ವಿರಾಜಪೇಟೆ ನ.29 NEWS DESK : ಮೈಸೂರಿನ ಚಾಮುಂಡಿ ವಿಹಾರ್ ಒಳಾಂಗಣ ಕ್ರೀಡಾಂಗಣದಲ್ಲಿ ನಡೆದ 7ನೇ ಮುಕ್ತ ರಾಷ್ಟ್ರ ಮಟ್ಟದ ಕರಾಟೆ ಚಾಂಪಿಯನ್‌ಶಿಪ್ ಪಂದ್ಯಾವಳಿಯಲ್ಲಿ ವಿರಾಜಪೇಟೆ ಪೆರುಂಬಾಡಿ ಗ್ರಾಮದ ಶಿಠೊರಿಯೊ ಸ್ಕೂಲ್ ಆಫ್ ಇಂಡಿಯಾದ 9 ವಿದ್ಯಾರ್ಥಿಗಳು ಭಾಗವಹಿಸಿ ಸಾಧನೆ ಮಾಡಿದ್ದಾರೆ. ಕುಮಿಥೆ ವಿಭಾಗದಲ್ಲಿ ಓರ್ವ ಬಾಲಕಿ ಮತ್ತು 8 ಮಂದಿ ಬಾಲಕರು ಭಾಗವಹಿಸಿದ್ದರು. ಬಾಲಕಿಯರ ವಿಭಾಗದಲ್ಲಿ ಗಾನವಿ, ಬಾಲಕರ ವಿಭಾಗದಲ್ಲಿ ಡಿ.ಧೃತಿಕ್, ಕೆ.ಹೆಚ್. ಕಾರ್ತಿಕ್ ದ್ವಿತೀಯ ಸ್ಥಾನ ಪಡೆದುಕೊಂಡಿದ್ದರೆ. ಎನ್.ಬಿ.ಪ್ರಜನ್, ಸಿ.ಎನ್.ಸೋಹನ್, ಜೋಹನ್, ಗಗನ್, ಬಿ.ಬಿ.ಗಿಲನ್, ಬಿ.ಸಿ.ಅಭಿಶೇಕ್ ನಾಲ್ಕನೇ ಸ್ಥಾನ ಮತ್ತು ಸಮಾಧಾನಕರ ಬಹುಮಾನವನ್ನು ಪಡೆದುಕೊಂಡಿದ್ದಾರೆ. ಅಂತರ್ ರಾಷ್ಟ್ರೀಯ ಮೈಬುಖಾನ್ ಗೊ ಜ್ಯೂರಿಯೊ ಕರಾಟೆ ಅಸೋಸಿಯೇಶನ್ ನ ಭಾರತದ ಕಾರ್ಯದರ್ಶಿ ಮತ್ತು ಹಿರಿಯ ತೀರ್ಪುಗಾರರು ಹಾಗೂ ಕರ್ನಾಟಕ ರಾಜ್ಯ ಗೊ ಜ್ಯೂ ರಿಯೊ ಉಪಾಧ್ಯಕ್ಷ ಸೆನ್ಸಾಯಿ ಆರ್.ಮಹೇಶ್ ಪಂದ್ಯಾವಳಿಯನ್ನು ಆಯೋಜಿಸಿದ್ದರು.
ವರದಿ : ಕಿಶೋರ್ ಕುಮಾರ್ ಶೆಟ್ಟಿ
