ಮಡಿಕೇರಿ ಏ.10 : ಆಟೋಟಗಳು ಅನೇಕ ರೀತಿಯಲ್ಲಿ ಜೀವನ ಪಾಠಗಳನ್ನು ಕಲಿಸುವುದರಿಂದಾಗಿ ಪ್ರತೀಯೋವ೯ರೂ ಕ್ರೀಡಾಚಟುವಟಿಕೆಗಳಿಗೆ ಆದ್ಯತೆ ನೀಡಬೇಕು ಎಂದು ಕೂಡಿಗೆ ಕ್ರೀಡಾಶಾಲೆಯ ನಿವೃತ್ತ ಪ್ರಾಂಶುಪಾಲೆ ಕುಂತಿಬೋಪಯ್ಯ ಕರೆ ನೀಡಿದ್ದಾರೆ.
ವಿರಾಜಪೇಟೆ ಬಳಿಯ ಅರಮೇರಿ ಕಳಂಚೇರಿ ಮಠದ ಶ್ರೀ ಲಿಂಗರಾಜೇಂದ್ರ ಪ್ರಸಾದ ಭವನದಲ್ಲಿ ಆಯೋಜಿತ 209 ನೇ ಹೊಂಬೆಳಕು ತತ್ವ ಚಿಂತನಾಗೋಷ್ಟಿ ಕಾಯ೯ಕ್ರಮದಲ್ಲಿ ಕುಂತಿಟೀಚರ್ ಸಾಕ್ಷ್ಯ ಚಿತ್ರ ಪ್ರದಶ೯ನ ಕಾಯ೯ಕ್ರಮದಲ್ಲಿ ಮಾತನಾಡಿದ ಅವರು. ಕ್ರೀಡೆಯಂತೆ ಜೀವನದಲ್ಲಿ ಕೂಡ ಎದುರಾಗುವ ಸೋಲು ಗೆಲವುಗಳನ್ನು ಸಮಚಿತ್ತದಿಂದ ಸ್ವೀಕರಿಸಬೇಕು. ಇಂಥ ಮನೋಭಾವನೆಯನ್ನು ಜೀವನದಲ್ಲಿ ಕ್ರೀಡೆ ಕಲಿಸುತ್ತದೆ. ಆಧುನಿಕ ಯುಗದಲ್ಲಿ ಮೊಬೈಲ್ ಆಟದತ್ತಲೇ ಮಕ್ಕಳು ಹೆಚ್ಚಿನ ಆಸಕ್ತಿತೋರುತ್ತಿದ್ದಾರೆ. ಹೀಗಾಗಿ ಮಾನಸಿಕವಾಗಿಯೂ, ದೈಹಿಕವಾಗಿಯೂ ಮಕ್ಕಳ ಬೆಳವಣಿಗೆ ಕುಂಠಿತವಾಗುತ್ತಿದೆ ಎಂದು ಕುಂತಿ ಕಳವಳ ವ್ಯಕ್ತಪಡಿಸಿದರು. ವಿದ್ಯಾಥಿ೯ಗಳ .ಸವ೯ತೋಮುಖ ಬೆಳವಣಿಗೆಗೆ ಕ್ರೀಡೆ ಅತ್ಯಂತ ಅಗತ್ಯ . ಮಾನಸಿಕ ಉಲ್ಲಾಸಕ್ಕೆ ಕ್ರೀಡೆ ಸಹಕಾರಿ. ಜತೆಗೆ ಕ್ರೀಡೆ ವ್ಯಕ್ತಿಯ ಮನೋಸ್ಥೆಯ೯ದೊಂದಿಗೆ ಉತ್ಸಾಹವನ್ನೂ ಹೆಚ್ಚಿಸುವುದಲ್ಲದೇ ಸಂಘಟನಾ ಚಾತುಯ೯ಕ್ಕೂ ಕಾರಣವಾಗಿದೆ. ಎಂದು ಕ್ರೀಡೆಯ ಮಹತ್ವದ ಬಗ್ಗೆ ಮಾಹಿತಿ ನೀಡಿದರು.
