ಮಡಿಕೇರಿ, NEWS DESK ಅ. 29: ಸಮರ್ಥ ಕನ್ನಡಿಗರು (ನೋಂ.) ಕೊಡಗು ಜಿಲ್ಲಾ ಘಟಕದ ವತಿಯಿಂದ ಪ್ರತಿವರ್ಷದಂತೆ ಈ ವರ್ಷವೂ ನವೆಂಬರ್ 22ರಂದು ಮಡಿಕೇರಿ ನಗರದ ಓಂಕಾರ್ ಸದನದಲ್ಲಿ ‘ಕನ್ನಡ ಹಬ್ಬ’ ಸಾಂಸ್ಕೃತಿಕ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.
‘ನಿಮ್ಮ ಪ್ರತಿಭೆ – ನಮ್ಮ ವೇದಿಕೆ’ ಎಂಬ ಆಶಯದೊಂದಿಗೆ ನಡೆಯುವ ಕಾರ್ಯಕ್ರಮದಲ್ಲಿ ಮಕ್ಕಳು, ಶಾಲಾ-ಕಾಲೇಜು ವಿದ್ಯಾರ್ಥಿಗಳು ಹಾಗೂ ಮಹಿಳೆಯರಿಗಾಗಿ ವಿವಿಧ ಸಾಂಸ್ಕೃತಿಕ ಸ್ಪರ್ಧೆಗಳನ್ನು ಏರ್ಪಡಿಸಲಾಗಿದೆ.
ಸ್ಪರ್ಧೆಗಳ ವಿವರಗಳು ಇಂತಿವೆ:
1. ಛದ್ಮವೇಷ ಸ್ಪರ್ಧೆ: 1ರಿಂದ 3 ವರ್ಷದ ಹಾಗೂ 3ರಿಂದ 6 ವರ್ಷದ ಮಕ್ಕಳಿಗೆ ಪ್ರತ್ಯೇಕವಾಗಿ ಸ್ಪರ್ಧೆ ಆಯೋಜಿಸಲಾಗಿದೆ.
2. ಜಾನಪದ ನೃತ್ಯ ಸ್ಪರ್ಧೆ: ಕಿರಿಯ ಪ್ರಾಥಮಿಕ (1ರಿಂದ 4ನೇ ತರಗತಿ), ಹಿರಿಯ ಪ್ರಾಥಮಿಕ (5ರಿಂದ 7ನೇ ತರಗತಿ) ಹಾಗೂ ಪ್ರೌಢಶಾಲಾ ವಿದ್ಯಾರ್ಥಿಗಳಿಗೆ ಸ್ಪರ್ಧೆ ನಡೆಯಲಿದೆ. ಪ್ರದರ್ಶನಕ್ಕೆ ಮೂರು ನಿಮಿಷಗಳ ಕಾಲಾವಕಾಶವಿದ್ದು, ಪ್ರತಿ ತಂಡದಲ್ಲಿ ಕನಿಷ್ಠ 6 ಹಾಗೂ ಗರಿಷ್ಠ 10 ಸ್ಪರ್ಧಿಗಳು ಭಾಗವಹಿಸಬಹುದು.
3. ಕಾಲೇಜು ವಿದ್ಯಾರ್ಥಿಗಳ ಸಮೂಹ ಗಾಯನ ಸ್ಪರ್ಧೆ: ಪಿಯುಸಿ ಹಾಗೂ ಪದವಿ ವಿದ್ಯಾರ್ಥಿಗಳಿಗೆ ಸ್ಪರ್ಧೆ ಆಯೋಜಿಸಲಾಗಿದೆ. ಕನ್ನಡ ನಾಡು-ನುಡಿಗೆ ಸಂಬಂಧಿಸಿದ ಗೀತೆಗಳನ್ನು ಹಾಡಬೇಕು. ಪ್ರದರ್ಶನದ ಅವಧಿ ಮೂರು ನಿಮಿಷಗಳಾಗಿದ್ದು, ಪ್ರತಿ ತಂಡದಲ್ಲಿ ಕನಿಷ್ಠ 4 ಹಾಗೂ ಗರಿಷ್ಠ 6 ವಿದ್ಯಾರ್ಥಿಗಳು ಇರಬೇಕು. ಕರೋಕೆ ಬಳಸಲು ಅವಕಾಶವಿರುವುದಿಲ್ಲ.
