ವಿರಾಜಪೇಟೆ ಆ.19 : ಬಿಳುಗುಂದ ಸರ್ಕಾರಿ ಶಾಲೆಯಲ್ಲಿ 77ನೇ ಸ್ವಾತಂತ್ರ್ಯೋತ್ಸ ದಿನಾಚರಣೆಯ ಅಂಗವಾಗಿ ಎಸ್.ಡಿ.ಎಂ.ಸಿ. ಅಧ್ಯಕ್ಷ ಕೆ.ಹೆಚ್. ಆಲಿ ಧ್ವಜಾರೋಹಣ ನೆರವೇರಿಸಿದರು.
ಶಾಲಾ ಮುಖ್ಯ ಶಿಕ್ಷಕಿ ಅರುಣ ಆನ್ಸಿ ಡಿಸೋಜ ದಿನದ ಮಹತ್ವದ ಬಗ್ಗೆ ಮಾತನಾಡಿ, ಸ್ವಾತಂತ್ರ್ಯವಾಗಿರುವ ನಾವು ಹೋರಾಡಿ ಮಡಿದ ವೀರರನ್ನು ಈ ದಿವಸ ನೆನಪಿಸಿಕೊಳ್ಳಬೇಕು. ಸಂವಿಧಾನದ ನಿಯಮದಡಿ ನಾವು ನೆಮ್ಮದಿಯಿಂದ ಬದುಕಲು ವೀರ ಯೋಧರ ಪರಿಶ್ರಮವಿದೆ. ನಾವು ಒಂದಾಗಿ ಬಾಳಬೇಕು. ಜಾತಿ ಧರ್ಮಗಳ ಸಾಮರಸ್ಯದ ಅಗತ್ಯವಿದೆ. ದೇಶದ ರಕ್ಷಣೆಗೆ ಎಲ್ಲರೂ ಕೈಜೋಡಿಸಿ ಎಂದರು.
ವಿದ್ಯಾರ್ಥಿಗಳು, ದೇಶಭಕ್ತಿ ಗೀತೆ ಹಾಡಿ, ದಿನದ ಮಹತ್ವದ ಬಗ್ಗೆ ಭಾಷಣ ಮಾಡಿದರು.
ನಿವೃತ್ತ ಶಿಕ್ಷಕಿ ಸತಿ ನಾರಾಯಣ, ನೀಡಿದ ದತ್ತಿ ನಿಧಿಯ ಬಡ್ಡಿ ಹಣವನ್ನು 8,9,10ನೇ ತರಗತಿಯಲ್ಲಿ ಅತೀ ಹೆಚ್ಚು ಅಂಕ ಗಳಿಸಿದ ಪ್ರಥಮ, ದ್ವಿತೀಯ, ತೃತೀಯ ಸ್ಥಾನ ಪಡೆದ ವಿದ್ಯಾರ್ಥಿಗಳಿಗೆ ವಿತರಿಸಲಾಯಿತು.
ಈ ಸಂದರ್ಭದಲ್ಲಿ ಬಿಳುಗುಂದ ಗ್ರಾ.ಪಂ ಅಧ್ಯಕ್ಷ ಲೀಲಾವತಿ, ಮಾಜಿ ಅಧ್ಯಕ್ಷ ಐನಂಡ ಪ್ರತಾಪ್, ಪಿ.ಡಿ.ಓ.ಚಂದ್ರಶೇಖರ, ಗ್ರಾ.ಪಂ ಸದಸ್ಯರು, ಸಿಬ್ಬಂದಿ ವರ್ಗದವರು, ಎಸ್.ಡಿ.ಎಂ.ಸಿ. ಸದಸ್ಯರು, ಹಳೆ ವಿದ್ಯಾರ್ಥಿಗಳು, ಶಾಲಾ ಶಿಕ್ಷಕರು, ಸಿಬ್ಬಂದಿ ವರ್ಗ, ನಿವೃತ್ತ ಶಿಕ್ಷಕ ಅಲ್ಬರ್ಟ್ ಡಿಸೋಜ, ಅಲ್ವಿನ್ ಡಿಸೋಜ ಮುಂತಾದವರು ಹಾಜರಿದ್ದರು.
ಅಲ್ವಿನ್ ಡಿಸೋಜ ವಲಯ ಮಟ್ಟದ ಕ್ರೀಡಾಕೂಟಕ್ಕೆ ಧನ ಸಹಾಯ ನೀಡಿದರು. ಶಿಕ್ಷಕರಾದ ಸಾವಿತ್ರಿ ನಿರೂಪಿಸಿ, ಅನಿತಾ ಸ್ವಾಗತಿಸಿದರು. ಧನು ವೇದಿಕೆ ಸಜ್ಜುಗೊಳಿಸಿದರು. ಲೀಲಾವತಿ ವಂದಿಸಿದರು. ದೈಹಿಕ ಶಿಕ್ಷಣ ಶಿಕ್ಷಕಿ ಲಿನ್ನಿ ಕಾರ್ಯಕ್ರಮದ ಜವಾಬ್ದಾರಿ ವಹಿಸಿಕೊಂಡಿದ್ದರು.
