ಮಡಿಕೇರಿ ನ.7 : ಕುಶಾಲನಗರದ ನಂಜರಾಯಪಟ್ಟಣ ಗ್ರಾಮದ ಶ್ರೀ ನಂಜುಡೇಶ್ವರ ದೇವಾಲಯದಲ್ಲಿ ನ.13 ರಿಂದ ಡಿ.12ರ ವರೆಗೆ ಕಾರ್ತಿಕ ಮಾಸಾಚರಣೆ ಜರುಗಲಿದೆ.
ಪ್ರತಿ ದಿನ ಸಂಜೆ 6 ಗಂಟೆಗೆ ದೇವರುಗಳಿಗೆ ಅಲಂಕಾರ, 7 ಗಂಟೆಗೆ ದೀಪ ಬೆಳಗುವುದು, 8 ಗಂಟೆಗೆ ಮಂಗಳಾರತಿ, 8.15 ಗಂಟೆಗೆ ತೀರ್ಥ ಪ್ರಸಾದ ವಿತರಣೆ, 8.30 ಗಂಟೆಗೆ ಅನ್ನ ಸಂತರ್ಪಣೆ ನಡೆಯಲಿದೆ.
ಮೊದಲ ಮತ್ತು ಅಂತಿಮ ದಿನದ ಪೂಜೆಯನ್ನು ಗ್ರಾಮಸ್ಥರೆಲ್ಲ ಒಗ್ಗೂಡಿ ಆಚರಿಸುವಂತೆಯೂ ಉಳಿದ ದಿನಗಳನ್ನು ಸಮಿತಿಯ ಪದಾಧಿಕಾರಿಗಳು ಮತ್ತು ವೈಯಕ್ತಿಕ ಸಲ್ಲಿಸುವವರಿಗೆ ಮೀಸಲಿರಿಸಲಾಗಿದ್ದು, ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವಂತೆ ದೇವಾಲಯದ ಆಡಳಿತ ಮಂಡಲಿ ಕೋರಿದೆ.
ವೈಯಕ್ತಿಕ ಪೂಜೆ ಸಲ್ಲಿಸುವವರು 9480905471, 8217781254 ಸಂಪರ್ಕಿಸಬಹುದಾಗಿದೆ.
