೊಬ್ಬರನ್ನೂ ಗೌರವಿಸುವುದಾಗಿ ತಿಳಿಸಿದ ಅವರು, ದೇಶದ ವಿವಿಧ ನಗರಗಳು ಹಾಗೂ ವಿದೇಶಗಳಲ್ಲಿ ನೆಲೆಸಿರುವ ಕೊಡವರಿಗೂ ಅಲ್ಲಿನ ಪ್ರದೇಶಗಳು ದತ್ತು ಮಾತೃಭೂಮಿಗಳಾಗಿವೆ ಎಂದು ಹೇಳಿದರು.
ಕೊಡವರ ಸ್ವಾಯತ್ತತೆ ಮತ್ತು ಸಾಂಸ್ಕೃತಿಕ ಗುರುತಿನ ಬೇಡಿಕೆಗಳಿಗೆ ಇತರರು ವಿರೋಧ ವ್ಯಕ್ತಪಡಿಸುವ ಬದಲು ಪರಸ್ಪರ ಗೌರವದ ಮನೋಭಾವ ಬೆಳೆಸಿಕೊಳ್ಳಬೇಕು ಎಂದು ಅವರು ಅಭಿಪ್ರಾಯಪಟ್ಟರು. (ವಿಶ್ವಸಂಸ್ಥೆಯ ಆದಿಮಸಂಜಾತ ಜನರ ಹಕ್ಕುಗಳ ಘೋಷಣೆ) ಹಾಗೂ ಸಂವಿಧಾನದ ವಿವಿಧ ವಿಧಿಗಳು ಮತ್ತು ಅನುಸೂಚಿಗಳ ಆಶಯಗಳ ಆಧಾರದಲ್ಲಿ ಕೊಡವಲ್ಯಾಂಡ್‌ಗೆ ಸ್ವಾಯತ್ತತೆ ಕಲ್ಪಿಸಬೇಕೆಂಬುದು ಪ್ರಮುಖ ಬೇಡಿಕೆಯಾಗಿದೆ ಎಂದರು.
**ಸAವಿಧಾನಾತ್ಮಕ ರಕ್ಷಣೆ ಮತ್ತು ಕೊಡವ ಗುರುತಿನ ಮಾನ್ಯತೆಗೆ ಒತ್ತಾಯ** ಸಂವಿಧಾನದ 244 ಮತ್ತು 371ನೇ ವಿಧಿಗಳು, ಐದನೇ ಹಾಗೂ ಆರನೇ ಅನುಸೂಚಿಗಳ ಆಶಯಗಳಡಿ ಕೊಡವರಿಗೆ ವಿಶೇಷ ರಕ್ಷಣೆ ಮತ್ತು ಸ್ವಯಂ ಆಡಳಿತದ ಅವಕಾಶ ಕಲ್ಪಿಸಬೇಕು. ಸಂವಿಧಾನದ 29 ಮತ್ತು 30ನೇ ವಿಧಿಗಳಡಿ ಭಾಷೆ, ಸಂಸ್ಕೃತಿ ಹಾಗೂ ಪರಂಪರೆಯ ರಕ್ಷಣೆಯ ಅಗತ್ಯವನ್ನು ಪ್ರಸ್ತಾಪಿಸಿದ ನಾಚಪ್ಪ ಅವರು, ಕೊಡವರ ವಿಶಿಷ್ಟ ಜನಾಂಗೀಯ ಮತ್ತು ಭಾಷಿಕ ಗುರುತನ್ನು ಸಂರಕ್ಷಿಸಬೇಕೆAದರು.
