Close Menu
News Desk KannadaNews Desk Kannada
  • ಮುಖಪುಟ
  • ಕೊಡಗು ಜಿಲ್ಲೆ
  • ಕರ್ನಾಟಕ
  • ಭಾರತ
  • ಇತ್ತೀಚಿನ ಸುದ್ದಿಗಳು
  • ಉದ್ಯೋಗ ಭಾಗ್ಯ
  • ಮಹಾದೇಗುಲ
  • ರುಚಿ ನೋಡಿ
  • ಪೊಲೀಸ್ ನ್ಯೂಸ್
  • ರೋಗ ಮುಕ್ತ
  • ಪ್ರವಾಸಿತಾಣ
  • ಸಣ್ಣ ಕಥೆ
  • ವಿಡಿಯೋ ಗ್ಯಾಲರಿ
Facebook X (Twitter) Instagram
News Desk KannadaNews Desk Kannada




  • ಮುಖಪುಟ
  • ಕೊಡಗು ಜಿಲ್ಲೆ
  • ಕರ್ನಾಟಕ
  • ಭಾರತ
  • ಪೊಲೀಸ್ ನ್ಯೂಸ್
  • ಪ್ರವಾಸಿತಾಣ
  • ಮಹಾದೇಗುಲ
  • ರುಚಿ ನೋಡಿ
  • ಉದ್ಯೋಗ ಭಾಗ್ಯ
  • ರೋಗ ಮುಕ್ತ
  • ಸಣ್ಣ ಕಥೆ
News Desk KannadaNews Desk Kannada
Home»ಇತ್ತೀಚಿನ ಸುದ್ದಿಗಳು»ಮಡಿಕೇರಿಯಲ್ಲಿ ಮಹಿಳಾ ಸಹಕಾರ ಸಂಘಗಳಿಂದ ಸಹಕಾರ ಸಪ್ತಾಹ : ಯುವತಿಯರ ಸಹಭಾಗಿತ್ವದಲ್ಲಿ ಸಹಕಾರ ಕ್ಷೇತ್ರವನ್ನು ಮತ್ತಷ್ಟು ಉನ್ನತಿಗೆ ಕೊಂಡೊಯ್ಯಲು ಕರೆ
ಇತ್ತೀಚಿನ ಸುದ್ದಿಗಳು ಕೊಡಗು ಜಿಲ್ಲೆ

ಮಡಿಕೇರಿಯಲ್ಲಿ ಮಹಿಳಾ ಸಹಕಾರ ಸಂಘಗಳಿಂದ ಸಹಕಾರ ಸಪ್ತಾಹ : ಯುವತಿಯರ ಸಹಭಾಗಿತ್ವದಲ್ಲಿ ಸಹಕಾರ ಕ್ಷೇತ್ರವನ್ನು ಮತ್ತಷ್ಟು ಉನ್ನತಿಗೆ ಕೊಂಡೊಯ್ಯಲು ಕರೆ

ನವೆಂಬರ್ 15, 20264 Mins ReadBy admin
Facebook WhatsApp Twitter Telegram Copy Link Threads Email LinkedIn Pinterest
Follow us on
Google News Facebook
Facebook Twitter WhatsApp Email Telegram Copy Link
Advertisement
Advertisement
Advertisement
Advertisement
Advertisement
Advertisement
Advertisement
Advertisement

