ಸೋಮವಾರಪೇಟೆ ಜ.31 NEWS DESK : ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರ ಸ್ಥಾನಕ್ಕೆ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷರಾಗಿ ಜಿ.ಬಿ. ಸೋಮಯ್ಯ ಮತ್ತು ಉಪಾಧ್ಯಕ್ಷರಾಗಿ ಹೆಚ್.ಕೆ. ಚಂದ್ರಶೇಖರ್ ಅವಿರೋಧವಾಗಿ ಆಯ್ಕೆಯಾದರು. ಒಟ್ಟು 13 ಮಂದಿ ನಿರ್ದೇಶಕರಿರುವ ಸಂಘಕ್ಕೆ ಇಂದು ಕೃಷಿ ಪತ್ತಿನ ಸಹಕಾರ ಸಂಘದ ಸಭಾಂಗಣದಲ್ಲಿ ಚುನಾವಣೆ ನಿಗಧಿಯಾಗಿತ್ತು. ಅಧ್ಯಕ್ಷರು ಮತ್ತು ಉಪಾಧ್ಯಕ್ಷರ ಸ್ಥಾನಕ್ಕೆ ತಲಾ ಒಂದೊಂದು ನಾಮಪತ್ರ ಸಲ್ಲಿಕೆಯಾದ ಹಿನ್ನೆಲೆಯಲ್ಲಿ ಚುನಾವಣಾಧಿಕಾರಿ ಬಿ.ಬಿ.ಸಂದೀಪ್ ಅವಿರೋಧ ಆಯ್ಕೆಯಾಗಿರುವುದಾಗಿ ಘೊಷಣೆ ಮಾಡಿದರು. ರೂಪಸತೀಶ್, ಕೃಷ್ಣ, ರವಿರಾಜ್, ಹೆಚ್.ಕೆ.ಮಾದಪ್ಪ, ಬಿ.ಎಂ. ಸುರೇಶ್, ಕೆ.ಕೆ.ಚಂದ್ರಿಕಾ, ಬಿ.ಶಿವಪ್ಪ, ಎಂ.ವಿ.ದೇವರಾಜು, ಬಿ.ಕೆ.ಉದಯ ಕುಮಾರ್, ಬಿ.ಜೆ.ದೀಪಕ್, ಸುಭಾಷ್ ಇದ್ದರು. ಚುನಾವಣಾಧಿಕಾರಿಯಾಗಿ ಸಹಕಾರ ಸಂಘಗಳ ಇಲಾಖೆಯ ಬಿ.ಬಿ.ಸಂದೀಪ ಹಾಗೂ ಸಂಘದ ವ್ಯವಸ್ಥಾಕ ರವೀಂದ್ರ ಇದ್ದರು.
