ವಿರಾಜಪೇಟೆ ಜ.11 : ಕುಂಜಲಗೇರಿ ಗ್ರಾಮದ ಶ್ರೀ ಮಡಕೊಡ ಶಾಸ್ತವು ಈಶ್ವರ ದೇವಾಲಯದ ಜೀರ್ಣೋದ್ಧಾರ ಕಾರ್ಯಕ್ಕೆ ಶ್ರೀ ಕ್ಷೇತ್ರ ಧರ್ಮಸ್ಥಳದಿಂದ ಡಾ. ಡಿ.ವೀರೇಂದ್ರ ಹೆಗ್ಗಡೆಯವರು 2,00,000. ಅನುದಾನವನ್ನು ಮಂಜೂರಾತಿ ಮಾಡಿದರು.
ವಿರಾಜಪೇಟೆಯ ಶ್ರೀ ಕ್ಷೇತ್ರ ಧರ್ಮಸ್ಥಳ, ಗ್ರಾಮಾಭಿವೃದ್ಧಿ ಯೋಜನಾಧಿಕಾರಿ ದಿನೇಶ್ ಅನುದಾನದ ಡಿ.ಡಿ ಯನ್ನು ಸಮಿತಿಯ ಅಧ್ಯಕ್ಷ ಚಿಯಂಡಿರ ನವೀನ್ ಮುತ್ತಣ್ಣ ಅವರಿಗೆ ಹಸ್ತಾಂತರಿಸಿದರು.
ಈ ಸಂದರ್ಭ ಮೇಲ್ವಿಚಾರಕ ನಾಗರಾಜ್, ಸಮಿತಿಯ ಪದಾಧಿಕಾರಿಗಳಾದ ಕುಳಿಯಕಂಡ ಪೊನ್ನಣ್ಣ, ಚಿಯಂಡಿರ ಸುಬ್ರಮಣಿ, ಭಂಟರ ಗಿರೀಶ್ ರೈ, ಭಂಟರ ಲೀಲಾದರ ರೈ, ಭಂಟರ ದೀಪಕ್ ರೈ, ವಲ್ಲಂಡ ಅಯ್ಯಪ್ಪ, ಪಾಲೇಕಂಡ ತಿಮ್ಮಯ್ಯ ಅಲ್ಲಪಿರ ನಾಣಯ್ಯ, ಕುಂಜಿಲಗೇರಿ ಗ್ರಾಮಸ್ಥರು ಉಪಸ್ಥಿತರಿದ್ದರು.