ಮಡಿಕೇರಿ NEWS DESK ನ.15 : ಹಿರಿಯ ಸಹಕಾರಿಗಳು ಕಟ್ಟಿ ಬೆಳೆಸಿದ ಸಹಕಾರ ಸಂಸ್ಥೆಗಳು ಯಾವುದೇ ಕಾರಣಕ್ಕೂ ನಿಷ್ಕ್ರಿಯವಾಗಬಾರದು. ಮಹಿಳಾ ಸಹಕಾರ ಸಂಘಗಳ ಹಿರಿಯ ಮಹಿಳಾ ಸಹಕಾರಿಗಳು ಯುವತಿಯರ ಸಹಭಾಗಿತ್ವದಲ್ಲಿ ಸಹಕಾರ ಕ್ಷೇತ್ರವನ್ನು ಮತ್ತಷ್ಟು ಉನ್ನತಿಗೆ ಕೊಂಡೊಯ್ಯಬೇಕು ಎಂದು ಕೊಡಗು ಜಿಲ್ಲಾ ಸಹಕಾರ ಯೂನಿಯನ್ ಅಧ್ಯಕ್ಷ ಪಿ.ಯು.ರಾಬಿನ್ ದೇವಯ್ಯ ಕರೆ ನೀಡಿದ್ದಾರೆ. 73ನೇ ಸಹಕಾರ ಸಪ್ತಾಹದ ಅಂಗವಾಗಿ ಕೊಡಗು ಜಿಲ್ಲಾ ಸಹಕಾರ ಯೂನಿಯನ್, ಕೊಡಗು ಜಿಲ್ಲಾ ಸಹಕಾರ ಕೇಂದ್ರ ಬ್ಯಾಂಕ್, ಸಹಕಾರ ಇಲಾಖೆ, ಕೊಡಗು ಜಿಲ್ಲಾ ಮಹಿಳಾ ಸಹಕಾರ ಬ್ಯಾಂಕ್, ಮಹದೇವಪೇಟೆ ಮಹಿಳಾ ಸಹಕಾರ ಸಂಘ, ಕೋಟೆ ಮಹಿಳಾ ಸಹಕಾರ ಸಂಘ ಇವುಗಳ ಸಂಯುಕ್ತ ಆಶ್ರಯದಲ್ಲಿ ನಗರದ ಬಸಪ್ಪ ಶಿಶು ವಿಹಾರ ಸಭಾಂಗಣದಲ್ಲಿ ‘ಗಣಕೀಕರಣ, ಮಾಹಿತಿ ತಂತ್ರಜ್ಞಾನ ಮತ್ತು ಡಿಜಿಟಲೈಜೇಷನ್ ಪ್ರಕ್ರಿಯೆಗಳು ಸಹಕಾರ ಸಂಸ್ಥೆಗಳ ಬೆಳವಣಿಗೆಗೆ ಪೋಷಕ’ ಎಂಬ ವಿಷಯಾಧಾರಿತ ಕಾರ್ಯಕ್ರಮವನ್ನು ಉದ್ಘಾಟಿಸಿ ರಾಬಿನ್ ದೇವಯ್ಯ ಮಾತನಾಡಿದರು. 1953ರಲ್ಲಿ ಆರಂಭ ಕಂಡ ಸಹಕಾರ ಸಪ್ತಾಹಕ್ಕೆ ಹಿರಿಯ ಸಹಕಾರಿಗಳು ಮೆರುಗು ತುಂಬುವ ಕೆಲಸವನ್ನು ನಿರಂತರವಾಗಿ ಮಾಡಿಕೊಂಡು ಬಂದಿದ್ದಾರೆ. ಸಹಕಾರ ಕ್ಷೇತ್ರದ ಮೇಲೆ ಜನರಿಗೆ ಇರುವ ಇಚ್ಚಾಶಕ್ತಿಯೇ ಇಂದು ದೇಶ 73ನೇ ಸಹಕಾರ ಸಪ್ತಾಹ ಆಚರಣೆಯನ್ನು ಸಾಕ್ಷೀಕರಿಸುತ್ತಿದೆ ಎಂದು ಪ್ರತಿಪಾದಿಸಿದರು. ದೇಶದ ಸಹಕಾರ ಕ್ಷೇತ್ರಕ್ಕೆ ಕರ್ನಾಟಕ ಮತ್ತು ಕೊಡಗು ಜಿಲ್ಲೆ ಬಹುದೊಡ್ಡ ಕೊಡುಗೆ ನೀಡಿವೆ ಎಂದು ರಾಬಿನ್ ದೇವಯ್ಯ ಹೇಳಿದರು. ಮಹಿಳೆ ಅಡುಗೆ ಮನೆಗೆ ಸೀಮಿತ ಎಂಬ ದಿನಮಾನಗಳಲ್ಲಿಯೇ 1938ರಲ್ಲಿ ವಿರಾಜಪೇಟೆಯಲ್ಲಿ ಮಹಿಳಾ ಸಹಕಾರಿಗಳು ಮಹಿಳಾ ಸಂಘ ಹುಟ್ಟುಹಾಕಿ ಸಮಾಜ ಸೇವೆಗೆ ಮುಂದಾಗಿದ್ದರು. ಅದರಂತೆ 1943ರಲ್ಲಿ ಸೋಮವಾರಪೇಟೆ ಹಾಗೂ 1944ರಲ್ಲಿ ಮಡಿಕೇರಿ ಮಹಿಳಾ ಸಮಾಜದ ಮೂಲಕ ಮಹಿಳೆಯರನ್ನು ಸ್ವಾವಲಂಭಿ ಮತ್ತು ಸಮಾಜದ ಮುಖ್ಯ ವಾಹಿನಿಗೆ ಕರೆತರುವ ಕೆಲಸವಾಗಿದೆ. ಇಚ್ಚಾಶಕ್ತಿ, ಸಮಾಜ ಸೇವೆಯ ಹುಮ್ಮಸ್ಸು ಮತ್ತು ನಿರಂತರ ಕಾರ್ಯಚಟುವಟಿಕೆಗಳಿಂದಲೇ ಇಂದು ಮಹಿಳಾ ಸಹಕಾರ ಸಂಘಗಳು ಜಿಲ್ಲೆಯಲ್ಲಿ ನಿಷ್ಕ್ರಿಯವಾಗದೇ ಮುಂದುವರೆದುಕೊಂಡು ಬಂದಿವೆ ಎಂದು ರಾಬಿನ್ ದೇವಯ್ಯ ಮೆಚ್ಚುಗೆ ವ್ಯಕ್ತಪಡಿಸಿದರು. ಇದಕ್ಕೆಲ್ಲ ಕೃಷಿಯಲ್ಲೇ ಬದುಕು ಕಟ್ಟಿಕೊಂಡ ನಮ್ಮ ಪೂರ್ವಿಕರು ನೀಡಿದ ಶಿಕ್ಷಣವೇ ಕಾರಣವಾಗಿದ್ದು, ಶಿಕ್ಷಣದ ಜೊತೆಯಲ್ಲೇ ಇಂದು ಕೃಷಿಗೂ ಗೌರವ ನೀಡುವ ಕೆಲಸ ವಾಗಬೇಕು ಎಂದು ಸಮರ್ಥಿಸಿದರು.
‘ಕೊಡು-ಕೊಂಡುಕೊಳ್ಳುವಿಕೆ’ ಆಧಾರದಲ್ಲಿ ಜಿಲ್ಲೆಯಲ್ಲಿ ಧವಸ ಬಂಡಾರಗಳ ಸ್ಥಾಪನೆಯಾಗಿದ್ದರೆ, ಅದರ ತತ್ವಗಳ ಅಡಿಯಲ್ಲಿ ಭವಿಷ್ಯದಲ್ಲಿ ಸಹಕಾರ ಸಂಸ್ಥೆಗಳು ರೂಪಿತವಾಗಿವೆ. ನಮ್ಮ ಪೂರ್ವಿಕರ ದೂರದೃಷ್ಟಿಯ ಫಲವಾಗಿ ರೂಪುಗೊಂಡಿರುವ ಸಹಕಾರ ಸಂಸ್ಥೆಗಳು ಯಾವುದೇ ಕಾರಣಕ್ಕೂ ಸ್ಥಗಿತವಾಗಬಾರದು. ಹಿಂದೆ ಸಹಕಾರಿಗಳು ಮನೆಯಿಂದ ಹಣತಂದು ಸಹಕಾರ ಕೇತ್ರಕ್ಕೆ ಸುರಿದು ಅದನ್ನು ಕಟ್ಟಿ ಬೆಳೆಸಿದ್ದಾರೆ. ಇಂದು ಕೆಲವು ಬೆರಳೆಣಿಕೆ ಮಂದಿ ಸಹಕಾರ ಕೇತ್ರದಿಂದ ಹಣ ಪಡೆದು ತಮ್ಮ ಮನೆಯನ್ನು ಕಟ್ಟಿ ಬೆಳೆಸುತ್ತಿದ್ದಾರೆ ಎಂದು ವಿಷಾಧಿಸಿದರು. ಹೀಗಾಗಿ ಹಿರಿಯ ಸಹಕಾರಿಗಳ ಮಾರ್ಗದರ್ಶನದಲ್ಲಿ ಯುವ ಪ್ರತಿಭೆಗಳು ಸಹಕಾರ ಕ್ಷೇತ್ರಕ್ಕೆ ಪದಾರ್ಪಣೆ ಮಾಡಬೇಕು. ವಿಶೇಷವಾಗಿ ಹಿರಿಯ ಮಹಿಳಾ ಸಹಕಾರಿಗಳು ಯುವತಿಯರನ್ನು ತಮ್ಮ ಜೊತೆಗೂಡಿಸಿಕೊಂಡು ಮಹಿಳಾ ಸಹಕಾರ ಸಂಘಗಳು ಮತ್ತಷ್ಟು ಅಭಿವೃದ್ದಿ ಸಾಧಿಸಲು ಕ್ರಮ ಕೈಗೊಳ್ಳಬೇಕು. ಅಧಿಕಾರಿವನ್ನು ಆಜೀವನವಾಗಿಡುವ ಪ್ರಯತ್ನವೂ ಸಲ್ಲದು ಎಂದು ಸಲಹೆ ನೀಡಿದರು. ಕೊಡಗು ಜಿಲ್ಲಾ ಮಹಿಳಾ ಸಹಕಾರ ಬ್ಯಾಂಕ್ ಅಧ್ಯಕ್ಷೆ ಪಿ.