4. ಮಹಿಳೆಯರ ಸಮೂಹ ಗಾಯನ ಸ್ಪರ್ಧೆ: ಮಹಿಳೆಯರಿಗೆ ಭಕ್ತಿಗೀತೆ ಅಥವಾ ಜಾನಪದ ಗೀತೆ ಹಾಡುವ ಸ್ಪರ್ಧೆ ನಡೆಯಲಿದೆ. ಪ್ರದರ್ಶನಕ್ಕೆ ಮೂರು ನಿಮಿಷಗಳ ಕಾಲಾವಕಾಶವಿದ್ದು, ಪ್ರತಿ ತಂಡದಲ್ಲಿ ಕನಿಷ್ಠ 6 ಹಾಗೂ ಗರಿಷ್ಠ 8 ಸ್ಪರ್ಧಿಗಳು ಭಾಗವಹಿಸಬಹುದು.
5. ಚಿತ್ರಕಲಾ ಸ್ಪರ್ಧೆ: ಪ್ರೌಢಶಾಲಾ ವಿದ್ಯಾರ್ಥಿಗಳಿಗೆ ವೈಯಕ್ತಿಕ ಚಿತ್ರಕಲಾ ಸ್ಪರ್ಧೆ ಆಯೋಜಿಸಲಾಗಿದೆ. ಒಂದು ಗಂಟೆಯ ಕಾಲಾವಕಾಶ ನೀಡಲಾಗುವುದು. ಚಿತ್ರ ಬಿಡಿಸಲು ಅಗತ್ಯವಿರುವ ಹಾಳೆಯನ್ನು ಹೊರತುಪಡಿಸಿ ಉಳಿದ ಪರಿಕರಗಳನ್ನು ಸ್ಪರ್ಧಾರ್ಥಿಗಳೇ ತರಬೇಕು.
ಸ್ಪರ್ಧೆಗಳಲ್ಲಿ ಭಾಗವಹಿಸಲು ಹೆಸರು ನೋಂದಾಯಿಸಿಕೊಳ್ಳಲು ನವೆಂಬರ್ 15 ಕೊನೆಯ ದಿನಾಂಕವಾಗಿದೆ. ಆಸಕ್ತರು ಕೆಳಕಂಡ ಸಂಪರ್ಕ ಸಂಖ್ಯೆಗಳ ಮೂಲಕ ನೋಂದಾಯಿಸಿಕೊಳ್ಳಬಹುದು ಎಂದು ಸಮರ್ಥ ಕನ್ನಡಿಗರು ಸಂಸ್ಥೆಯ ಕೊಡಗು ಜಿಲ್ಲಾ ಸಂಚಾಲಕಿ ಜಯಲಕ್ಷ್ಮಿ ಕೆ. ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ನೋಂದಣಿಗಾಗಿ ಸಂಪರ್ಕಿಸಬೇಕಾದವರು:
- ಛದ್ಮವೇಷ ಸ್ಪರ್ಧೆ: ಅನಿತಾ ಸಿ. – 9632653739, ಪುಷ್ಪಾ ಬಡಿಗೇರ್ – 7795916157
- ಚಿತ್ರಕಲಾ ಸ್ಪರ್ಧೆ: ಶ್ರೀಲತಾ ಬಿ. – 9480524681, ಪವಿತ್ರಾ ಸಂತೋಷ್ – 9686323326
- ಕಾಲೇಜು ವಿದ್ಯಾರ್ಥಿಗಳ ಸಮೂಹ ಗಾಯನ: ಸೌಮ್ಯಾ ಸಂತೋಷ್ – 8762574584, ಅಂಬಿಕಾ – 8050144266
- ಮಹಿಳೆಯರ ಸಮೂಹ ಗಾಯನ: ಶಾಂತಿ ಅಚ್ಚಯ್ಯ – 9902651146, ಸರಿತಾ ಅಯ್ಯಪ್ಪ – 9481483457
- ಜಾನಪದ ನೃತ್ಯ ಸ್ಪರ್ಧೆ: ಜಯಲಕ್ಷ್ಮಿ ಕೆ. – 9663119670, ದಿವ್ಯಾ ಸತೀಶ್ – 9538349058