ಮಡಿಕೇರಿ ನ.8 : ಆದಿಮಸಂಜಾತ ಕೊಡವ ಜನಾಂಗಕ್ಕೆ ಸಂವಿಧಾನದ ಭದ್ರತೆಯ ಅನಿವಾರ್ಯದ ಹಿನ್ನೆಲೆಯಲ್ಲಿ ಕೊಡವ ಲ್ಯಾಂಡ್ ಭೌಗೋಳಿಕ-ರಾಜಕೀಯ ಸ್ವಾಯತ್ತತೆ ನೀಡಬೇಕೆಂದು ಒತ್ತಾಯಿಸಿ ಕೊಡವ ನ್ಯಾಷನಲ್ ಕೌನ್ಸಿಲ್ ಸಂಘಟನೆ ನಡೆಸುತ್ತಿರುವ ಐದನೇ ಹಂತದ ಪಾದಯಾತ್ರೆ ಜಿಲ್ಲೆಯ ವಿವಿಧೆಡೆ ಮುಂದುವರೆದಿದೆ.
ಸಿಎನ್‌ಸಿ ಅಧ್ಯಕ್ಷ ಎನ್.ಯು.ನಾಚಪ್ಪ ಅವರ ನೇತೃತ್ವದಲ್ಲಿ ಇಂದು ಕಡಿಯತ್‌ನಾಡ್ ನ ಕರಡದ “ಬೇಲಿಯಾಣೆ ಮಂದ್” ಮತ್ತು ಬಲಂಬೇರಿ ಮಂದ್ ನಲ್ಲಿ ಪಾದಯಾತ್ರೆ ಹಾಗೂ ಕೊಡವ ಜಾಗೃತಿ ಸಭೆ ನಡೆಸಿ ಕೊಡವ ಲ್ಯಾಂಡ್ ಗಾಗಿ ಹಕ್ಕೊತ್ತಾಯ ಮಂಡಿಸಲಾಯಿತು.
ಕೊಡವರು ಕೊಡವ ಪ್ರದೇಶದ ಆದಿಮಸಂಜಾತ ಮೂಲನಿವಾಸಿ ಬುಡಕಟ್ಟು ಜನಾಂಗವಾಗಿದೆ. ಈ ವಿಶಿಷ್ಟ ಮತ್ತು ಸೂಕ್ಷ್ಮ ಜನರ ರಕ್ಷಣೆ ಸರ್ಕಾರಗಳ ಜವಾಬ್ದಾರಿಯಾಗಿದೆ. ಆಂತರಿಕ ರಾಜಕೀಯ-ಸ್ವಯಂ-ನಿರ್ಣಯದ ಹಕ್ಕು, ಕೊಡವಲ್ಯಾಂಡ್ ಭೌಗೋಳಿಕ-ರಾಜಕೀಯ ಸ್ವಾಯತ್ತತೆ, ಸ್ವಯಂ ಆಡಳಿತ ಸೇರಿದಂತೆ ಕೊಡವರ ಪರವಾದ 9 ನ್ಯಾಯ ಸಮ್ಮತವಾದ ಬೇಡಿಕೆಗಳನ್ನು ಪಾದಯಾತ್ರೆಯ ಮೂಲಕ ಮಂಡಿಸಿ ಸರ್ಕಾರದ ಕಣ್ಣು ತೆರೆಸುತ್ತಿರುವುದಾಗಿ ನಾಚಪ್ಪ ಹೇಳಿದರು.
ರಾಜ್ಯಗಳ ಮರು-ಸಂಘಟನಾ ಕಾಯಿದೆ 1956 ರ ಒಪ್ಪಂದಗಳಿಗೆ ಕರ್ನಾಟಕ ರಾಜ್ಯ ಬದ್ಧವಾಗಿಲ್ಲ, ಇದರಿಂದ ಕೊಡವರಿಗೆ ಅನ್ಯಾಯವಾಗಿದೆ. “ಸಿ” ರಾಜ್ಯವಾಗಿದ್ದ ಕೂರ್ಗ್ 1956ರಲ್ಲಿ ಕರ್ನಾಟಕದೊಂದಿಗೆ ವಿಲೀನವಾದ ನಂತರ ಕೊಡವರನ್ನು ರಾಜ್ಯದ 2ನೇ ದರ್ಜೆಯ ವರ್ಣಭೇದ ನೀತಿಯ ನಾಗರಿಕರಂತೆ ಪರಿಗಣಿಸಲಾಗಿದೆ. ಇದು ಸಾಂವಿಧಾನಿಕ ಹಕ್ಕುಗಳ ಉಲ್ಲಂಘನೆಯಾಗಿದೆ ಎಂದು ಆರೋಪಿಸಿದರು.