ಕೊಡವರ ಸಾಂಪ್ರದಾಯಿಕ ಆಧ್ಯಾತ್ಮಿಕ ಆಚರಣೆಯ ಭಾಗವಾಗಿರುವ ಬಂದೂಕು ಅಥವಾ ‘ಗನ್-ತೋಕ್’ ಪರಂಪರೆಗೆ ಸಂವಿಧಾನದ 25 ಮತ್ತು 26ನೇ ವಿಧಿಗಳಡಿ ರಕ್ಷಣೆ ನೀಡಬೇಕು ಎಂಬ ಬೇಡಿಕೆಯನ್ನೂ ಮುಂದಿಟ್ಟರು. ಕೊಡವ ತಕ್ಕ್ ಭಾಷೆಯನ್ನು ಸಂವಿಧಾನದ ಎಂಟನೇ ಅನುಸೂಚಿಗೆ ಸೇರಿಸುವುದು, ಕೊಡವರನ್ನು ಪ್ರತ್ಯೇಕ ಜನಾಂಗೀಯ ಸಮುದಾಯವಾಗಿ ಗುರುತಿಸುವುದು ಮತ್ತು ಸಂಸತ್ತು ಹಾಗೂ ರಾಜ್ಯ ವಿಧಾನಮಂಡಲದಲ್ಲಿ ಪ್ರತ್ಯೇಕ ಪ್ರಾತಿನಿಧ್ಯ ಕಲ್ಪಿಸುವುದು ಸೇರಿದಂತೆ ಹಲವು ಬೇಡಿಕೆಗಳನ್ನು ವಿವರಿಸಿದರು. **2027ರ ಜನಗಣತಿಯಲ್ಲಿ ಪ್ರತ್ಯೇಕ ಗುರುತಿಸುವಿಕೆಗೆ ಆಗ್ರಹ** ಮುಂಬರುವ 2027ರ ರಾಷ್ಟ್ರೀಯ ಜನಗಣತಿಯಲ್ಲಿ ಕೊಡವರನ್ನು ವಿಶಿಷ್ಟ ಜನಾಂಗೀಯ ಸಮುದಾಯವೆಂದು ಪ್ರತ್ಯೇಕವಾಗಿ ದಾಖಲಿಸಿ ಗಣತಿ ಮಾಡಬೇಕು ಎಂದು ಆಗ್ರಹಿಸಿದರು. 1871-72ರಿಂದ 1941ರವರೆಗಿನ ಜನಗಣತಿಗಳಲ್ಲಿ ಕೊಡವರನ್ನು ಪ್ರತ್ಯೇಕ ಸಮುದಾಯವಾಗಿ ಗುರುತಿಸಲಾಗಿತ್ತು ಎಂದು ಉಲ್ಲೇಖಿಸಿದ ಅವರು, ನಂತರದ ಅವಧಿಯಲ್ಲಿ ಪ್ರತ್ಯೇಕ ಗುರುತಿನ ದಾಖಲೀಕರಣಕ್ಕೆ ಹಿನ್ನಡೆಯಾಗಿದೆ ಎಂದು ಅಸಮಾಧಾನ ವ್ಯಕ್ತಪಡಿಸಿದರು.
1956ರಲ್ಲಿ ರಾಜ್ಯಗಳ ಪುನರ್ವಿಂಗಡಣೆಯ ಸಂದರ್ಭದಲ್ಲಿ ಕೂರ್ಗ್ ರಾಜ್ಯ ಕರ್ನಾಟಕದೊಂದಿಗೆ ವಿಲೀನಗೊಂಡಿರುವುದನ್ನು ಕೊಡವರ ರಾಜಕೀಯ ಗುರುತಿನ ದೃಷ್ಟಿಯಿಂದ ಮಹತ್ವದ ಐತಿಹಾಸಿಕ ಬೆಳವಣಿಗೆಯೆಂದು ಅವರು ಬಣ್ಣಿಸಿದರು. ಕೊಡವರ ಇತಿಹಾಸ, ವಂಶಾವಳಿ, ಭಾಷೆ ಮತ್ತು ಸಾಂಸ್ಕೃತಿಕ ವೈಶಿಷ್ಟ್ಯಗಳನ್ನು ಅಧಿಕೃತ ದಾಖಲೆಗಳಲ್ಲಿ ಸಮರ್ಪಕವಾಗಿ ದಾಖಲಿಸಬೇಕು ಎಂದು ಎನ್.ಯು.ನಾಚಪ್ಪ ಒತ್ತಾಯಿಸಿದರು. **ಭೂಮಿ, ಕಾವೇರಿ ಮತ್ತು ಪರಿಸರ ಸಂರಕ್ಷಣೆಗೆ ಒತ್ತು**
ಕೊಡಗಿನ ಭೂಮಿ, ಜಲಮೂಲಗಳು, ಕಾಫಿ ತೋಟಗಳು, ಅರಣ್ಯಗಳು ಮತ್ತು ಜೀವವೈವಿಧ್ಯತೆಯ ಸಂರಕ್ಷಣೆ ಕುರಿತು ಮಾತನಾಡಿದ ನಾಚಪ್ಪ ಅವರು, ವಾಣಿಜ್ಯ ಉದ್ದೇಶಗಳಿಗಾಗಿ ನಡೆಯುತ್ತಿರುವ ಭೂಪರಿವರ್ತನೆ ಹಾಗೂ ಬೃಹತ್ ರೆಸಾರ್ಟ್ಗಳು ಮತ್ತು ವಸತಿ ಬಡಾವಣೆಗಳ ನಿರ್ಮಾಣದಿಂದ ಪರಿಸರಕ್ಕೆ ಹಾನಿಯಾಗುವ ಆತಂಕವಿದೆ ಎಂದು ಹೇಳಿದರು.