ಕನಾ೯ಟಕದ ಪ್ರಥಮ ಕ್ರೀಡಾಶಾಲೆಯಾದ ಕೂಡಿಗೆಯಲ್ಲಿ ಪಠ್ಯದೊಂದಿಗೆ ಪಠ್ಯೇತರ ಚಟುವಟಿಕೆಗೂ ಆದ್ಯತೆ ನೀಡುವ ಮೂಲಕ ಅನೇಕ ಸಾಧಕರು ಸೖಷ್ಟಿಯಾಗಲು ಕಾರಣವಾಯಿತು ಎಂದೂ ಕುಂತಿಬೋಪಯ್ಯ ಸ್ಮರಿಸಿದರು.ಕ್ರೀಡಾಸಾಧಕರಿಗೆ ಉದ್ಯೋಗ ಸೇರಿದಂತೆ ಅನೇಕ ಮನ್ನಣೆ ಸುಲಭವಾಗಿ ದೊರಕುತ್ತದೆ. ಕ್ರೀಡೆಯಲ್ಲಿ ಆಸಕ್ತಿ ಬೆಳಸಿಕೊಳ್ಳಿ ಎಂದೂ ಅವರು ವಿದ್ಯಾಥಿ೯ಗಳು, ಪೋಷಕರಿಗೆ ಕಿವಿಮಾತು ಹೇಳಿದರು. ಶಿಕ್ಷಕರಿಗೆ ವಿದ್ಯಾಥಿ೯ಗಳಿಗೆ ಕಲಿಸುವ ಸಂದಭ೯ ಸಂಯಮ ಅತೀ ಮುಖ್ಯ. ಶಿಕ್ಷಕರ ಕೆಲಸ ಪರಿಶ್ರಮದ್ದಾಗಿದ್ದು, ಇದನ್ನು ಸಮಾಜ ಸದಾ ಗುರುತಿಸುವಂತಾಗಬೇಕು ಎಂದೂ ಅವರು ಹೇಳಿದರು.
ಅರಮೇರಿ ಕಳಂಚೇರಿ ಮಠದ ಪೀಠಾಧೀಶ ಶಾಂತಮಲ್ಲಿಕಾಜು೯ನ ಸ್ವಾಮೀಜಿ ಮಾತನಾಡಿ, ಕುಂತಿಟೀಚರ್ ಸಾಕ್ಷ್ಯ ಚಿತ್ರದ ಕನಸುಕಣ್ಣುಗಳಿಗೆ ಬೆಳಕಾದ ತಾರೆ ಎಂಬ ಉಪ ಶೀಷಿ೯ಕೆಗೆ ತಕ್ಕಂತೆ ಕುಂತಿಬೋಪಯ್ಯ ಅನೇಕ ವಿದ್ಯಾಥಿ೯ಗಳಿಗೆ ಪ್ರೋತ್ಸಾಹ ನೀಡಿ ರಾಷ್ಟ್ರ, ಅಂತರರಾಷ್ಟ್ರೀಯ ಮಟ್ಟದಲ್ಲಿ ಸಾಧನೆ ಮಾಡಲು ಕಾರಣರಾಗಿದ್ದಾರೆ ಎಂದು ಶ್ಲಾಘಿಸಿದರು.
