ಗೋಣಿಕೊಪ್ಪ ಡಿ.7 NEWS DESK : ಸಾಮರಸ್ಯವನ್ನು ವೃದ್ಧಿಸುವ ಮೂಲಕ ಉತ್ತಮ ವಾತಾವರಣವನ್ನು ಕಲ್ಪಿಸುವ ಶಕ್ತಿ ಕ್ರೀಡೆಯಿಂದ ಮಾತ್ರ ಸಾಧ್ಯ ಎಂದು ಮುಖ್ಯಮಂತ್ರಿಗಳ ಕಾನೂನು ಸಲಹೆಗಾರ ವಿರಾಜಪೇಟೆ ವಿಧಾನಸಭಾ ಕ್ಷೇತ್ರದ ಶಾಸಕ ಎ.ಎಸ್.ಪೊನ್ನಣ್ಣ ಅಭಿಪ್ರಾಯ ವ್ಯಕ್ತಪಡಿಸಿದರು. ಗೋಣಿಕೊಪ್ಪ ಜಿ.ಪಿ.ಎಲ್ ಕ್ರಿಕೆಟ್ ಪ್ರೀಮಿಯ ಲೀಗ್ ಎಂಟನೇ ಆವೃತ್ತಿಯ ಎರಡನೇ ದಿನದ ಪ್ರಾರಂಭಕ್ಕೆ ಚಾಲನೆ ನೀಡಿ ಮಾತನಾಡಿದರು. ಉತ್ತಮ ಸಮಾಜ ನಿರ್ಮಿಸಲು ತಾರತಮ್ಯಗಳನ್ನು ತೊಡೆದು ಹಾಕಲು ಕ್ರೀಡೆಗಳಿಂದ ಸಾಧ್ಯವಾಗುತ್ತದೆ ಎಂದರು. ಕ್ರೀಡಾಕೂಟಗಳಲ್ಲಿ ಭಾಗವಹಿಸುವ ಮೂಲಕ ಒಗ್ಗಟ್ಟಿನಿಂದ ಬದುಕು ನಡೆಸಲು ಮತ್ತು ದೇಶ ಕಟ್ಟುವ ಗುರಿಯನ್ನು ಹೊಂದಬೇಕು ಎಂದು ಸಲಹೆ ನೀಡಿದರು. ಕೊಡಗು ಜಿಲ್ಲೆ ಕ್ರೀಡೆಯ ಬಗ್ಗೆ ಹೆಚ್ಚು ಆಸಕ್ತಿ ಹೊಂದಿದೆ. ಹೀಗಾಗಿ ಕ್ರೀಡೆಗೆ ಹೆಚ್ಚಿನ ಆದ್ಯತೆಯನ್ನು ನೀಡಲಾಗುತ್ತಿದೆ. ಮಕ್ಕಳು ಕ್ರೀಡೆಯಲ್ಲಿ ತೊಡಗಿಸಿಕೊಳ್ಳುವ ಮೂಲಕ ಹೆಚ್ಚಿನ ಆರೋಗ್ಯವನ್ನು ಗಳಿಸಿಕೊಳ್ಳಬಹುದು ಎಂದು ಹೇಳಿದರು. ಕ್ರೀಡೆ ಗ್ರಾಮೀಣ ಮಕ್ಕಳ ಅವಕಾಶಗಳಾಗಿ ಪರಿವರ್ತನೆಗೊಂಡು ರಾಜ್ಯ ಮತ್ತು ದೇಶವನ್ನು ಪ್ರತಿನಿಧಿಸುವಂತಹ ಪ್ರತಿಭೆಗಳನ್ನು ಸೃಷ್ಟಿಸಬೇಕಾಗಿದೆ ಎಂದರು. ಈ ನಿಟ್ಟಿನಲ್ಲಿ ಜಿಪಿಎಲ್ ಸಂಸ್ಥೆ ಎಂಟು ವರ್ಷಗಳಿಂದ ಕಾರ್ಯಪ್ರವೃತ್ತರವಾಗಿ ಮುನ್ನಡೆದಿದ್ದು, ಅತ್ಯುತ್ತಮ ಕ್ರಿಕೆಟ್ ಪಂದ್ಯಾಟವನ್ನು ಆಯೋಜಿಸುವ ಮೂಲಕ ಜಿಲ್ಲೆಯಲ್ಲಿಯೆ ಗಮನ ಸೆಳೆದಿದೆ ಎಂದರು. ಪೆÇನ್ನಂಪೇಟೆ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮೀದೇರಿರ ನವೀನ್ ಮಾತನಾಡಿ, ಸೋಲು ಗೆಲುವುಗಳ ಬಗ್ಗೆ ಲೆಕ್ಕ ಹಾಕದೆ, ಸ್ನೇಹ ಬಾಂಧವ್ಯಗಳ ಕಡೆಗೆ ಮನಸ್ಸನ್ನು ತೆರೆದುಕೊಂಡು ಕ್ರೀಡಾಕೂಟದಲ್ಲಿ ಭಾಗವಹಿಸುವ ಮೂಲಕ ಸಮೃದ್ಧ ಮತ್ತು ಬಲಿಷ್ಠ ಭಾರತ ಕಟ್ಟಲು ಯುವಕರು ತಮ್ಮ ಗುರಿಯಾಗಿಸಿಕೊಳ್ಳಬೇಕು ಎಂದು ಸಲಹೆ ನೀಡಿದರು. ಗೋಣಿಕೊಪ್ಪ ಗ್ರಾ.ಪಂ ಮಾಜಿ ಸದಸ್ಯ ಜಮ್ಮಡ ಸೋಮಣ್ಣ ಯುವಕರಲ್ಲಿ ಹುರಿದುಂಬಿಸುವ ನುಡಿಗಳ ನಾಡಿದರು. ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ತಿಮ್ಮಯ್ಯ, ಕಾಂಗ್ರೆಸ್ಸಿನ ಯುವ ಮುಖಂಡರುಗಳಾದ ಕೊಣಿಯಂಡ ಮುತ್ತಣ್ಣ, ಶಬೀರ್, ಧ್ಯಾನ್ ದೇವಯ್ಯ, ರಕ್ಷಿತ್, ಮಾಧ್ಯಮ ಸಲಹೆಗಾರರಾಗಿರುವ ಜಗದೀಶ್ ಜೋಡುಬೀಟಿ, ಅಧ್ಯಕ್ಷರಾಗಿರುವ ಸಿಂಗಿ ಸತೀಶ್, ಸ್ಥಾಪಕಾಧ್ಯಕ್ಷರಾಗಿ ಸರ್ಫುದ್ದೀನ್ ಚೆನೈ ಸೂಪರ್ ಕಿಂಗ್ಸ್, ಮಾಲಿಕ ವೇಣುಗೋಪಾಲ್, ಕಿಂಗ್ಸ್ ಇಲೆವನ್ ಪಂಜಾಬ್, ಮಾಲಿಕಾ ನಿತಿನ್, ರಾಯಲ್ಸ್ ಚಾಲೆಂಜರ್ಸ್ ಬೆಂಗಳೂರು, ಮಾಲಿಕಾ ಮುಕ್ತರಬೇಗ್, ಮುಂಬೈ ಇಂಡಿಯನ್ಸ್, ಮಾಲಿಕಾ ಇಲಿಯಾಸ್, ಕೊಲ್ಕತ್ತಾ ಕಿಂಗ್ ರೈಡರ್ಸ್, ಮಾಲಿಕ ಕಿರಣ್, ರಾಜಸ್ಥಾನ್ ರಾಯಲ್ಸ್, ಮಾಲೀಕರುಗಳಾದ ಅಪ್ಪಿ, ಮಂಜು, ಶರಿ, ಗುಜರಾತ್ ಟೈಟಾನ್ಸ್ ಮಾಲೀಕರುಗಳಾದ ಅಭಿ ಚೇತನ್, ಲಕ್ನೋ ತಂಡದ ಮಾಲಿಕ ಗಗನ್ ಮುಕ್ಕಾಟಿ, ಡೆಲ್ಲಿ ತಂಡದ ಮಾಲೀಕರದ ಶರತ್ ಕಾಂತ್, ಜಿ.ಪಿ.ಎಲ್ ಪ್ರೀಮಿಯರ್ ಲೀಗ್‍ನ ಗೌರವ ಅಧ್ಯಕ್ಷ ಹಕೀಂ, ಕ್ರೀಡಾ ಸಂಚಾಲಕ ಶಾಜಿ, ಪ್ರಧಾನ ಕಾರ್ಯದರ್ಶಿ ಶಮ್ಮು, ನಿರ್ದೇಶಕರುಗಳಾದ ಅವಿನಾಶ್ , ಮುನೀರ್, ರಂಶದ್ , ಚಿದು, ಹಮೀದ್, ಅಫ್ಸಲ್, ಉಮೇಶ್, ಶಿಜು, ರಮೇಶ್ ಶಿರಾಜ್ , ಲಾಲು ಸ್ಟೆನ್ಲಿ, ಶ್ರೀಕುಮಾರ್ ಸೇರಿದಂತೆ ತಂಡದ ವ್ಯವಸ್ಥಾಪಕರು, ತರಬೇತುದಾರರು, ಕ್ರೀಡಾಪಟುಗಳು ಇದ್ದರು.