ಪಶ್ಚಿಮ ಘಟ್ಟಗಳ ಪರಿಸರ ಸಮತೋಲನ ಹಾಗೂ ಕಾವೇರಿ ನದಿಯ ಜಲಮೂಲಗಳನ್ನು ರಕ್ಷಿಸುವುದು ಅತ್ಯಂತ ಅಗತ್ಯವಾಗಿದೆ. ಬೆಟ್ಟಗಳನ್ನು ಕೊರೆಯುವುದು, ನೈಸರ್ಗಿಕ ಜಲಮೂಲಗಳನ್ನು ಮುಚ್ಚುವುದು ಮತ್ತು ಕೃಷಿಭೂಮಿಗಳನ್ನು ವಾಣಿಜ್ಯ ಉದ್ದೇಶಗಳಿಗೆ ಪರಿವರ್ತಿಸುವುದರಿಂದ ಭವಿಷ್ಯದಲ್ಲಿ ಗಂಭೀರ ಪರಿಣಾಮಗಳು ಉಂಟಾಗಬಹುದು ಎಂದು ಎಚ್ಚರಿಸಿದರು. ಕೊಡಗಿನ ಭೂಮಿ ಮತ್ತು ನೀರಿನ ಸಂರಕ್ಷಣೆಗೆ ಸೂಕ್ತ ಕಾನೂನು ಕ್ರಮಗಳನ್ನು ಕೈಗೊಳ್ಳಬೇಕು ಎಂದು ಒತ್ತಾಯಿಸಿದರು. 2018ರಲ್ಲಿ ಕೊಡಗಿನ ವಿವಿಧ ಭಾಗಗಳಲ್ಲಿ ಸಂಭವಿಸಿದ ಪ್ರವಾಹ ಮತ್ತು ಭೂಕುಸಿತದ ಘಟನೆಗಳನ್ನು ಉಲ್ಲೇಖಿಸಿದ ಅವರು, ಪರಿಸರ ಸೂಕ್ಷö್ಮ ಪ್ರದೇಶಗಳಲ್ಲಿ ನಿಯಂತ್ರಣವಿಲ್ಲದ ನಿರ್ಮಾಣ ಚಟುವಟಿಕೆಗಳನ್ನು ತಡೆಯಬೇಕೆಂದರು. ಕಾವೇರಿ ನದಿಯ ನೀರಿನ ಹಂಚಿಕೆಯ ಕುರಿತು ಚರ್ಚಿಸುವಾಗ ಅದರ ಉಗಮಸ್ಥಾನವಾದ ಕೊಡಗಿನ ಪರಿಸರ ಸಂರಕ್ಷಣೆಯೂ ಸಮಾನ ಮಹತ್ವ ಪಡೆಯಬೇಕು ಎಂದು ಅಭಿಪ್ರಾಯಪಟ್ಟರು. **ಕೊಡವ ಪರಂಪರೆ ಮತ್ತು ಐತಿಹಾಸಿಕ ತಾಣಗಳ ಸಂರಕ್ಷಣೆ** ಕೊಡವರ ಆಧ್ಯಾತ್ಮಿಕ ವಾಸಸ್ಥಳಗಳಾದ ಮಂದ್‌ಗಳು, ಪವಿತ್ರ ಅರಣ್ಯಗಳಾದ ದೇವಬನಗಳು ಮತ್ತು ಇತರ ಪರಂಪರೆಯ ತಾಣಗಳಿಗೆ ವಿಶೇಷ ಮಾನ್ಯತೆ ನೀಡಬೇಕು ಎಂದು ಆಗ್ರಹಿಸಿತು. ದೇವಟ್ ಪರಂಬ್‌ನಲ್ಲಿ ನಡೆದ ಕೊಡವ ನರಮೇಧದ ಸ್ಮರಣಾರ್ಥ ಅಂತರರಾಷ್ಟ್ರೀಯ ಸ್ಮಾರಕ ನಿರ್ಮಿಸುವುದು, ನಾಲ್ನಾಡ್ ಅರಮನೆ ಮತ್ತು ಮಡಿಕೇರಿ ಕೋಟೆ ಅರಮನೆಗೆ ಸಂಬAಧಿಸಿದ ಐತಿಹಾಸಿಕ ಸ್ಥಳಗಳನ್ನು ಸಂರಕ್ಷಿಸುವುದು ಹಾಗೂ ಕೊಡವ ಸಾಂಸ್ಕೃತಿಕ ಪರಂಪರೆಯನ್ನು ಯುನೆಸ್ಕೋ ಪಟ್ಟಿಗೆ ಸೇರಿಸಲು ಕ್ರಮ ಕೈಗೊಳ್ಳುವುದು ಸೇರಿದಂತೆ ಹಲವು ಬೇಡಿಕೆಗಳನ್ನು ಮುಂದಿಡಲಾಯಿತು. ತಲಕಾವೇರಿಯನ್ನು ಕೊಡವರ ಪವಿತ್ರ ತೀರ್ಥಯಾತ್ರಾ ಸ್ಥಳವಾಗಿ ಗುರುತಿಸುವುದು, ಕಾವೇರಿ ನದಿಯ ನೀರಿನ ಮೂಲಗಳನ್ನು ಸಂರಕ್ಷಿಸುವುದು ಮತ್ತು ಕೊಡವ ಪ್ರದೇಶದಲ್ಲಿ ಜನಸಂಖ್ಯಾ ಬದಲಾವಣೆಗಳನ್ನು ನಿಯಂತ್ರಿಸುವ ಉದ್ದೇಶದಿಂದ ಇನ್ನರ್ ಲೈನ್ ಪರ್ಮಿಟ್ ಮಾದರಿಯ ರಕ್ಷಣಾ ವ್ಯವಸ್ಥೆ ಜಾರಿಗೆ ತರಬೇಕು ಎಂಬ ಬೇಡಿಕೆಯನ್ನೂ ಪ್ರಸ್ತಾಪಿಸಲಾಯಿತು. ಇದಲ್ಲದೆ, ಐತಿಹಾಸಿಕ ಕಾರಣಗಳಿಂದ ಕೊಡವರು ಕಳೆದುಕೊಂಡಿರುವ ಪಾರಂಪರಿಕ ಭೂಮಿಗೆ ಸಂಬoಧಿಸಿದ ಹಕ್ಕುಗಳನ್ನು ಪರಿಶೀಲಿಸಿ ನ್ಯಾಯ ಒದಗಿಸಬೇಕು ಎಂಬ ಒತ್ತಾಯ ಕೇಳಿ ಬಂತು.
