ಮಡಿಕೇರಿ ಮಾ.14 : ಕುಂಜಿಲದಲ್ಲಿ ಅಂತಿಮ ವಿಶ್ರಾಂತಿ ಪಡೆಯುತ್ತಿರುವ ಪಯ್‍ನರಿ ವಲಿಯುಲ್ಲಾಹ್ ಅವರ ವಾರ್ಷಿಕ ಉರೂಸ್ ಸಮಾರಂಭದ ಭಾಗವಾಗಿ ನಡೆಸಲ್ಪಡುವ ಸಾರ್ವಜನಿಕ ಸೌಹಾರ್ದ ಸಮಾವೇಶವು ಸಯ್ಯಿದ್ ಶಿಹಾಬುದ್ಧೀನ್ ಅಲ್ ಐದರೂಸಿ ನೇತೃತ್ವದಲ್ಲಿ ನಡೆಯಿತು.
ಕುಂಜಿಲ ಪೈನರಿ ಸ್ವಲಾತ್ ಆಡಿಟೂರಿಯಂನಲ್ಲಿ ಪಯ್‍ನರಿ ಜಮಾಅತ್ ಅಧ್ಯಕ್ಷ ಶೌಕತ್ ಆಲಿ ಅಧ್ಯಕ್ಷತೆಯಲ್ಲಿ ನಡೆದ ಸಮಾವೇಶದಲ್ಲಿ ಎಸ್‍ವೈಎಸ್ ರಾಜ್ಯಾಧ್ಯಕ್ಷ ಡಾ.ಅಬ್ದುಲ್ ರಶೀದ್ ಝೈನಿ ಕಾಮಿಲ್ ಉಪನ್ಯಾಸ ನೀಡಿದರು.
ಸಮಾವೇಶದಲ್ಲಿ ಕುಂಜಿಲ ಪೈನರಿ ಮುಸ್ಲಿಂ ಜಮಾಅತ್ತಿನ ಅಧ್ಯಕ್ಷ ಶೌಕತ್ ಮಕ್ಕಿ, ಖತೀಬರಾದ ನಿಝಾರ್ ಅಹ್ಸನಿ ಉಸ್ತಾದ್, ಮುಖ್ಯ ಅತಿಥಿಗಳಾಗಿ ರಶೀದ್ ಝೈನಿ ಕಕ್ಕೀಂಜೆ, ಶಿಹಾಬುದ್ದೀನ್ ತಂಙಳ್ ಕಿಲ್ಲೂರ್, ಉದಿಯಂಡ ಸುಬಾಶ್, ಮಹಮ್ಮದ್ ಹಾಜಿ, ಅಝೀಝ್ ಮಾಸ್ಟರ್, ಅಂಜಪರವಂಡ ಕುಶಾಲಪ್ಪ, ಸಂತು ಸುಬ್ರಮಣಿ, ಬಾಚಮಂಡ ರಾಜ ಪೂವಣ್ಣ, ಕಲಿಯಂಡ ಸಂಪನ್ ಅಯ್ಯಪ್ಪ,ಸಹೀದ್ ಪಾಯಡತ್, ಶಾಫಿ ಎಡಪಾಲ, ಉಸ್ಮಾನ್ ಕೊಟ್ಟಮುಡಿ, ಅಬುಬಖರ್ ಆಝಾದ್ ನಗರ್ ಹಾಗೂ ಕುಂಜಿಲ ಪೈನರಿ ಮುಸ್ಲಿಂ ಜಮಾಅತ್ ಸಲಹಾ ಸಮಿತಿ ಮತ್ತು ಪದಾಧಿಕಾರಿಗಳು, ಮತ ಪಂಡಿತರು ಸೇರಿದಂತೆ ಅಪಾರ ಸಂಖ್ಯೆಯಲ್ಲಿ ಸಾರ್ವಜನಿಕರು ಪಾಲ್ಗೊಂಡಿದ್ದರು.
ಅನ್ನ ಸಂತರ್ಪಣೆ ಸಮಾವೇಶದ ನಂತರ ನೆರೆದಿದ್ದವರಿಗೆ ಅನ್ನಸಂತರ್ಪಣೆ ನಡೆಯಿತು.
