ಮಡಿಕೇರಿ ಜು.24 NEWS DESK : ಅರ್ವತ್ತೊಕ್ಕಲು ಬೇಕೋಟ್ ಮಕ್ಕ ಕ್ಲಬ್ ವತಿಯಿಂದ ಜು.27 ಮತ್ತು 28 ರಂದು ನಾಲ್ಕನೇ ವರ್ಷದ ಹಿಂದೂ ಬಾಂಧವರ ರಾಜ್ಯಮಟ್ಟದ ಕೆಸರುಗದ್ದೆ ಕ್ರೀಡಾಕೂಟ ನಡೆಯಲಿದೆ ಎಂದು ಕ್ಲಬ್‌ನ ಕಾರ್ಯದರ್ಶಿ ಗಿರಿ ಅಪ್ಪಯ್ಯ ತಿಳಿಸಿದರು.
ನಗರದಲ್ಲಿ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಜು.28 ರಂದು ಬೆಳಿಗ್ಗೆ 8 ಗಂಟೆಗೆ ಅರ್ವತ್ತೊಕ್ಕಲು ಗ್ರಾಮದ ತಳೂರು.ಎಂ.ಚಂಗಪ್ಪ ಹಾಗೂ ತಳೂರು.ಎಂ.ಕುಶಾಲಪ್ಪ ಅವರ ಗದ್ದೆಯಲ್ಲಿ ನಡೆಯಲಿರುವ ಪಂದ್ಯಾವಳಿಯನ್ನು ಹಿರಿಯರಾದ ಪೊನ್ನೇಟಿ ಅಕ್ಕಮ್ಮ ಕುಟ್ಟಪ್ಪ, ಸ್ಥಳ ದಾನಿಗಳಾದ ತಳೂರು.ಎಂ.ಚಂಗಪ್ಪ, ತಳೂರು.ಎಂ.ಕುಶಾಲಪ್ಪ ಪಂದ್ಯಾವಳಿಯನ್ನು ಉದ್ಘಾಟಿಸಲಿದ್ದಾರೆ ಎಂದು ಮಾಹಿತಿ ನೀಡಿದರು.
ಮುಖ್ಯ ಅತಿಥಿಗಳಾಗಿ ತಳೂರು ಕುಟುಂಬದ ಹಿರಿಯರಾದ ತಳೂರು ಮೊಣ್ಣಪ್ಪ, ತಳೂರು ಬೋಜಮ್ಮ ಯಂಕಪ್ಪ, ಕೃಷಿಕರಾದ ಪಟ್ಟಾಂದೀರ ಚಂಗಪ್ಪ, ಕಡ್ಲೇರ.ಎಂ.ಗಣೇಶ್, ಕೋಳುಮಾಡನ ಉತ್ತಪ್ಪ, ಮುಂಜಾಂದೀರ ರಮೇಶ್, ವಾಯುಸೇನೆಯ ನಿವೃತ್ತರಾದ ಜಬ್ಬಂಡ ಕುಟ್ಟಪ್ಪ, ಮುಂಜಾಂದೀರ ಕುಟುಂಬದ ಹಿರಿಯರಾದ ಮುಂಜಾಂದೀರ ದೇವಕ್ಕಿ ಸುಬ್ಬಯ್ಯ, ಕೋಳುಮಾಡನ ಕುಟುಂಬದ ಹಿರಿಯರಾದ ಕೋಳುಮಾಡನ ಪುಷ್ಪವೇಣಿ ನಾಣಯ್ಯ, ಚಾತುರನ ಕುಟುಂಬದ ಹಿರಿಯರಾದ ಚಾತುರನ ಗೌರಮ್ಮ, ನಿವೃತ್ತ ಮುಖ್ಯೋಪಧ್ಯಾಯಿನಿ ಪೂಜಾರಿರ ಸರೋಜಿನಿ ಮಾದಪ್ಪ, ಚೆರುಮಾಡಂಡ ಕುಟುಂಬದ ಹಿರಿಯರಾದ ಚೆರುಮಾಡಂಡ ಕೆ.ಮುತ್ತವ್ವ, ಪಳೆಯಂಡ ಕುಟುಂಬದ ಹಿರಿಯರಾದ ಪಳೆಯಂಡ ಪಾಲಿ ಪೂವಯ್ಯ, ಗುಡ್ಡೇರ ಕುಟುಂಬದ ಹಿರಿಯರಾದ ಗುಡ್ಡೇರ ಲಲಿತ ನಾಣಯ್ಯ, ಪೊಡೆಯಂಡ ಕುಟುಂಬದ ಹಿರಿಯರಾದ ಪೊಡೆಯಂಡ ಅಕ್ಕವ್ವ ಪಾಲ್ಗೊಳ್ಳಲಿದ್ದಾರೆ ಎಂದು ತಿಳಿಸಿದರು.
