ಕುಶಾಲನಗರ ನ.29 NEWS DESK : ಕನ್ನಡ ಸಿರಿ ಸ್ನೇಹ ಬಳಗ ಮತ್ತು ಆವರ್ತಿ ಸ್ಟುಡಿಯೋ ಸಂಯುಕ್ತ ಆಶ್ರಯದಲ್ಲಿ ಸಾಧಕರಿಗೆ ಕೌಶಲ್ಯ ಸಿರಿ ಪ್ರಶಸ್ತಿ ಪ್ರದಾನ ಮಾಡಲಾಯಿತು. ಕುಶಾಲನಗರದ ಸಮೀಪದ ಆವೃತ್ತಿಯಲ್ಲಿ ನಡೆದ ಸರಳ ಸಮಾರಂಭದಲ್ಲಿ ಕುಶಾಲನಗರದ ಹಿರಿಯ ಪತ್ರಿಕೆ ವಿತರಕರಾದ ವಿ.ಪಿ.ಪ್ರಕಾಶ್, ಮಹಿಳಾ ಸೌಂದರ್ಯ ತಜ್ಞೆ ವನಿತ ಚಂದ್ರಮೋಹನ್, ಮುದ್ರಣಗಾರ ಹರೀಶ್, ಬ್ಯಾನರ್ ವಿನ್ಯಾಸ ಗಾರರಾದ ನರೇಂದ್ರ, ಮಂಟಪ ಅಲಂಕಾರ ಉದ್ಯಮಿ ಕೆ.ಪಿ.ನಾಗೇಂದ್ರ, ಕಂಪ್ಯೂಟರ್ ವಿನ್ಯಾಸಗಾರ ಎಂ.ಬಿ.ಇಮ್ರಾನ್, ಹೂವಿನ ಚೆಟ್ಟಿಗಳ ತಯಾರಕರಾದ ಒಬಲ್ ರೆಡ್ಡಿ, ನುಡಿ ಕೌಶಲ್ಯಗಾರರಾದ ಸೆಬಾಸ್ಟಿಯನ್ ಜಾಯ್ ಮತ್ತು ಜ್ಯೋತಿ, ಅಡಿಗೆ ತಯಾರಕರಾದ ರುದ್ರೇಶ್, ಮತ್ತು ಬಸವನಹಳ್ಳಿ ಬಿದಿರು ಬುಟ್ಟಿ ತಯಾರಕರಾದ ಪುಷ್ಪ ಅವರುಗಳನ್ನು ಸನ್ಮಾನಿಸಿ ಗೌರವಿಸಲಾಯಿತು. ಈ ಸಂದರ್ಭದಲ್ಲಿ ಸರಳ ಕಾರ್ಯಕ್ರಮವನ್ನು ಜೆಸಿ ವಲಯ ಅಧ್ಯಕ್ಷರಾದ ಎಂ.ಡಿ.ರಂಗಸ್ವಾಮಿ ಉದ್ಘಾಟಿಸಿ ಮಾತನಾಡಿದರು. ಮುಖ್ಯ ಭಾಷಣಕಾರರಾಗಿ ನಿವೃತ್ತ ಚಿತ್ರಕಲಾ ಶಿಕ್ಷಕರಾದ ಉ.ರಾ ನಾಗೇಶ್ ಅವರು ಪಾಲ್ಗೊಂಡಿದ್ದರು. ಕನ್ನಡ ಸಿರಿ ಬಳಗದ ಅಧ್ಯಕ್ಷರು ಹಾಗೂ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ನಿಕಟ ಪೂರ್ವ ಅಧ್ಯಕ್ಷರಾದ ಬಿ.ಎಸ್.ಲೋಕೇಶ್ ಸಾಗರ್ ಪ್ರಾಸ್ತಾವಿಕ ನುಡಿಗಳ ನಾಡಿದರು. ಕೊಡಗು ಜಿಲ್ಲಾ ಛಾಯಾಗ್ರಾಹಕರ ಸಂಘದ ಅಧ್ಯಕ್ಷರಾದ ಆವರ್ತಿ ಆರ್ ಮಹದೇವಪ್ಪ ಅಧ್ಯಕ್ಷತೆಯಲ್ಲಿ ಅವರ ನಿವಾಸದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಉಪನ್ಯಾಸಕರಾದ ಹಂಡ್ರಂಗಿ ನಾಗರಾಜ್ ಅವರು ಸ್ವಾಗತಿಸಿ ಕಾರ್ಯಕ್ರಮ ನಿರೂಪಿಸಿದರು.