ವಿವಿಧ ಮನೋಭಾವ, ವಯೋಮಾನದ ವಿದ್ಯಾಥಿ೯ಗಳನ್ನು ಮನಸ್ಥಿತಿಯನ್ನು ತಿದ್ದಿತೀಡಿ ಉತ್ತಮ ವಿದ್ಯಾಥಿ೯ಗಳನ್ನಾಗಿಸುವಲ್ಲಿ ಶಿಕ್ಷಕರ ಪಾತ್ರ ಅತ್ಯಂತ ಮಹತ್ವದ್ದು ಎಂದು ಅಭಿಪ್ರಾಯಪಟ್ಟ ಸ್ವಾಮೀಜಿ, ಪ್ರಭಾವೀ ರಾಜಕಾರಣಿಯ ಪತ್ನಿಯಾಗಿಯೂ ರಾಜಕೀಯದಿಂದ ದೂರವಾಗಿ, ತನ್ನ ವೖತ್ತಿ ಸಾಧನೆಯನ್ನು ವ್ಯಕ್ತಿಗತವಾಗಿ ಮಾಡಿರುವ ಕುಂತಿ ಬೋಪಯ್ಯ ಎಲ್ಲಾ ರಾಜಕಾರಣಿಗಳ ಪತ್ನಿಯರಿಗೂ ಮಾದರಿಯಾಗಿದ್ದಾರೆ. ಶಿಕ್ಷಕ ವೖತ್ತಿಯಿಂದ ನಿವೖತ್ತಿಯಾದ ಮೇಲೂ ಸಮಾಜಸೇವಾ ಮನೋಭಾವವನ್ನು ಕುಂತಿ ಅವರು ಹೊಂದಿರುವುದೂ ಶ್ಲಾಘನೀಯ ಎಂದರು.
ಶಿಕ್ಷಕ ಎಂದಾಕ್ಷಣ ಮೂಡುವ ಭಾವನೆ ಸದಾ ಶಿಸ್ತು ಹೊಂದಿರುವವರು ಎಂಬುದಾಗಿದೆ. ಮೌಲ್ಯವನ್ನು ಕಲಿಸುವವರು ಶಿಕ್ಷಕರು. ಕುಂತಿ ಅವರಂಥ ಆದಶ೯ ಶಿಕ್ಷಕಿಯರು ಸಮಾಜದ ಸಂಪತ್ತಾಗಿದ್ದಾರೆ ಎಂದೂ ಸ್ವಾಮೀಜಿ ಶ್ಲಾಘಿಸಿದರು. ಕೊಡಗಿನ ಆದಶ೯ಪ್ರಾಯ ಶಿಕ್ಷಕಿಯ ಉತ್ತಮ ಸಾಕ್ಷ್ಯ ಚಿತ್ರ ನಿಮಾ೯ಣವಾಗಿರುವುದು ಹೆಮ್ಮೆ ತರುವ ಕಾಯ೯ ಎಂದೂ ಅವರು ಹೇಳಿದರು.
ಕುಂತಿ ಟೀಚರ್ ಸಾಕ್ಷ್ಯ ಚಿತ್ರ ನಿದೇ೯ಶಕ ಅನಿಲ್ ಎಚ್.ಟಿ. ಮಾತನಾಡಿ, ಅರಮೇರಿ ಮಠದಲ್ಲಿ 17 ವಷ೯ಗಳಿಂದ ನಿರಂತರವಾಗಿ ಮಾಸಿಕ ತತ್ವ ಚಿಂತನಾಗೋಷ್ಟಿ ಹೊಂಬೆಳಕು ಕಾಯ೯ಕ್ರಮ ನಡೆಯುತ್ತಿರುವುದು ರಾಜ್ಯದಲ್ಲಿಯೇ ದಾಖಲೆಯಾಗಿದೆ. ಇಂಥ ಚಿಂತನಾ ಕಾಯ೯ಕ್ರಮಗಳು ಸಮಾಜಕ್ಕೆ ಅತ್ಯಗತ್ಯ ಎಂದರು. ಸಾಕ್ಷ್ಯ ಚಿತ್ರ ಹೆಸರೇ ಹೇಳುವಂತೆ ಎಲ್ಲೂ ಉತ್ಪೇಕ್ಷೆಯಿಲ್ಲದೇ ವ್ಯಕ್ತಿಯ ಸಾಧನೆಯನ್ನು ಸಾಕ್ಷೀಕರಿಸುವ ದಾಖಲೆಯಾಗಿದೆ ಎಂದು ಅನಿಲ್ ಹೇಳಿದರು.
