ಮಡಿಕೇರಿ ಅ.30 : ಅಖಿಲ ಕೊಡವ ಸಮಾಜ ಅಧ್ಯಕ್ಷರಾಗಿ ಸುದೀರ್ಘ ಅವಧಿಗೆ ಸಮಾಜ ಸೇವೆ ಮಾಡಿ, ಇತ್ತೀಚಿಗೆ ಅಗಲಿದ ದೇಶತಕ್ಕ ಮಾತಂಡ ಮೊಣ್ಣಪ್ಪ ಅವರ ನೆನಪಿಗಾಗಿ, ಕೊಡವಾಮೆರ ಕೊಂಡಾಟ ಸಂಘಟನೆ ಪ್ರಬಂಧ ಸ್ಪರ್ಧೆ ಏರ್ಪಡಿಸಿದೆ ಎಂದು ಸಂಘಟನೆಯ ಅಧ್ಯಕ್ಷ ಚಾಮೆರ ದಿನೇಶ್ ಬೆಳ್ಯಪ್ಪ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಸ್ಪರ್ಧೆಯಲ್ಲಿ ಯಾವುದೇ ಜಾತಿ, ಧರ್ಮದ ಮಿತಿ ಇಲ್ಲದೆ, ಬರಹಗಾರರು 2,500 ವಾಕ್ಯಗಳಿಗೆ ಮೀರದಂತೆ ಕೊಡವ ಭಾಷೆಯಲ್ಲಿ ಮಾತಂಡ ಮೊಣ್ಣಪ್ಪ ಅವರ ಬಗ್ಗೆ ಟೈಪ್ ಮಾಡಿ ಪೋಸ್ಟ್ ತೀತಿಮಾಡ ಸೋಮಣ್ಣ, ಮುಳಿಯ ಜ್ಯುವೆಲರಿ, ಮಹಾದೇವಪೇಟೆ ಅಥವಾ ವಾಟ್ಸಪ್ ಸಂಖ್ಯೆ +91 94822 46336 ಮೂಲಕ ಸ್ಪರ್ಧಾ ಸಂಚಾಲಕ ಕೊಡವಾಮೆರ ಕೊಂಡಾಟ ಸಂಘಟನೆಯ ಸಂಘಟನಾ ಕಾರ್ಯದರ್ಶಿ ತೀತಿಮಾಡ ಸೋಮಣ್ಣ ಅವರಿಗೆ ದಿನಾಂಕ 15/11/2013 ರ ಒಳಗೆ ಕಳುಹಿಸುವಂತೆ ಮನವಿ ಮಾಡಿದರು.
ಸ್ಪರ್ಧೆಯಲ್ಲಿ ಭಾಗವಹಿಸಿ ಗೆದ್ದವರಿಗೆ ಪ್ರಥಮ 4,000, ದ್ವಿತೀಯ 3,000, ತೃತೀಯ 2,000 ನಗದು ಹಾಗೂ ಭಾಗವಹಿಸಿದ ಪ್ರತಿಯೊಬ್ಬರಿಗೂ ಪ್ರಮಾಣ ಪತ್ರ ನೀಡಲಾಗುವುದು.
ಸ್ಪರ್ಧೆಯ ಬಹುಮಾನವನ್ನು ಸಮಾಜ ಸೇವಕ ವ್ಯಾಲಿಡ್ಯೂ ಕೊಡವ ಸಾಂಸ್ಕೃತಿಕ ಅಸೋಸಿಯೇಷನ್ ಅಧ್ಯಕ್ಷ ಹಂಚೆಟ್ಟಿರ ಮನು ಮುದ್ದಪ್ಪ ಪ್ರಯೋಜಿಸಿದ್ದಾರೆ.
ಕೊಡವ ಮತ್ತು ಕೊಡಗಿಗೆ ಅಮೂಲಾಗ್ರ ಸೇವೆ ಸಲ್ಲಿಸಿ, ಇತಿಹಾಸದ ಹೆಗ್ಗುರುತಾಗಿ ನಿಂತ ಮಾತಂಡ ಮೊಣ್ಣಪ್ಪನವರಿಗೆ ನಾವೆಲ್ಲಾ ಬರಹ ರೂಪದಲ್ಲಿ ಗೌರವ ಸೂಚಿಸಬೇಕಾಗಿ ಚಾಮೆರ ದಿನೇಶ್ ಬೆಳ್ಯಪ್ಪ ಕೋರಿದ್ದಾರೆ.
