ಮಡಿಕೇರಿ ಜೂ.25 NEWS DESK : ಬಿದ್ದು ಸಿಕ್ಕಿದ ಚಿನ್ನದ ನಾಣ್ಯಗಳನ್ನು ವಾರಸುದಾರರಿಗೆ ಹಿಂತಿರುಗಿಸುವ ಮೂಲಕ ನಗರದ ಸಂಚಾರಿ ಪೊಲೀಸರು ಸಾರ್ವಜನಿಕರ ಪ್ರಶಂಸೆಗೆ ಪಾತ್ರರಾಗಿದ್ದಾರೆ.
ಮಡಿಕೇರಿಯ ನ್ಯೂ ಎಕ್ಟೆಷನ್ ನಿವಾಸಿ, ವಿಘ್ನೇಶ್ವರ ಜ್ಯುವೆಲರಿ ಮಾಲೀಕ ಬಿ.ಸಿ.ಮೋಹನ್ ಚಿನ್ನದ ನಾಣ್ಯಗಳನ್ನು ಕಳೆದುಕೊಂಡಿದ್ದರು.
ನಗರದ ಹಳೆಯ ಖಾಸಗಿ ಬಸ್ ನಿಲ್ದಾಣದ ಸಮೀಪ ಎರಡು ಗ್ರಾಮ್ ನ ಮೂರು ಚಿನ್ನದ ನಾಣಯ್ಯಗಳು ಮಡಿಕೇರಿ ಸಂಚಾರಿ ಪೊಲೀಸ್ ನಾಗರಾಜ್ ಎಂಬುವವರಿಗೆ ಬಿದ್ದುಸಿಕ್ಕಿದ್ದು, ಅದನ್ನು ಮಡಿಕೇರಿ ಸಂಚಾರಿ ಪೊಲೀಸ್ ಠಾಣಾಧಿಕಾರಿ ಸಿ.ಪಿ.ಶ್ರೀಧರ್ ಸಮ್ಮುಖದಲ್ಲಿ ವಾರಸುದಾರರಿಗೆ ಒಪ್ಪಿಸುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.