ಮಧ್ಯಾಹ್ನ 3 ಗಂಟೆಗೆ ಅರ್ವತ್ತೊಕ್ಕಲು ಬೇಕೋಟ್ ಮಕ್ಕ ಕ್ಲಬ್ ಅಧ್ಯಕ್ಷ ತಳೂರು.ಎಸ್.ವಿವೇಕ್ ಅಧ್ಯಕ್ಷತೆಯಲ್ಲಿ ಸಮಾರೋಪ ಸಮಾರಂಭ ನಡೆಯಲಿದ್ದು, ಮುಖ್ಯ ಅತಿಥಿಗಳಾಗಿ ಮೈಸೂರು ಕೊಡಗು ಲೋಕಸಭಾ ಕ್ಷೇತ್ರದ ಸಂಸದ ಯದುವೀರ್ ಚಾಮರಾಜ ಒಡೆಯರ್, ಮಾಜಿ ಮುಖ್ಯಮಂತ್ರಿ ಸದಾನಂದ ಗೌಡ, ಮುಖ್ಯಮಂತ್ರಿಗಳ ಕಾನೂನು ಸಲಹೆಗಾರರು ಹಾಗೂ ವಿರಾಜಪೇಟೆ ಕ್ಷೇತ್ರದ ಶಾಸಕ ಎ.ಎಸ್.ಪೊನ್ನಣ್ಣ, ಮಡಿಕೇರಿ ವಿಧಾನಸಭಾ ಕ್ಷೇತ್ರದ ಶಾಸಕ ಡಾ.ಮಂತರ್ ಗೌಡ, ವಿಧಾನ ಪರಿಷತ್ ಸದಸ್ಯ ಸುಜಾ ಕುಶಾಲಪ್ಪ, ಮಾಜಿ ಶಾಸಕರಾದ ಕೆ.ಜಿ.ಬೋಪಯ್ಯ, ಎಂ.ಪಿ.ಅಪ್ಪಚ್ಚು ರಂಜನ್, ವಿಶ್ವ ಹಿಂದೂ ಪರಿಷತ್ ಅಧ್ಯಕ್ಷ ಸಿ.ಕೆ.ಬೋಪಣ್ಣ, ಪ್ರೆಸ್ ಕ್ಲಬ್ ಅಧ್ಯಕ್ಷ, ಪತ್ರಕರ್ತರ ಸಂಘದ ಉಪಾಧ್ಯಕ್ಷ ಅಜ್ಜಮಾಡ ರಮೇಶ್ ಕುಟ್ಟಪ್ಪ, ಬೆಟ್ಟಗೇರಿ ವಿ.ಎಸ್.ಎಸ್.ಎನ್ ಅಧ್ಯಕ್ಷ ತಳೂರು.ಎ.ಕಿಶೋರ್ ಕುಮಾರ್, ಗ್ರಾ.ಪಂ ಅಧ್ಯಕ್ಷೆ ಚಳಿಯಂಡ ಕಮಲಾ ಉತ್ತಯ್ಯ, ಗ್ರಾ.ಪಂ ಸದಸ್ಯ ತಳೂರು ದಿನೇಶ್ ಕರುಂಬಯ್ಯ, ಉದಯ ಪ್ರೌಢಶಾಲೆಯ ನಿವೃತ್ತ ಮುಖ್ಯೋಪಾಧ್ಯಾಯರಾದ ಕೆದಂಬಾಡಿ.ಎಸ್.ಪುಟ್ಟಯ್ಯ ಪಾಲ್ಗೊಳ್ಳಲಿದ್ದಾರೆ ಎಂದರು.