ಎಸ್. ಅರವಿಂದ ಅಣ್ಣಪ್ಪ ಮಾತನಾಡಿ ಹಿರಿಯ ಮಹಿಳಾ ಸಹಕಾರಿಗಳು ಮನೆ ಮನೆಗೆ ತೆರಳಿ ಸಂಗ್ರಹಿಸಿದ ಕೇವಲ 5 ಸಾವಿರ ರೂ. ಮೂಲ ಬಂಡವಾಳದೊಂದಿಗೆ ಆರ್‌ಬಿಐ ಅನುಮೋದನೆಯೊಂದಿಗೆ ಜಿಲ್ಲೆಯಲ್ಲಿ ಮೊಟ್ಟ ಮೊದಲ ಕೊಡಗು ಜಿಲ್ಲಾ ಮಹಿಳಾ ಸಹಕಾರ ಬ್ಯಾಂಕ್ ಆರಂಭ ಕಂಡಿತ್ತು. ಪ್ರಸ್ತುತ ಬ್ಯಾಂಕ್ 10.42 ಲಕ್ಷ ರೂ.ಗಳ ನಿವ್ವಳ ಲಾಭದಲ್ಲಿ ಭದ್ರ ಬುನಾದಿಯೊಂದಿಗೆ ಪ್ರಗತಿ ಎಡೆಗೆ ಸಾಗುತ್ತಿದೆ. ಈ ಮಹಿಳಾ ಬ್ಯಾಂಕಿನಿAದ ಸ್ವಾವಲಂಭಿ ಬದುಕಿಗಾಗಿ ಹತ್ತಾರು ಸಾಲ ಯೋಜನೆಗಳಿದ್ದು, ಅರ್ಹರು ಸದಸ್ಯತ್ವ ಪಡೆಯುವ ಮೂಲಕ ಇದರ ಸದುಪಯೋಗಪಡಿಸಿಕೊಳ್ಳುವಂತೆ ಕರೆ ನೀಡಿದರು.
ಮಹದೇವಪೇಟೆ ಮಹಿಳಾ ಸಹಕಾರ ಸಂಘದ ಅಧ್ಯಕ್ಷೆ ಸವಿತಾ ಭಟ್ ಮಾತನಾಡಿ, 1955 ಸ್ಥಾಪನೆಯಾದ ಸಹಕಾರ ಸಂಘದ ಕಟ್ಟಡ 20 ಸಾವಿರ ವೆಚ್ಚದಲ್ಲಿ ನಿರ್ಮಾಣವಾಗಿದ್ದು ಬಸಪ್ಪ ಶಿಶು ವಿಹಾರ ಹೆಸರಲ್ಲಿ ಪ್ರಖ್ಯಾತಿ ಪಡೆದಿದೆ. ಸಮಾಜದ ಕಟ್ಟಡಲ್ಲಿ ಟೈಲರಿಂಗ್, ನೃತ್ಯ, ಸಂಗೀತ ತರಬೇತಿ ಸಹಿತ ವಿವಿಧ ಕಾರ್ಯಕ್ರಮಗಳನ್ನು ಆಯೋಜಿಸಿಕೊಂಡು ಬರಲಾಗುತ್ತಿದೆ. ಆತ್ಮ ವಿಶ್ವಾಸವೇ ಸಮಾಜ ಸೇವೆಗೆ ಪ್ರೇರಣೆ ಎಂಬುದನ್ನು ಎಲ್ಲರೂ ಮನಗಾಣಬೇಕು. ಆ ದಿಸೆಯಲ್ಲಿ ಸಮಾಜದ ಕಾರ್ಯಚಟುವಟಿಕೆಗಳು ಸಾಗಿವೆ. 1955ರಿಂದ 2024ರವರೆಗೆ ನಿರಂತರವಾಗಿ ನಡೆಯುತ್ತಿದ್ದ ಶಿಶು ವಿಹಾರವನ್ನು ಇದೀಗ ಮಕ್ಕಳ ಅಲಭ್ಯತೆಯಿಂದ ಅನಿವಾರ್ಯವಾಗಿ ಸ್ಥಗಿತ ಮಾಡಲಾಗಿದೆ ಎಂದು ಅವರು ಇದೇ ಸಂದರ್ಭ ಬೇಸರ ವ್ಯಕ್ತಪಡಿಸಿದರು. ಜಿಲ್ಲಾ ಸಹಕಾರ ಯೂನಿಯನ್ ನಿರ್ದೇಶಕ ಕೋಡಿರ ಪ್ರಸನ್ನ ತಮ್ಮಯ್ಯ ಮಾತನಾಡಿ, ಪೂರ್ವಿಕರು ಅತ್ಯಂತ ಮುತುವರ್ಜಿಯಿಂದ ಮಹಿಳಾ ಸಹಕಾರ ಸಂಘಗಳನ್ನು ಸ್ಥಾಪಿಸಿದ್ದಾರೆ. ಪರಿಣಾಮ ಇಂದು ಸಹಕಾರ ಕ್ಷೇತ್ರ ಉನ್ನತ ಬೆಳವಣಿಕೆ ಕಂಡಿದೆ ಎಂದು ಹೇಳಿದರು.