ಖ್ಯಾತ ಅರ್ಥಶಾಸ್ತçಜ್ಞ ಹಾಗೂ ಮಾಜಿ ಕೇಂದ್ರ ಸಚಿವ ಡಾ.ಸುಬ್ರಮಣಿಯನ್ ಸ್ವಾಮಿ ಅವರು ಹೈಕೋರ್ಟ್ ನಲ್ಲಿ ಸಾರ್ವಜನಿಕ ಹಿತಾಸಕ್ತಿಯ ರಿಟ್ ಅರ್ಜಿ ಸಲ್ಲಿಸಿ ಕೊಡವ ಲ್ಯಾಂಡ್ ಪರವಾಗಿ ಆಯೋಗವನ್ನು ರಚಿಸಬೇಕೆಂದು ಪ್ರತಿಪಾದಿಸಿದ್ದಾರೆ. ಸರ್ಕಾರಗಳು ಈ ಪ್ರಸ್ತಾಪವನ್ನು ಗಂಭೀರವಾಗಿ ಪರಿಗಣಿಸುವ ಮೂಲಕ ಕೊಡವರಿಗೆ ಸಾಂವಿಧಾನಿಕ ಭದ್ರತೆ ನೀಡಬೇಕೆಂದು ಆಗ್ರಹಿಸಿದರು.
ಕೊಡವ ಜನಾಂಗವನ್ನು ಸಂವಿಧಾನದ ಶೆಡ್ಯೂಲ್ ಪಟ್ಟಿಯಲ್ಲಿ ಸೇರಿಸಬೇಕು. ಉಚ್ಚ ನ್ಯಾಯಾಲಯದ ಆದೇಶದಂತೆ, ಕೊಡವ ಜನಾಂಗದ ಸಮಗ್ರ ಜನಾಂಗೀಯ ಅಧ್ಯಯನವನ್ನು ಆರಂಭಿಸಬೇಕು.
ಕೊಡವ ಕಸ್ಟಮರಿ ಜನಾಂಗೀಯ “ಸಂಸ್ಕಾರ ಗನ್” ಹಕ್ಕುಗಳನ್ನು ಸಿಖ್ಖರ “ಕಿರ್ಪಾನ್” ಗೆ ಸಮಾನವಾಗಿ ನಮ್ಮ ಸಂವಿಧಾನದ 25 ಮತ್ತು 26 ನೇ ವಿಧಿಗಳ ಅಡಿಯಲ್ಲಿ ರಕ್ಷಿಸಬೇಕು. ಕೊಡವ ತಕ್ಕ್ ಭಾಷೆಯನ್ನು 8ನೇ ಶೆಡ್ಯೂಲ್‌ಗೆ ಸೇರಿಸಬೇಕು ಹಾಗೂ ಪಠ್ಯಕ್ರಮ ಮತ್ತು ಆಡಳಿತದಲ್ಲಿ ಪರಿಚಯಿಸಬೇಕು.
ಲಲಿತ ಕೊಡವ ಜಾನಪದ ಪರಂಪರೆಯನ್ನು ಯುನೆಸ್ಕೋದ ಅಮೂರ್ತ ಸಾಂಸ್ಕೃತಿಕ ಪರಂಪರೆಯ ಪಟ್ಟಿಯಲ್ಲಿ ಸೇರಿಸಬೇಕು. ಕೊಡವ ಜಾನಪದ ಪರಂಪರೆಯನ್ನು ಜೀವಂತಗೊಳಿಸಲು, ವಿಶ್ವ ಕೊಡವಾಲಜಿ ಸಂಶೋಧನಾ ಕೇಂದ್ರ ಮತ್ತು ಕೊಡವ ಸುಧಾರಿತ ಅಧ್ಯಯನ ಕೇಂದ್ರವನ್ನು ಸ್ಥಾಪಿಸಲು ಸರ್ಕಾರವು ನಮಗೆ ಭೂಮಿಯನ್ನು ನೀಡಬೇಕು.