**ಕೊಡವ ನಾಮಕರಣದ ಮರುಸ್ಥಾಪನೆ ಕುರಿತು ಪ್ರಸ್ತಾಪ** ಕೊಡವ ಸಮುದಾಯದ ಶಾಸ್ತ್ರೀಯ ನಾಮಕರಣಕ್ಕೆ ಸಂಬoಧಿಸಿದoತೆ ಮಾತನಾಡಿದ ನಾಚಪ್ಪ ಅವರು, ‘ಕೊಡಗರು’ ಎಂಬ ಪದದ ಬದಲಿಗೆ ‘ಕೊಡವ’ ಎಂಬ ಹೆಸರನ್ನು ಅಧಿಕೃತ ದಾಖಲೆಗಳಲ್ಲಿ ಮರುಸ್ಥಾಪಿಸುವ ನಿಟ್ಟಿನಲ್ಲಿ ಅಓಅ ಹೋರಾಟ ನಡೆಸಿದೆ ಎಂದು ತಿಳಿಸಿದರು. ಕರ್ನಾಟಕ ಹಿಂದುಳಿದ ವರ್ಗಗಳ ಆಯೋಗದ ಶಿಫಾರಸು ಮತ್ತು ಕರ್ನಾಟಕ ಹೈಕೋರ್ಟ್ನ 2021ರ ತೀರ್ಪನ್ನು ಉಲ್ಲೇಖಿಸಿ, ಸಮುದಾಯದ ನೈಜ ಗುರುತನ್ನು ಉಳಿಸುವುದು ಅಗತ್ಯವೆಂದರು. ಕೊಡವರ ಇತಿಹಾಸ ಮತ್ತು ಜನಾಂಗೀಯ ವೈಶಿಷ್ಟ್ಯವನ್ನು ದಾಖಲಿಸುವ ನಿಟ್ಟಿನಲ್ಲಿ ಹಲವು ಇತಿಹಾಸಕಾರರು ಹಾಗೂ ಮಾನವಶಾಸ್ತ್ರಜ್ಞರು ರಚಿಸಿರುವ ಕೃತಿಗಳನ್ನು ಅಧ್ಯಯನ ಮಾಡಬೇಕೆಂದು ಅವರು ಕರೆ ನೀಡಿದರು. **ಕೊಡವಲ್ಯಾಂಡ್ ಸ್ವಾಯತ್ತತೆಯ ಹೋರಾಟ ಮುಂದುವರಿಕೆ**
ಕೊಡವರ ಭೂಮಿ, ನೀರು, ಭಾಷೆ, ಸಂಸ್ಕೃತಿ, ಪರಂಪರೆ, ಪರಿಸರ ಮತ್ತು ಜೀವವೈವಿಧ್ಯತೆಯನ್ನು ರಕ್ಷಿಸಲು ಸಂವಿಧಾನಾತ್ಮಕ ಮಾನ್ಯತೆ ಹಾಗೂ ಸ್ವಯಂ ಆಡಳಿತದ ವ್ಯವಸ್ಥೆ ಅಗತ್ಯವೆಂದು ನಾಚಪ್ಪ ಅವರು ಪುನರುಚ್ಚರಿಸಿದರು. ಕೊಡವರು ತಮ್ಮ ಪಾರಂಪರಿಕ ಮಾತೃಭೂಮಿಯಲ್ಲಿ ಭವಿಷ್ಯವನ್ನು ನಿರ್ಧರಿಸುವ ಅವಕಾಶವನ್ನು ಬಯಸುತ್ತಿದ್ದಾರೆ. ಇದು ತಮ್ಮ ಸಹಜ ಮತ್ತು ಮಾನವ ಹಕ್ಕುಗಳ ಭಾಗವಾಗಿದೆ ಎಂದು ಹೇಳಿದರು.
ಕಾರ್ಯಕ್ರಮದ ಕೊನೆಯಲ್ಲಿ ಭಾಗವಹಿಸಿದ್ದವರು ಗುರು-ಕಾರೋಣರು, ಸೂರ್ಯ-ಚಂದ್ರ, ಭೂಮಿತಾಯಿ, ವನದೇವಿ, ಕಾವೇರಿ ಜಲದೇವತೆ ಹಾಗೂ ಭಾರತದ ಸಂವಿಧಾನದ ಹೆಸರಿನಲ್ಲಿ ಅಓಅಯ ಹೋರಾಟಕ್ಕೆ ತಮ್ಮನ್ನು ಸಮರ್ಪಿಸಿಕೊಳ್ಳುವ ಪ್ರಮಾಣವಚನ ಸ್ವೀಕರಿಸಿದರು. ರಾಷ್ಟçಗೀತೆ ‘ಜನಗಣಮನ’ ಗಾಯನದೊಂದಿಗೆ ಕಾರ್ಯಕ್ರಮ ಮುಕ್ತಾಯಗೊಂಡಿತು.
