ನಾಪೋಕ್ಲು ಸೆ.16 NEWS DESK : ಎಮ್ಮೆಮಾಡು ವ್ಯಾಪ್ತಿಯಲ್ಲಿನ ಅರಬ್ ಒಕ್ಕೂಟ ದಿಂದ ದುಬೈ ನಲ್ಲಿ ಈದ್ ಮಿಲಾದ್ ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದರು. ಪ್ರಾರ್ಥನೆಯೊಂದಿಗೆ ಆರಂಭಗೊಂಡ ಈದ್ ಆಚರಣೆಯಲ್ಲಿ ಪ್ರವಾದಿಯ ಜೀವನದ ಕುರಿತು ಹಾಜಿ ಅಹ್ಮದ್ ಉಸ್ತಾದ್ ಜಲೀಲ್ ನಿಝಾಮಿ ಹಂಝ ಬಾರಕೊಲ್ಲಿ ಸಂದೇಶ ಭಾಷಣ ಮಾಡಿದರು. ನಂತರ ಎಮ್ಮೆಮಾಡು ವಿನ ದಫ್ ತಂಡದಿಂದ ದಫ್ ಪ್ರದರ್ಶನ ನೀಡಿಸಲಾಯಿತು. ಈ ಸಂದರ್ಭ ಈ.ಸಿ.ಕಾರ್ಗೋ ಮಾಲೀಕ ಕೆ.ಎಂ.ಅಶ್ರಫ್, ಅಧ್ಯಕ್ಷರಾದ ಬಿ.ಯು.ಹಂಝ ಸೇರಿದಂತೆ ಎಮ್ಮೆಮಾಡು ವಿನ ಅನಿವಾಸಿ ಒಕ್ಕೂಟದ ಸದಸ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ಪಾಲ್ಗೊಂಡಿದ್ದರು.
ವರದಿ : ದುಗ್ಗಳ ಸದಾನಂದ.