ಭಾರತೀಯ ಸೇನಾ ಪಡೆಯ ಲೆಫ್ಟಿನೆಂಟ್ ಕನ೯ಲ್ ಕುಕ್ಲೂರು ಗ್ರಾಮದ ವಿವೇಕ್ ಸಾಯ ಮಾತನಾಡಿ, ಸೈನಿಕರು, ವೈದ್ಯರು ಮತ್ತು ಶಿಕ್ಷಕರು ಸಮಾಜದ ಅಮೂಲ್ಯ ಆಸ್ತಿಯಾಗಿದ್ದು ಇವರು ಜನತೆಗೆ ನೀಡುವ ಸೇವೆಗೆ ಬೆಲೆ ಕಟ್ಟಲಾಗುವುದಿಲ್ಲ. ಹೀಗಾಗಿ ಇವರನ್ನು ಸಮಾಜದ ಜನತೆ ಸದಾ ಗೌರವಿಸುತ್ತಿರಬೇಕೆಂದು ಹೇಳಿದರು. ಸೇನಾ ಕತ೯ವ್ಯದಲ್ಲಿ ಮಾನವೀಯ ಗುಣಗಳೂ ಮುಖ್ಯವಾಗುತ್ತದೆ ಎಂದು ಹೇಳಿದ ವಿವೇಕ್, ಭಾರತೀಯ ಸೇನೆಗೆ ಜಗತ್ತಿನಲ್ಲಿಯೇ ಅಪಾರವಾದ ಗೌರವ ಇದ್ದು, ಹೀಗಾಗಿ ಹೆಚ್ಚು ಯುವಕ,ಯುವತಿಯರು ಸೇನೆಗೆ ಸೇಪ೯ಡೆಯಾಗಬೇಕೆಂದು ಕರೆ ನೀಡಿದರು. ಇದೇ ಸಂದಭ೯ ಕುಂತಿಬೋಪಯ್ಯ, ಸೇನಾಧಿಕಾರಿ ವಿವೇಕ್ ಅವರನ್ನು ಕಳಂಚೇರಿ ಮಠದ ಪರವಾಗಿ ಶಾಂತಮಲ್ಲಿಕಾಜು೯ನ ಸ್ವಾಮಿಗಳು ಸನ್ಮಾನಿಸಿದರು.
ಕಾಯ೯ಕ್ರಮದಲ್ಲಿ ಹಿರಿಯ ಪತ್ರಕತ೯ ಬಿ.ಜಿ.ಅನಂತಶಯನ, ಕನಾ೯ಟಕ ಕಾಫಿ ಬೆಳೆಗಾರರ ಒಕ್ಕೂಟದ ಸಂಘಟನಾ ಕಾಯ೯ದಶಿ೯ ಕೆ.ಕೆ.ವಿಶ್ವನಾಥ್ ಮಾತನಾಡಿ, ಕುಂತಿ ಟೀಚರ್ ಸಾಕ್ಷ್ಯ ಚಿತ್ರದ ಮೂಲಕ ಕುಂತಿಬೋಪಯ್ಯ ಅವರ ಸಾಧನೆಯನ್ನು ಸಮಾಜದ ಮುಂದಿಡುವ ಕಾಯ೯ ಸ್ತುತ್ಯಾಹ೯ ಎಂದು ಶ್ಲಾಘಿಸಿದರು.
ಡಾ.ಎಸ್.ವಿ. ನರಸಿಂಹನ್ ಕಾಯ೯ಕ್ರಮ ನಿರೂಪಿಸಿ, ಮೈಥಿಲಿ ರಾವ್ ಪ್ರಾಥಿ೯ಸಿದರು.
