ನಾಪೋಕ್ಲು ಏ.3 NEWS DESK : ಚೆರಿಯ ಪರಂಬುವಿನ ಜನರಲ್ ಕೆ.ಎಸ್.ತಿಮ್ಮಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ನಡುವಿನ ಕುಂಡ್ಯೋಳಂಡ ಕಪ್ ಹಾಕಿ ಪಂದ್ಯಾವಳಿಯಲ್ಲಿ ಕಡೇಮಾಡ ತಂಡವು ಪೊನ್ನಿಮಾಡ ವಿರುದ್ಧ 6 ಗೋಲು ಗಳಿಸುವುದರೊಂದಿಗೆ ಭರ್ಜರಿ ಜಯ ಸಾಧಿಸಿತು.
ಕಡೇಮಾಡ ತಂಡದ ಆಟಗಾರರಾದ ಅನುಷ್ ಕರುಂಬಯ್ಯ ಮೂರು ಗೋಲು ಹೊಡೆದರೆ, ಕಡೇಮಾಡ ರಚನ್ ಚರ್ಮಣ, ಕಡೇಮಾಡ ಕಾವೇರಪ್ಪ, ಕಡೆಮಾಡ ಮಂದಣ್ಣ ತಲಾ ಒಂದು ಗೋಲು ಹೊಡೆದರು. ಆ ಮೂಲಕ ಪೊನ್ನಿಮಾಡ ತಂಡದ ವಿರುದ್ಧ 6-0 ಅಂತರದ ಜಯ ಸಾಧಿಸಿದರು.
ಪೇರಿಯಂಡ ತಂಡವು ಮಲ್ಲಚಿರ ತಂಡದ ವಿರುದ್ಧ 5-0 ಅಂತರದಿಂದ ಹಾಗೂ ಪಾಲಂದಿರ ತಂಡವು ಚಪ್ಪಂಡ ವಿರುದ್ಧ 5-0 ಅಂತರದಿಂದ ಗೆಲುವು ಸಾಧಿಸಿ ಮುಂದಿನ ಸುತ್ತು ಪ್ರವೇಶಿಸಿದವು.
ನೆರ್ಪಂಡ ಮತ್ತು ಬಲ್ಟಿಕಾರಂಡ ತಂಡಗಳ ನಡುವಿನ ಪಂದ್ಯದಲ್ಲಿ ನೆರ್ಪಂಡ ತಂಡ 3-0 ಅಂತರದಿಂದ ಜಯ ಸಾಧಿಸಿದರೆ, ಮಾರ್ಚಂಡ ಮತ್ತು ಚೋಳಂಡ ತಂಡಗಳ ನಡುವಿನ ಪಂದ್ಯದಲ್ಲಿ ಚೋಳಂಡ ತಂಡ 2-1 ಅಂತರದ ಗೆಲವು ಸಾಧಿಸಿತು.
ಅಪ್ಪಾರಂಡ ಮತ್ತು ಮುಂಡಚಾಡಿರ ತಂಡಗಳ ನಡುವೆ 1-1 ಅಂತರದ ಸಮಬಲದ ಹೋರಾಟ ನಡೆಯಿತು. ಪೆನಾಲ್ಟಿ ಸ್ಟೋಕ್ ನಲ್ಲಿ ಮುಂಡಚಾಡಿರ ತಂಡವು 5 ಗೋಲು ಗಳಿಸುವುದರ ಮೂಲಕ ಅಪಾರಂಡ ವಿರುದ್ಧ ಗೆಲವು ಸಾಧಿಸಿತು.
ಕೀತಿಯಂಡ ಮತ್ತು ಐಯ್ಯನೆರವಂಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಐಯನೆರವಂಡ ಮುಂದಿನ ಸುತ್ತು ಪ್ರವೇಶಿಸಿದರೆ ಮುಂಡ್ಯೋಳಂಡ ಮತ್ತು ಐಚೆಟ್ಟಿರ ತಂಡಗಳ ನಡುವಿನ ಪಂದ್ಯದಲ್ಲಿ ಐಚೆಟ್ಟಿರ ಮುಂದಿನ ಸುತ್ತು ಪ್ರವೇಶಿಸಿತು. ಉಳಿದಂತೆ ನಂದೇಟಿರ ವಿರುದ್ಧ ತೀತರಮಾಡ, ಪೋರಂಗಡ ತಂಡದ ವಿರುದ್ಧ ಅದೇಂಗಡ, ಅಲ್ಲುಮಾಡ ತಂಡದ ವಿರುದ್ಧ ಬಿದ್ದಾಟಂಡ ತಂಡಗಳು ಗೆಲುವು ಸಾಧಿಸಿದವು. ಆಯ್ಲಪಂಡ ವಿರುದ್ಧ ಸ್ಪರ್ಧಿಸಿದ ಕಾಡಪನೇರ ತಂಡವು ಗೆಲುವು ಸಾಧಿಸಿತು. ಚಿಕ್ಕಂಡ ತಂಡವು ಬಟ್ಟಿಯಂಡ ತಂಡದ ವಿರುದ್ಧ 2-1 ಅಂತರದ ಜಯ ಸಾಧಿಸಿತು.