ಜು.27 ರಂದು 3 ಓವರ್ ಗಳ ಕ್ರಿಕೆಟ್ ಪಂದ್ಯಾವಳಿಗಳು ನಡೆಯಲಿದ್ದು, ೨೦ ತಂಡಗಳಿಗೆ ಸೀಮಿತಗೊಳಿಸಲಾಗಿದೆ. ಒಟ್ಟು 7 ಆಟಗಾರರು ಭಾಗವಹಿಸಬಹದುದಾಗಿದೆ ಎಂದರು.
ಜು.28 ರಂದು ಪುರುಷರ ಹಾಗೂ ಮಹಿಳೆಯರ ಹಗ್ಗ ಜಗ್ಗಾಟ ಮತ್ತು ಮಕ್ಕಳಿಗೆ, ಬಾಲಕ ಬಾಲಕಿಯರಿಗೆ, ಸಾರ್ವಜನಿಕರ ಪುರುಷ ಹಾಗೂ ಮಹಿಳೆಯರಿಗೆ ಕೆಸರು ಗದ್ದೆ ಓಟದ ಸ್ಪರ್ಧೆ, ದಂಪತಿಗಳಿಗೆ ಕೆಸರು ಗದ್ದೆಯಲ್ಲಿ ಅಡಿಕೆ ಹಾಳೆಯಲ್ಲಿ ಎಳೆಯುವ ಸ್ಪರ್ಧೆ ನಡೆಯಲಿದೆ ಎಂದು ಮಾಹಿತಿ ನೀಡಿದರು.
ಅಧ್ಯಕ್ಷ ತಳೂರು ವಿವೇಕ್ ಮಾತನಾಡಿ, ವ್ಯವಸ್ಥಿತವಾಗಿ ಕಾರ್ಯಕ್ರಮ ಆಯೋಜನೆ ಮಾಡಲಾಗುತ್ತಿದ್ದು, ಉಡುಪಿ, ದಕ್ಷಿಣ ಕನ್ನಡ, ಸುಳ್ಯ ಭಾಗಗಳಿಂದಲೂ ತಂಡಗಳು ಭಾಗವಹಿಸುತ್ತಿವೆ. ಹಗ್ಗಜಗ್ಗಾಟದಲ್ಲಿ ಸ್ಥಳದಲ್ಲಿ ತಂಡಗಳ ನೋಂದಣಿಗೆ ಅವಕಾಶವಿದೆ. ಹೆಚ್ಚಿನ ಮಾಹಿತಿಗೆ 7338151277, 9906894429 ಸಂಖ್ಯೆ ಸಂಪರ್ಕಿಸುವಂತೆ ಮನವಿ ಮಾಡಿದರು. ಸದ್ದಿಗೋಷ್ಠಿಯಲ್ಲಿ ಉಪಾಧ್ಯಕ್ಷ ಟಿ.ಕೆ.ಕುಮಾರಧರ, ಗೌರವಾಧ್ಯಕ್ಷ ಟಿ.ಎಸ್. ಜಗದೀಶ್, ಗೌರವಾಧ್ಯಕ್ಷ ಸೂರಿ ಕಾಕೇರಿ ಉಪಸ್ಥಿತರಿದ್ದರು.