ವೇದ ಕಾಲದ 7 ಪವಿತ್ರ ನದಿಗಳಲ್ಲಿ ಒಂದಾಗಿರುವ ಕಾವೇರಿಗೆ “ಕಾನೂನು ವ್ಯಕ್ತಿ ಸ್ಥಿತಿ”ಯೊಂದಿಗೆ ಜೀವಂತ ಘಟಕವನ್ನು ನೀಡಬೇಕು. ಕಾವೇರಿಯ ಜನ್ಮಸ್ಥಳವನ್ನು ಸರ್ಕಾರವು ಪರಿಗಣಿಸಬೇಕು. ಯಹೂದಿ ಜನರ ಮೌಂಟ್ ಮೊರೈಯಾ ದೇವಸ್ಥಾನದ ಮಾದರಿಯಲ್ಲಿ ಕೊಡವ ಜನಾಂಗದ ಪವಿತ್ರ ತೀರ್ಥಯಾತ್ರೆ ಕೇಂದ್ರವನ್ನಾಗಿ ಮಾಡಬೇಕು.
ನಾಲ್ನಾಡಿನ ಅರಮನೆ ಮತ್ತು ಮಡಿಕೇರಿ ಕೋಟೆಯಲ್ಲಿನ ಅರಮನೆಯ ಸಂಚಿನಲ್ಲಿನ ರಾಜಕೀಯ ಹತ್ಯೆಗಳ ಸ್ಮಾರಕಗಳು, ಕೊಡವ ಶೌರ್ಯವನ್ನು ಪ್ರತಿಬಿಂಬಿಸುವ ಉಲುಗುಳಿ ಸುಂಟಿಕೊಪ್ಪ ಮತ್ತು ಮುಳ್ಳುಸೋಗೆಯಲ್ಲಿ ಯುದ್ಧ ಸ್ಮಾರಕಗಳು, ದೇವಟ್ ಪರಂಬುವಿನಲ್ಲಿ ಅಂತರರಾಷ್ಟ್ರೀಯ ಕೊಡವ ನರಮೇಧದ ಸ್ಮಾರಕಗಳನ್ನು ನಿರ್ಮಿಸಬೇಕು. ಎರಡೂ ದುರಂತಗಳನ್ನು ಯುಎನ್‌ಒ ಹತ್ಯಾಕಾಂಡದ ಸ್ಮರಣಾರ್ಥ ಪಟ್ಟಿಯಲ್ಲಿ ಸೇರಿಸಬೇಕು.
ಹೊಸ ಸಂಸತ್ತಿನಲ್ಲಿ ಪ್ರತಿನಿಧಿಸಲು ವಿಶೇಷವಾದ ಅಮೂರ್ತ ಕೊಡವ ಸಂಸದೀಯ ಮತ್ತು ಕೊಡವ ಅಸೆಂಬ್ಲಿ ಕ್ಷೇತ್ರಗಳನ್ನು ರಚಿಸಬೇಕು ಎಂದು ನಾಚಪ್ಪ ಒತ್ತಾಯಿಸಿದರು.