ಉಳಿದಂತೆ ಕುದ್ರಂಡ ವಿರುದ್ಧ ಕಾಂಗಿರ ತಂಡವು, ಕೈಪಟ್ಟಿರ ತಂಡದ ವಿರುದ್ಧ ಚೆಟ್ಟಿಮಾರಂಡ ನಾಪನೆರವಂಡ ತಂಡದ ವಿರುದ್ಧ ತಾತಂಡ ತಂಡಗಳು ಗೆಲುವು ಸಾಧಿಸಿದವು .ಮೈಂದ ಪಂಡ ಮತ್ತು ಅಯ್ಯಮಡ ನಡುವೆ ಸಮಬಲದ ಹೋರಾಟ ನಡೆಯಿತು.. ಪೆನಾಲ್ಟಿ ಸ್ಟ್ರೋಕ್ ನಲ್ಲಿ ಲ್ಲಿ ಮೈಂದ ಪಂಡ ತಂಡ ನಾಲ್ಕು ಗೋಲು ಗಳಿಸಿದರೆ ಐಯಮಾಡ ತಂಡ 3 ಗೋಲು ಗಳಿಸಿ ಪರಾಭವಗೊಂಡಿತು. ಮಂಡೇಡ ತಂಡದ ವಿರುದ್ಧ ಪೊನ್ನಚೆಟ್ಟೀರ ಗೆಲುವು ಸಾಧಿಸಿತು.
:: ಇಂದಿನ ಪಂದ್ಯಗಳು ::
ಮೈದಾನ -1
9 ಗಂಟೆಗೆ ನಂಬುಡ ಮಂಡ- ಪೊನ್ನಾಲತಂಡ
10 ಗಂಟೆಗೆ ಕಿರಿಯಮಾಡ-ಬೈರೆಟ್ಟಿರ
11 ಗಂಟೆಗೆ ಕಾಂಜಿತಂಡ-ಮದ್ರೀರ (ಮಾದಾಪುರ)
1 ಗಂಟೆಗೆ ಕೊಕ್ಕಲೆಮಾಡ -ಬಾಚಮಂಡ
2 ಗಂಟೆಗೆ ಬೊಳ್ತಂಡ -ಅದೇಂಗಡ
3 ಗಂಟೆಗೆ ಪುಚ್ಚಿಮಾಡ-ಕುಂಡ್ಯೋಳಂಡ
ಮೈದಾನ-2
9 ಗಂಟೆಗೆ ನಡಿಕೇರಿಯಂಡ- ವಾಟೇರಿರ
10 ಗಂಟೆಗೆ ಮೊಣ್ಣಂಡ-ಆಪಟ್ಟಿರ
11 ಗಂಟೆಗೆ ತಂಬಂಡ- ಪಾಲೆಯಡ
1 ಗಂಟೆಗೆ ಕಲ್ಲೇಂಗಡ- ಪಳಂಗೇಟಿರ
2 ಗಂಟೆಗೆಪಾಲಚಂಡ-ಬಿಜ್ಜಂಡ
3 ಗಂಟೆಗೆ ಬೊಜ್ಜಂಗಡ -ಮುದ್ದಿಯಡ
ಮೈದಾನ- 3
9 ಗಂಟೆಗೆ ಕೆಕಡ-ಕೂಪದಿರ
10 ಗಂಟೆಗೆ ಅಮ್ಮಾನಕುಟ್ಟಂಡ-ಬೊಟ್ಟೋಳಂಡ
11 ಕುಪ್ಪಣಮಾಡ-ನೆಲ್ಲಿರ
1 ಗಂಟೆಗೆ ಚೊಟ್ಟೇರ -ಕಾಯಪಂಡ
2 ಗಂಟೆಗೆ ಚೊಟ್ಟೆಮಾಡ -ಜಬ್ಬಂಡ
3ಗಂಟೆ ಗೆ ಬಲ್ಯಂಡ-ಚೆರುವಾಳಂಡ
ವರದಿ : ದುಗ್ಗಳ ಸದಾನಂದ
