ಮಡಿಕೇರಿ ಬ್ರಹ್ಮಕುಮಾರಿ ಶಾಖೆಯಲ್ಲಿ ಹೊಸ ವರ್ಷಾಚರಣೆ

ಮಡಿಕೇರಿ ಜ.2 : ಬ್ರಹ್ಮಕುಮಾರಿ ಮಡಿಕೇರಿ ಶಾಖೆಯಲ್ಲಿ ಹೊಸ ವರ್ಷಾಚರಣೆಯನ್ನು ಸಂಭ್ರಮದಿಂದ ಆಚರಿಸಲಾಯಿತು.
ಜಿಲ್ಲಾ ಸಂಚಾಲಕರಾದ ರಾಜಯೋಗಿನಿ ಬ್ರಹ್ಮಕುಮಾರಿ ಗಾಯತ್ರಿ ಅವರು ಹೊಸ ವರ್ಷದ ಪ್ರೇರಣೆಗಳನ್ನು ನೀಡಿ, ಜೀವನದಲ್ಲಿ ಬರುವ ಪರಿಸ್ಥಿತಿಯನ್ನು ಎದುರಿಸಲು ಪರಮಾತ್ಮನ ಶಕ್ತಿಯ ಅವಶ್ಯಕತೆ ಇದೆ. ಆದ್ದರಿಂದ ಜ್ಞಾನದ ಮಹತ್ವ ಅಗತ್ಯ ಎಂದು ಅಶೀರ್ವಾಚನ ನೀಡಿದರು.
ಶಾಖೆಯ ಸಭಾಂಗಣದಲ್ಲಿ  ಪರಮಾತ್ಮ ಶಿವನ ಸ್ಮೃತಿಯಲ್ಲಿ ಜ್ಯೋತಿ ಬೆಳೆಗಿಸಿ, ಕೇಕ್ ಕತ್ತರಿಸಿ ನೆರೆದಿದ್ದವರಿಗೆ ಪ್ರಸಾದ ವಿತರಿಸಲಾಯಿತು.