ಕುಲ್ಲೇಟಿರ ಅರುಣ್ ಬೆಬಾ ಸ್ವಾಗತಿಸಿದರು. ಕಲಿಯಂಡ ಪ್ರಕಾಶ್ ವಂದನಾರ್ಪಣೆ ಮಾಡಿದರು. ಬೊಪ್ಪಂಡ ಬೊಳ್ಳಮ್ಮ ನಾಣಯ್ಯ, ನಾಟೋಳಂಡ ಕಸ್ತೂರಿ ಉತ್ತಪ್ಪ, ನಾಟೋಳಂಡ ಬಿಂದು ಸಚಿನ್, ಅಜ್ಜೇಟಿರ ರಾಣಿ ಪಳಂಗಪ್ಪ, ಬೊಳ್ಳಂಡ ಮೀನಾ ಸುರೇಶ್, ಮೇಚಂಡ ರಾಣಿ, ಕಾಂಡoಡ ಜೋಯಪ್ಪ, ಕಾಟುಮಣಿಯಂಡ ಉಮೇಶ್, ಕಲಿಯಂಡ ಪ್ರಕಾಶ್, ಅರೆಯಡ ರತ್ನ ಪೆಮ್ಮಯ್ಯ, ಕುಲ್ಲೇಟಿರ ಅರುಣ್ ಬೆಬಾ, ಕೆಟೋಳಿರ ಹರೀಶ್ ಪೂವಯ್ಯ, ಅರೆಯಡ ಗಿರೀಶ್, ಶಿವಚಾಳಿಯಂಡ ಅಂಬಿ ಕಾರ್ಯಪ್ಪ, ಅಪ್ಪಾರಂಡ ಪ್ರಸಾದ್ ಕುಶಾಲಪ್ಪ, ಕರವಂಡ ಲವ ನಾಣಯ್ಯ, ಬಾಳೆಯಡ ಶಿವು ಮಣವಟ್ಟಿರ ಸ್ವರೂಪ್ ಪೂವಯ್ಯ ಮಾಚೆಟ್ಟಿರ ಕುಶಾಲಪ್ಪ ಕಂಗoಡ ಜಾಲಿ ಪೂವಪ್ಪ, ಅರೆಯಡ ಅಶೋಕ್, ಅಪ್ಪಚೆಟ್ಟೋಳಂಡ ನವೀನ್ ಅಪ್ಪಯ್ಯ, ಕೇಲೇಟಿರ ದೀಪು, ನಾಯಕಂಡ ಮುತ್ತಪ್ಪ, ಮಾಳೆಯಂಡ ಕುಟ್ಟಪ್ಪ, ಪೊನ್ನಚಂಡ ಕಾಳಪ್ಪ, ಬೊಳ್ಳೇಪಂಡ ರೋಶನ್, ಕೆಟೋಳಿರ ರಮ್ಮಿ, ಕೆಟೋಳಿರ ಶಮ್ಮಿ, ನಾಟೋಳಂಡ ಜಯ, ಅಜ್ಜೇಟಿರ ಬೋಪಣ್ಣ, ಚಂಗೇಟಿರ ಅಪ್ಪಣ್ಣ, ನಾಟೋಳಂಡ ಹರ್ಷ ಉತ್ತಪ್ಪ, ಬೊಳ್ಳೇಪಂಡ ಜಾನ್ ಪೂಣಚ್ಚ, ಚೆಟ್ಟಿಯಾರಂಡ ಸುರೇಶ್, ಕಲ್ಲೆಂಗಡ ಸುಬ್ಬಯ್ಯ ಕೊಡಿಮಣಿಯಂಡ ತಮ್ಮುಣಿ ಬೋಪಯ್ಯ, ಶಿವಾಚಾಳಿಯಂಡ ಸುಭಾಷ್, ಅಜ್ಜೇಟಿರ ಶಂಭು, ಶಿವಾಚಳಿಯಂಡ ತಿಮ್ಮಯ್ಯ, ಬೊಟ್ಟೋಳಂಡ ಅಪ್ಪಣ್ಣ, ಮೂವೇರ ಪೆಮ್ಮಯ್ಯ, ಕರವಂಡ ಸುರೇಶ್, ಕೊಂಡಿರ ನಂದ, ಕಲ್ಲೆಂಗಡ ಕರುಂಬಯ್ಯ, ಕರವಂಡ ಲಿಥಿನ್, ಮಣವಟ್ಟಿರ ಹರೀಶ್, ಬೊಟ್ಟೋಳಂಡ ರಮೇಶ್, ಅಪ್ಪಚಿರ ಮಹೇಶ್, ಮುಂಡoಡ ಶಾಂತ ಅಯ್ಯಣ್ಣ, ಕಲಿಯಂಡ ದೀಪಕ್, ಕೊಂಡಿರ ಸುರೇಶ್, ಮುಂಡoಡ ಪ್ರಧಾನ್ ಮೇದಪ್ಪ, ಮಣವಟ್ಟಿರ ಅಯ್ಯಪ್ಪ, ಕಾಂಡoಡ ಸುಬ್ಬಯ್ಯ, ಕುಂಡ್ಯೋಳoಡ ವಿಷು ಪೂವಯ್ಯ, ಕೆಟೋಲಿರ ಫಿರೋಜ್ ಗಣಪತಿ, ಪಟ್ರಪಂಡ, ನಿರನ್ ಕಾರ್ಯಪ್ಪ, ಬಿದ್ದಾಟಂಡ ದೇವಯ್ಯ, ಚೀಯಕಪೂವಂಡ ಪೊನ್ನಣ್ಣ, ಅಪ್ಪುಮಣಿಯಂಡ ರಘು ಸುಬ್ಬಯ್ಯ, ಕುಲ್ಲೇಟಿರ ದೇವಯ್ಯ, ಮಾಳೆಯಂಡ ವಿಜು ಅಪ್ಪಚ್ಚು, ಕುಲ್ಲೇಟಿರ ರಾಜೇಶ್, ಮಣವಟ್ಟಿರ ದೀಪಕ್ ಪೊನ್ನಪ್ಪ, ಅಜ್ಜೇಟಿರ ರಾಜು ಪೂಣಚ್ಚ, ಕೆಲೇಟಿರ ರತ್ನ, ಮಣವಟ್ಟಿರ ದಿನೇಶ್ ಬಿದ್ದಪ್ಪ, ಚೀಯಕಪೂವಂಡ ರಘು, ಚೌರೀರ ಶೈಲೇಂದ್ರ, ಕೋಟೆರ ಬೊಳ್ಳಿಯಪ್ಪ, ಅರೆಯಡ ವಿನೋದ್, ಚೌರೀರ ಸಜನ್, ಕುಂಡ್ಯೋಳoಡ ಸುಬ್ಬಯ್ಯ, ಬಾಳೆಯಡ ಪ್ರಥೀಶ್ ಪೂವಯ್ಯ, ಬಿದ್ದಾಟಂಡ ಸಂಪತ್ ಸೋಮಯ್ಯ, ಮಣವಟ್ಟಿರ ಸೋಮಣ್ಣ, ನಾಯಕಂಡ ಉತ್ತಪ್ಪ, ಮಣವಟ್ಟಿರ ಚೆಂಗಪ್ಪ, ಕೇಲೇಟಿರ ನಾಣಯ್ಯ, ಕಾಟುಮಣಿಯಂಡ ತಿಮ್ಮಯ್ಯ, ಅಜ್ಜೇಟಿರ ರಮೇಶ್, ಕಾಂಡoಡ ಬೋಪಣ್ಣ, ಕಾಂಡoಡ ಗಣಪತಿ, ಕುಲ್ಲೇಟಿರ ಶಾಂತ, ಕೊಂಡಿರ ರಾಜಪ್ಪ, ಶಿವಾಚಳಿಯಂಡ ಉತ್ತಯ್ಯ, ಕಂಗoಡ ಸಮಿತ್ ಕಾಳಯ್ಯ, ಪಾಲೇಕಂಡ ಪ್ರಧಾನ್ ಪೂಣಚ್ಚ, ಐತಿಚಂಡ ಪೂವಣ್ಣ, ಚೇನಂಡ ನಂದ ಜಗದೀಶ್, ಅಪ್ಪಾರಂಡ ಪ್ರಕಾಶ್ ಅಪ್ಪಣ್ಣ ಪಾಲ್ಗೊಂಡಿದ್ದರು.
ಮುoದಿನ 8ನೇ ಶಾಂತಿಯುತ ಮಾನವ ಸರಪಳಿ ಕಾರ್ಯಕ್ರಮವು ನವೆಂಬರ್ 2ರಂದು ಪೊನ್ನಂಪೇಟೆಯಲ್ಲಿ ಹಾಗೂ 9ನೇ ಕಾರ್ಯಕ್ರಮವು ನವೆಂಬರ್ 11ರಂದು ಕಡಿಯತ್ ನಾಡಿನ ಕಡಂಗದಲ್ಲಿ ನಡೆಯಲಿದೆ ಎಂದು ಎನ್.ಯು.ನಾಚಪ್ಪ ತಿಳಿಸಿದರು.