ಜಿಲ್ಲಾ ಸಹಕಾರ ಯೂನಿಯನ್ ನಿರ್ದೇಶಕಿ ಎಂ.ಎಂ.ಶ್ಯಾಮಲ ದಿನದ ಮಹತ್ವ ಕುರಿತು ಮಾತನಾಡಿ, ದೇಶದಲ್ಲಿ 32 ಕೋಟಿ ಮಂದಿ ಸದಸ್ಯರು ಸಹಕಾರ ಕ್ಷೇತ್ರದಲ್ಲಿ ತೊಡಗಿಸಿಕೊಂಡಿದ್ದಾರೆ. ಇದನ್ನು ಮನಗಂಡು ಕೇಂದ್ರ ಸರಕಾರ 2021ರಲ್ಲಿ ಪ್ರತ್ಯೇಕ ಸಹಕಾರ ಸಚಿವಾಲಯವನ್ನು ತೆರೆದಿದ್ದು 2024ರಲ್ಲಿ ರಾಷ್ಟಿçÃಯ ಸಹಕಾರ ನೀತಿಯನ್ನು ಜಾರಿಗೆ ತಂದಿದೆ. 2047ರ ವಿಕಸಿತ ಭಾರತ ಪರಿಕಲ್ಪನೆಗೆ ಸಹಕಾರ ಕ್ಷೇತ್ರವೂ ಬಹುದೊಡ್ಡ ಕೊಡುಗೆ ನೀಡಲಿದೆ. ನೆಮ್ಮದಿಯ ಮತ್ತು ಶಾಂತಿಯ ಸಮಾಜಕ್ಕೆ ಸಹಕಾರ ಕ್ಷೇತ್ರಗಳೇ ಭದ್ರ ಬುನಾದಿಯಾಗಿವೆ ಎಂದು ಸಮರ್ಥಿಸಿಕೊಂಡರು. ಯುವ ಪೀಳಿಗೆಯ ಮಾನಸಿಕತೆಗೆ ತಕ್ಕಂತೆ ಆಧುನೀಕರಣ, ಡಿಜಿಟಲೀಕರಣದಂತಹ ನವ ಆಯಾಮದ ಕಡೆಗೆ ಸಹಕಾರ ಕ್ಷೇತ್ರವೂ ಹೊರಳಬೇಕು. ಈ ನಿಟ್ಟಿನಲ್ಲಿ ಎಲ್ಲಾ ಸಹಕಾರಿಗಳು ಚಿಂತನೆ ನಡೆಸಬೇಕು ಎಂದು ಸಲಹೆ ನೀಡಿದರು. ಜಿಲ್ಲಾ ಸಹಕಾರ ಯೂನಿಯನ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಯೋಗೇಂದ್ರ ನಾಯಕ್ ಮಾತನಾಡಿ, ಪ್ರತಿ ದೇಶಕ್ಕೂ ಅದರದ್ದೇ ಆದ ರಾಷ್ಟç ಧ್ವಜವಿದೆ. ಆದರೆ ಸಹಕಾರ ಕ್ಷೇತ್ರಕ್ಕೆ ಇಡೀ ವಿಶ್ವದಲ್ಲಿಯೇ 7 ಬಣ್ಣಗಳನ್ನು ಹೊಂದಿರುವ ಏಕೈಕ ಧಜ್ವವಿದೆ. ಇದು ಸಹಕಾರ ಕ್ಷೇತ್ರದ ಹೆಮ್ಮೆ ಎಂದು ಹೇಳಿದರು. *ಸನ್ಮಾನದ ಗೌರವ* ಇದೇ ಸಂದರ್ಭ ಹಿರಿಯ ಮಹಿಳಾ ಸಹಕಾರಿಗಳಾದ ವಸುಂಧರ ಪ್ರಸನ್ನ ಹಾಗೂ ಪಳಂಗಂಡ ಕಮಲಾ ಸುಬ್ಬಯ್ಯ ಅವರನ್ನು ಮಹಿಳಾ ಸಹಕಾರ ಸಂಘಗಳ ಮೂಲಕ ಸನ್ಮಾನಿಸಿ ಗೌರವಿಸಲಾಯಿತು. ಕೊಡಗು ಜಿಲ್ಲಾ ಮಹಿಳಾ ಸಹಕಾರ ಬ್ಯಾಂಕ್, ಮಹದೇವಪೇಟೆ ಮಹಿಳಾ ಸಹಕಾರ ಸಂಘ, ಕೋಟೆ ಮಹಿಳಾ ಸಹಕಾರ ಸಂಘಗಳ ವತಿಯಿಂದ ಜಿಲ್ಲಾ ಸಹಕಾರ ಯೂನಿಯನ್ ಅಧ್ಯಕ್ಷ ರಾಬಿನ್ ದೇವಯ್ಯ ಅವರನ್ನು ಸನ್ಮಾನಿಸಿ ಗೌರವಸಲಾಯಿತು. ಸನ್ಮಾನ ಸ್ವೀಕರಿಸಿ ಮಾತನಾಡಿದ ವಸುಂಧರ ಪ್ರಸನ್ನ ಕಾರ್ಯಚಟುವಟಿಕೆ ಇಲ್ಲದೇ ಕಳೆಗುಂದಿದ್ದ ಮಹಿಳಾ ಸಮಾಜವನ್ನು ಸಮಾನ ಮನಸ್ಕ ಮಹಿಳೆಯರ ಸಹಕಾರದಿಂದ ಮತ್ತೆ ಮುಂಚೂಣಿಗೆ ತರಲಾಗಿದೆ ಎಂದು ಹೆಮ್ಮೆಯಿಂದ ನುಡಿದರು. ಕಮಲಾ ಸುಬ್ಬಯ್ಯ ಮಾತನಾಡಿ, 8 ದಶಕಗಳ ಹಿಂದೆ ಮಹಿಳಾ ಸಹಕಾರ ಸಂಘ ಹುಟ್ಟು ಹಾಕಿದ ಮಹನೀಯರೇ ನಮಗೆ ಆದರ್ಶವಾಗಿದ್ದಾರೆ. ಅವರ ಮಾರ್ಗದರ್ಶನದಿಂದಲೇ ಸಹಕಾರ ಕ್ಷೇತ್ರದಲ್ಲಿ ಸುದೀರ್ಘ ಸೇವೆ ಸಲ್ಲಿಸಲು ಸಾಧ್ಯವಾಗಿದೆ ಎಂದು ಹೇಳಿದರು. ಮಹದೇವಪೇಟೆ ಮಹಿಳಾ ಸಹಕಾರ ಸಂಘದ ಸದಸ್ಯರು ಮತ್ತು ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಯೋಗೇಂದ್ರ ನಾಯಕ್ ಅವರಿಂದ ಮೂಡಿ ಬಂದ ಭಕ್ತಿ ಗೀತೆ ಗಾಯನ ಕಾರ್ಯಕ್ರಮಕ್ಕೆ ಮೆರುಗು ತುಂಬಿತು. ಸಹಕಾರಿಗಳಾದ ಎಂ.ಎA. ಶ್ಯಾಮಲ ಮತ್ತು ಕಡ್ಲೇರ ಆಶಾ ಪ್ರಭು ಅವರುಗಳು ಸಹಕಾರ ಗೀತೆ ಹಾಡುವ ಮೂಲಕ 73ನೇ ಸಹಕಾರ ಸಪ್ತಾಹಕ್ಕೆ ಗೌರವ ಸಮರ್ಪಿಸಿದರು. ಸಭಾ ವೇದಿಕೆಯಲ್ಲಿ ಜಿಲ್ಲಾ ಸಹಕಾರ ಯೂನಿಯನ್ ನಿರ್ದೇಶಕ ಮೂಕಚಂಡ ಟಿ.ಸುಬ್ಬಯ್ಯ, ಎಸ್.ಆರ್. ಸುನಿಲ್ ರಾವ್, ಸಹಕಾರ ಸಂಘಗಳ ಪ್ರಬಾರ ಉಪನಿಬಂಧಕರಾದ ಶೈಲಜಾ ಉಪಸ್ಥಿತರಿದ್ದರು. ಶೈಲಾ ಮಂಜುನಾಥ್ ಮತ್ತು ನಿರ್ಮಲಾ ದಿವಾಕರ್ ಸ್ವಾಗತಿಸಿದರೆ ಜಿಲ್ಲಾ ಸಹಕಾರ ಯೂನಿಯನ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಯೋಗೇಂದ್ರ ನಾಯಕ್ ಎಲ್ಲರನ್ನು ಸ್ವಾಗತಿಸಿದರು. ಆಯಿಷಾ ಹಮೀದ್ ಮತ್ತು ಪದ್ಮಿನಿ ಪೂವಣ್ಣ ಅವರು ಸನ್ಮಾನಿತರನ್ನು ಪರಿಚಯಿಸಿದರು.