ಕಡಿಯತ್‌ನಾಡ್ ನ “ಬೇಲಿಯಾಣೆ ಮಂದ್” ನ ಪಾದಯಾತ್ರೆ ಮತ್ತು ಸಭೆಯಲ್ಲಿ ಬೇಪಡಿಯಂಡ ರುಕ್ಮಿಣಿ, ಬೇಪಡಿಯಂಡ ಕಾಮವ್ವ ಶಂಕರ್, ಪತ್ರಪಂಡ ಶೋಭಾ, ಬೇಪಡಿಯಂಡ ಬೊಳ್ಳಮ್ಮ ಮೊಣ್ಣಪ್ಪ, ಬೇಪಡಿಯಂಡ ಪೂಜಾ ಅಪ್ಪಣ್ಣ, ಚೋಳಪಂಡ ಜ್ಯೋತಿ ನಾಣಯ್ಯ, ನೆರ್ಪಂಡ ಜಿಮ್ಮಿ, ಚಂಗಂಡ ಕಿಶೋರ್, ಐತಿಚಂಡ ಬನ್ಸಿ, ನೆರ್ಪಂಡ ಗಣಪತಿ, ಬೇಪಡಿಯಂಡ ಬಿದ್ದಪ್ಪ, ಕೋಡಿರ ತಮ್ಮು, ಕೋಡಿರ ವಿಜು, ಐತಿಚಂಡ ಪ್ರಕಾಶ್, ಬೇಪಡಿಯಂಡ ಮೊಣ್ಣಪ್ಪ, ಬೇಪಡಿಯಂಡ ದಾದ, ಬೇಪಡಿಯಂಡ ಧನು, ಐತಿಚಂಡ ಭೀಮಾನಿ, ಚೋಳಪಂಡ ನಾಣಯ್ಯ, ಚೇನಂಡ ಗಣಪತಿ, ಬೊವ್ವೇರಿಯಂಡ ಸಾಬು, ಪರ್ವಂಗಡ ನವೀನ್, ಚಂಬಂಡ ಜನತ್, ಕಾಂಡೇರ ಸುರೇಶ್, ಬೇಪಡಿಯಂಡ ಅರುಣ್, ಪಾಂಡಂಡ ಕಿಶನ್, ಬೇಪಡಿಯಂಡ ವಿಲ್ಲಿನ್, ನೆರ್ಪಂಡ ಸುಶಾ, ಪತ್ರಪಂಡ ಮೊಣ್ಣಪ್ಪ, ಬೇಪಡಿಯಂಡ ಅಮಿತ್, ಬೋವೇರಿಯಂಡ ಮೊಣ್ಣಪ್ಪ, ಪತ್ರಪಂಡ ಗಪ್ಪು, ಬೇಪಡಿಯಂಡ ಸತೀಶ್, ಪಾಂಡಂಡ ಚೆಂಗಪ್ಪ, ನೆರ್ಪಂಡ ಅಜಿತ್, ನೆರ್ಪಂಡ ರವಿ, ಬೇಪಡಿಯಂಡ ದಿನು ಮತ್ತಿತರರು ಪಾಲ್ಗೊಂಡಿದ್ದರು.
ಬಲಂಬೇರಿ ಮಂದ್ ನಲ್ಲಿ ಬಿದ್ದಂಡ ಉಷಾ ದೇವಮ್ಮ, ಬೆಲ್ಲತಂಡ ಸ್ವಾತಿ ಕಿರಣ್, ಲೆಫ್ಟಿನೆಂಟ್ ಕರ್ನಲ್ ಬಿ.ಎಂ.ಪಾರ್ವತಿ, ಬಿದ್ದಂಡ ನೀತ ಸಂದೀಪ್, ಪಾಲಂದಿರ ಗಂಗಮ್ಮ ಗಣೇಶ್, ಬೋಲ್ತಂಡ ರೇಖಾ ನಾಣಯ್ಯ, ಬಿದ್ದಂಡ ಚಿತ್ರ, ಬೊಳ್ಳಚೆಟ್ಟಿರ ಹೇಮಾ ಸುರೇಶ್, ಬೊಳ್ಳಚೆಟ್ಟಿರ ಜಯಂತಿ, ಪಾಲಂದಿರ ಆಶಾ ನಾಚಪ್ಪ, ಬೋಳಕರಂಡ ಇಂದಿರಾ ಮುದ್ದಯ್ಯ, ಮಂದತಂಡ ರಾಧಿಕ ಸತೀಶ್, ಚಂಗಂಡ ಪಳಂಗಪ್ಪ, ಪಾಲಂದಿರ ಮಂದಣ್ಣ, ಬೊಳ್ಳಚೆಟ್ಟಿರ ಕಾಳಪ್ಪ, ಕೊಂಗೀರಂಡ ಗಣಪತಿ, ಪೆಬ್ಬಟಂಡ ಪೆಮ್ಮಯ್ಯ, ಐಚೋಡಿಯಂಡ ಮುತ್ತಣ್ಣ, ಐಚೋಡಿಯಂಡ ಬೋಪಣ್ಣ, ಪಾಲಂದಿರ ಜಯ, ಬೊಳ್ಳಚೆಟ್ಟಿರ ಕುಟ್ಟಯ್ಯ, ಬೆಲ್ಲತಂಡ ಕಿರಣ್, ಚಂಗಂಡ ಸೂರಜ್, ಬಿದ್ದಂಡ ಸಂದೀಪ್, ಬೊಳ್ಳಚೆಟ್ಟಿರ ವಿಜಯ್, ಬೊಳ್ಳಚೆಟ್ಟಿರ ಕುಟ್ಟಯ್ಯ, ಪಾಲಂದಿರ ಮೊಣ್ಣಪ್ಪ, ಪಾಲಂದಿರ ಕಾವೇರಪ್ಪ, ತೋತ್ಯಂಡ ಅಯ್ಯಣ್ಣ, ಚೆಯ್ಯಂಡ ಜೀವಿತ್, ಬೋಳ್ತಂಡ ಕಿರಣ, ಬೊಳ್ಕಾರಂಡ ಮುದ್ದಯ್ಯ, ಬೊಳ್ಳಚೆಟ್ಟಿರ ಪ್ರವೀಣ್, ಪಾಲಂದಿರ ಚೆಂಗಪ್ಪ, ಪಾಲಂದಿರ ದೊರೆ, ಪಾರ್ವಂಗಡ ನವೀನ್, ಬಲ್ಯಟಂಡ ಪದ್ಮ, ಚೋಳಪಂಡ ಜ್ಯೋತಿ, ಚೊಟ್ಟೆಯಂಡ ನಾಣಯ್ಯ, ಬೊಳ್ಳಚೆಟ್ಟಿರ ಸುರೇಶ್, ಬಾಲ್ಯಾಟಂಡ ಕೌಶಿಕ್, ಕಾಂಡೇರ ಸುರೇಶ್, ಪೇರಿಯಂಡ ನವೀನ್, ಬಿದ್ದಂಡ ಹರೀಶ್, ಬೊಳ್ಳಚೆಟ್ಟಿರ ಸೋಮಣ್ಣ, ಪೇರಿಯಂಡ ನವೀನ್, ಪುದಿಯೊಕ್ಕಡ ಕರುಂಬಯ್ಯ, ನಂದೆಟ್ಟೀರ ರವಿ ಸುಬ್ಬಯ್ಯ, ಬೋಳ್ತಂಡ ಮೇದಪ್ಪ, ಕಂಡೇರ ಸುರೇಶ್, ಚೋಳಪಂಡ ನಾಣಯ್ಯ ಪಾಲ್ಗೊಂಡಿದ್ದರು.
ಕೊಡವ ಸಾಂಪ್ರದಾಯಿಕ ಉಡುಪಿನಲ್ಲಿ ನರೆದಿದ್ದ ಕೊಡವ, ಕೊಡವತಿಯರು ಸಿಎನ್‌ಸಿ ಹೋರಾಟಕ್ಕೆ ಬೆಂಬಲವಾಗಿ ಪ್ರತಿಜ್ಞಾ ವಿಧಿ ಸ್ವೀಕರಿಸಿ ಕೊಡವ ಲ್ಯಾಂಡ್ ಪರ ಘೋಷಣೆಗಳನ್ನು ಕೂಗಿದರು.
::: ನ.9 ರಂದು ಪಾದಯಾತ್ರೆ :::
ನ.9 ರಂದು ಬೆಳಗ್ಗೆ 10 ಗಂಟೆಗೆ ನೂರಂಬಡನಾಡ್ ಮಂದ್, ಸಂಜೆ 4.30 ಗಂಟೆಗೆ ನೆಲಜಿನಾಡ್ ಮಂದ್ (ನೆಲಜಿ) (ಮಡಿಕೇರಿ ತಾಲ್ಲೂಕು) ನಲ್ಲಿ ನಡೆಯಲಿದೆ.
ನ.10 ರಂದು ಬೆಳಗ್ಗೆ 9 ಗಂಟೆಗೆ ಯಾತ್ರೆಯು ಪಾಡಿನಾಡ್- ಪಾಡಿ ಇಗ್ಗುತ್ತಪ್ಪ ದೇವ ಸನ್ನಿಧಿ ತಲುಪಿ, ಮಧ್ಯಾಹ್ನ 12 ಗಂಟೆಗೆ ಮಡಿಕೇರಿ ತಾಲ್ಲೂಕಿನ ಕುಂಜಿಲ- ಕಕ್ಕಬ್ಬೆ “ಕೆಂಜರಾಣೆ ಪಾಡಿನಾಡ್‌ಮಂದ್’ನಲ್ಲಿ ಸಮಾರೋಪಗೊಳ್ಳಲಿದೆ ಎಂದು ನಾಚಪ್ಪ ತಿಳಿಸಿದ್ದಾರೆ.
