ಮಡಿಕೇರಿ ನ.12 NEWS DESK : ಕರ್ನಾಟಕ ಐಕೆಸಿ ಕುಂಗ್ ಫೂ ಅಸೋಸಿಯೇಷನ್ ವತಿಯಿಂದ ಮಂಗಳೂರಿನ ಕೆನರಾ ಪ್ರೌಢಶಾಲೆಯಲ್ಲಿ ನಡೆದ ಮೊದಲನೇ ರಾಜ್ಯಮಟ್ಟದ ಐಕೆಸಿ ಕುಂಗ್ ಫೂ ಚಾಂಪಿಯನ್‍ಶಿಪ್ ನ ಸಾಂಡಾ ವಿಭಾಗದಲ್ಲಿ ಐಗೂರು ಕುಂಗ್ ಫೂ ಸಂಸ್ಥೆಯ ವಿದ್ಯಾರ್ಥಿಗಳು ಚಿನ್ನ, ಬೆಳ್ಳಿ ಮತ್ತು ಕಂಚಿನ ಪದಕವನ್ನು ಗೆದ್ದುಕೊಂಡಿದ್ದಾರೆ. ಸಂಸ್ಥೆಯ ವಿದ್ಯಾರ್ಥಿಗಳಾದ ವಿವಕ್ರ ಚೋಂದಮ್ಮ, ಸಾದ್ವಿ ಆನಂದ್, ಕೌಶಿಕ್ ಕುಮಾರ್, ಎಬೆನ್ ಚಿನ್ನದ ಪದಕ, ಮನ್ವಿತ್ ಮೋಹನ್ ಬೆಳ್ಳಿ ಹಾಗೂ ಕಲ್ಪಿತ್ ಮೋಹನ್, ಅನರ್ಘ್ಯ ಪೂವಯ್ಯ, ಸಿಂಚನ ಪ್ರಭಾಕರ್, ಶರಣ್ಯ ಎ.ಶೆಟ್ಟಿ, ಜೆ.ಯಶಸ್, ಲವಿನ್, ಬಿ.ಡಿ.ಹರ್ಷಿತ್ ಕಂಚಿನ ಪದಕವನ್ನು ಪಡೆದುಕೊಂಡಿದ್ದಾರೆ. ಇವರಿಗೆ ರಾಜ್ಯ ಐಕೆಸಿ ಕುಂಗ್ ಫೂ ಸಂಸ್ಥೆಯ ಪ್ರಧಾನ ಕಾರ್ಯದರ್ಶಿ ಹಾಗೂ ರಾಷ್ಟ್ರೀಯ ತರಬೇತಿದಾರ ಎನ್.ಸಿ.ಸುದರ್ಶನ್ ತರಬೇತಿ ನೀಡಿದ್ದಾರೆ. ರಾಷ್ಟ್ರೀಯ ಕ್ರೀಡಾಕೂಟ ನ.30 ಮತ್ತು ಡಿ.1 ರಂದು ಒಡಿಸ್ಸಾದ ಪುರಿಯಲ್ಲಿ ನಡೆಯಲಿದ್ದು, ಕೌಶಿಕ್ ಕುಮಾರ್ ಹಾಗೂ ಮನ್ವಿತ್ ಮೋಹನ್ ಭಾಗವಹಿಸಲಿದ್ದಾರೆ.