Follow us Follow us
Share. WhatsApp Facebook Twitter Email Telegram Copy Link

Related Posts

ಕುಶಾಲನಗರ ಚೇಂಬರ್ ಆಫ್ ಕಾಮರ್ಸ್ ವಾರ್ಷಿಕ ಮಹಾಸಭೆ: ಸ್ಪಷ್ಟ ಯೋಜನೆ ರೂಪಿಸಿ ಅನುಷ್ಠಾನಕ್ಕೆ ಪ್ರಯತ್ನಿಸಿ – ಟಿ.ಎಲ್. ಪ್ರವೀಣ್

ನವೆಂಬರ್ 15, 2026

ನವೆಂಬರ್ 28ರಂದು ಮೂರು ನಾಡಿನ ಕೈಮುಡಿಕೆ ಪುತ್ತರಿ ಕೋಲ್ 

ನವೆಂಬರ್ 15, 2026

ಮಕ್ಕಳ ದಿನಾಚರಣೆ ಅಂಗವಾಗಿ ನ.22ರಂದು 4 ನೇ ವರ್ಷದ ಜಿಲ್ಲಾ ಮಟ್ಟದ ಚಿತ್ರಕಲಾ ಸ್ಪರ್ಧೆ : ಕೊಡಗಿನ ಎಲ್ಲಾ ಶಾಲಾ ಮಕ್ಕಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಡಾ. ಶಿಲ್ಪಾ ಸತೀಶ್ ಮನವಿ

ನವೆಂಬರ್ 15, 2026

ನವೆಂಬರ್ 28ರಂದು ಮೂರು ನಾಡಿನ ಕೈಮುಡಿಕೆ ಪುತ್ತರಿ ಕೋಲ್ 

ನವೆಂಬರ್ 15, 2026 ಇತ್ತೀಚಿನ ಸುದ್ದಿಗಳು ಕೊಡಗು ಜಿಲ್ಲೆ

ಕುಂದಾ, NEWS DESK ನ.15: ಇತಿಹಾಸ ಪ್ರಸಿದ್ಧ ಬೊಟ್ಟಿಯತ್ ಮೂಂದ್ ನಾಡಿನ ಕೈಮುಡಿಕೆ ಪುತ್ತರಿ ಕೋಲ್ ಮಂದ್ ಕಾರ್ಯಕ್ರಮವನ್ನು ಇದೇ…

ಮಡಿಕೇರಿಯಲ್ಲಿ ಮಹಿಳಾ ಸಹಕಾರ ಸಂಘಗಳಿಂದ ಸಹಕಾರ ಸಪ್ತಾಹ : ಯುವತಿಯರ ಸಹಭಾಗಿತ್ವದಲ್ಲಿ ಸಹಕಾರ ಕ್ಷೇತ್ರವನ್ನು ಮತ್ತಷ್ಟು ಉನ್ನತಿಗೆ ಕೊಂಡೊಯ್ಯಲು ಕರೆ

ನವೆಂಬರ್ 15, 2026

ಮಕ್ಕಳ ದಿನಾಚರಣೆ ಅಂಗವಾಗಿ ನ.22ರಂದು 4 ನೇ ವರ್ಷದ ಜಿಲ್ಲಾ ಮಟ್ಟದ ಚಿತ್ರಕಲಾ ಸ್ಪರ್ಧೆ : ಕೊಡಗಿನ ಎಲ್ಲಾ ಶಾಲಾ ಮಕ್ಕಳು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ಡಾ. ಶಿಲ್ಪಾ ಸತೀಶ್ ಮನವಿ

