ಸುಂಟಿಕೊಪ್ಪ ನ.15 NEWS DESK : ಕೊಡಗು ಜಿಲ್ಲಾ ಆಶೋದಯ ಸಮಿತಿಯ ವತಿಯಿಂದ ಸುಂಟಿಕೊಪ್ಪ ಗ್ರಾಮ ಪಂಚಾಯಿತಿ ಸದಸ್ಯರಾದ ಕೆ.ಕೆ.ಪ್ರಸಾದ್ ಕುಟ್ಟಪ್ಪ ಮತ್ತು ಕೆ.ಎಂ.ಅಲಿಕುಟ್ಟಿ ಅವರ ನೇತೃತ್ವದಲ್ಲಿ ಬ್ಲೂ ಬಾಯ್ಸ್ ಯುವಕ ಸಂಘದ ಸಹಯೋಗದೊಂದಿಗೆ ಉಚಿತ ಆರೋಗ್ಯ ತಪಾಸಣೆ ಶಿಬಿರ ನಡೆಯಿತು. ಶಿಬಿರವನ್ನು ಉದ್ಯಮಿ ಆನಂದ ಬಸಪ್ಪ ಉದ್ಘಾಟಿಸಿದರು. ಶಿಬಿರದಲ್ಲಿ ಪನ್ಯ ಮತ್ತು ಟಿ.ಸಿ.ಎಲ್ ಸುತ್ತಲಿನ ಸುಮಾರು 200ಕ್ಕೂ ಹೆಚ್ಚು ಜನರು ಆರೋಗ್ಯ ತಪಾಸಣಾ ಶಿಬಿರದಲ್ಲಿ ಭಾಗವಹಿಸಿ ಕಣ್ಣು, ರಕ್ತದೊತ್ತಡ(ಬಿಪಿ) ಹಾಗೂ ಮಧುಮೇಹ (ಸಕ್ಕರೆ ಕಾಯಿಲೆ) ಇತ್ಯಾದಿ ಪರೀಕ್ಷೆಗೆ ಮಾಡಿಸಿಕೊಂಡರು. ಅಲ್ಲದೇ ಅಗತ್ಯವಿದ್ದವರಿಗೆ ಕನ್ನಡಕವನ್ನು ವಿತರಣೆ ಮಾಡಲಾಯಿತು. ನಂತರ ಮಾತನಾಡಿದ ಗ್ರಾ.ಪಂ ಸದಸ್ಯರಾದ ಎಂ.ನಾಗರತ್ನ ಸುರೇಶ್, ತೋಟದ ವ್ಯವಸ್ಥಾಪಕರಾದ ಪೊನ್ನಪ್ಪ, ಮಂಜುನಾಥ್, ಆಶೋದಯ ಸೇವಾ ಸಮಿತಿಯ ಕುಶಾಲನಗರ ಆರೋಗ್ಯ ಕೇಂದ್ರದ ಆಪ್ತಸಮಲೋಚಕರಾದ ಮುತ್ತಮ್ಮ, ಕಣ್ಣಿನ ತಜ್ಞರಾದ ಪುಷ್ಪೆಂದ್ರ ಯಾದವ್, ತಂಡದ ಉಸ್ತುವಾರಿ ಅಸೀಸ್, ಆಶೋದಯ ಸಮಿತಿಯ ವಿದ್ಯಾ, ನಾಗರತ್ನ ಹಾಗೂ ಇನ್ನಿತರರು ಹಾಜರಿದ್ದರು.