ನವೆಂಬರ್ 15, 2026

ಡಾ.ಅಂಬೇಡ್ಕರ್ ಪ್ರತಿಮೆ ಪ್ರತಿಷ್ಠಾಪನೆ ವಿಳಂಬ : ದಲಿತ ಸಂಘರ್ಷ ಸಮಿತಿ ಅಸಮಾಧಾನ

ನವೆಂಬರ್ 15, 2026

ಎಚ್‌ಐವಿ/ಏಡ್ಸ್ ಜಾಗೃತಿಗಾಗಿ ಬೀದಿನಾಟಕ ಮತ್ತು ಫ್ಲ್ಯಾಶ್‌ಮಾಬ್ ಕಾರ್ಯಕ್ರಮ

ನವೆಂಬರ್ 15, 2026

ಬಿರುನಾಣಿಯಲ್ಲಿ ₹30 ಲಕ್ಷ ವೆಚ್ಚದ ಒಳಾಂಗಣ ಕ್ರೀಡಾಂಗಣ ನಿರ್ಮಾಣಕ್ಕೆ ಭೂಮಿಪೂಜೆ; ಕ್ರೀಡಾ ಪ್ರತಿಭೆಗಳಿಗೆ ಉತ್ತೇಜನ ನೀಡುವ ಉದ್ದೇಶದಿಂದ ಶಾಸಕರ ವಿಶೇಷ ಅನುದಾನದಲ್ಲಿ ಕಾಮಗಾರಿಗೆ ಚಾಲನೆ

ನವೆಂಬರ್ 15, 2026

ನವೆಂಬರ್ 22ರಂದು ಅಜ್ಜಿಕುಟ್ಟಿರ ಕುಟುಂಬ ಹಾಕಿ ಪಂದ್ಯಾವಳಿಯ ಲಾಂಛನ ಬಿಡುಗಡೆ

ನವೆಂಬರ್ 15, 2026

ಸಾಲುಮರದ ತಿಮ್ಮಕ್ಕ ಸ್ಮರಣೆ: ಪರಿಸರ ಸಂರಕ್ಷಣೆ ಪ್ರತಿಯೊಬ್ಬರ ಜೀವನಶೈಲಿಯಾಗಲಿ

ನವೆಂಬರ್ 15, 2026

ಗುಂಡುಗುಟ್ಟಿ ಸರ್ಕಾರಿ ಶಾಲೆಯಲ್ಲಿ ಮಕ್ಕಳ ದಿನಾಚರಣೆ ಸಂಭ್ರಮ; ಹಸಿರು ದೀಪಾವಳಿ ಆಚರಣೆ ಮೂಲಕ ಪರಿಸರ ಜಾಗೃತಿ

ನವೆಂಬರ್ 15, 2026

ರಸಪ್ರಶ್ನೆ ಸ್ಪರ್ಧೆ: ನಾಪೋಕ್ಲು ಕೆಪಿಎಸ್ ಶಾಲೆಯ ವಿದ್ಯಾರ್ಥಿಗಳ ತಂಡ ರಾಜ್ಯಮಟ್ಟಕ್ಕೆ ಆಯ್ಕೆ

ನವೆಂಬರ್ 15, 2026
  • Facebook
  • Twitter
  • Instagram
  • WhatsApp
  • YouTube
Quick Links
  • ಮುಖಪುಟ
  • ಕೊಡಗು ಜಿಲ್ಲೆ
  • ಕರ್ನಾಟಕ
  • ಭಾರತ
  • ಪೊಲೀಸ್ ನ್ಯೂಸ್
  • ಪ್ರವಾಸಿತಾಣ
Quick Links
  • ಮಹಾದೇಗುಲ
  • ರುಚಿ ನೋಡಿ
  • ರೋಗ ಮುಕ್ತ
  • ಉದ್ಯೋಗ ಭಾಗ್ಯ
  • ಸಣ್ಣ ಕಥೆ
  • ವಿಡಿಯೋ ಗ್ಯಾಲರಿ
Contact

www.newsdeskkannada.com
News Desk,
Industrial Area,
Pathrika Bhavan Building,
Madikeri, Kodagu, Karnataka.
Phone: 94481 00724
              76766 24467
Email: newsdeskkodagu@gmail.com

© 2026 All Rights Reserved. Designed by Blueline Computers.
  • ಮುಖಪುಟ
  • ಕೊಡಗು ಜಿಲ್ಲೆ
  • ಕರ್ನಾಟಕ
  • ಭಾರತ
  • ಪೊಲೀಸ್ ನ್ಯೂಸ್
  • ಪ್ರವಾಸಿತಾಣ

Type above and press Enter to search. Press Esc to cancel.