ನಾಪೋಕ್ಲು ಫೆ.13 : ಹೊದ್ದೂರು ಗ್ರಾಮ ಪಂಚಾಯತಿ ವ್ಯಾಪ್ತಿಯ ಕುಂಬಳದಾಳು ಗ್ರಾಮದ ನೂತನ ಗ್ರಂಥಾಲಯವನ್ನು ಮಡಿಕೇರಿ ಕ್ಷೇತ್ರದ ಶಾಸಕ ಡಾ.ಮಂತರ್ ಗೌಡ ಉದ್ಘಾಟಿಸಿದರು.
ಈ ಸಂದರ್ಭ ಪಂಚಾಯತ್ ಅಧ್ಯಕ್ಷ ಹಂಸ, ಉಪಾಧ್ಯಕ್ಷ ಅನುರಾಧ ಸದಸ್ಯರಾದ ಕಡ್ಲೆರ ಟೈನಿ, ಪಾರ್ವತಿ, ಹಮೀದ್ ಕಬಡಕೇರಿ, ಸರಸು, ಪಿಡಿಒ ಅಬ್ದುಲ್ಲ, ತೆಕ್ಕಡ ಸುನಂದ, ಕುಲ್ಲಚನ ದಿನೇಶ ಕುಂಬಳದಾಳು ನವಚೇತನ ಯುವಕ ಸಂಘ ಅಧ್ಯಕ್ಷ ಮುಕ್ಕಾಟೀರ ಅಯ್ಯಪ್ಪ, ಕಾರ್ಯದರ್ಶಿ ಕರ್ಣಯನ ಸೋಹನ್ , ಪ್ರಮುಖರಾದ ನಾಗೇಶ್ , ಕೆ.ಆರ್.ಪೂಣಚ್ಚ, ಭೀಮರಾಜ್ , ದಿನೇಶ್ ಹಾಗೂ ಗ್ರಾಮ ಗ್ರಂಥಾಲಯದ ಸ್ಥಳೀಯ ಮೇಲ್ವಿಚಾರಣಾ ಸಮಿತಿ ಸದಸ್ಯರು, ನವಚೇತನ ಯುವಕ ಸಂಘ ಪದಾಧಿಕಾರಿಗಳು ಗ್ರಾಮಸ್ಥರು ಹಾಜರಿದ್ದರು.
ಪಂಚಾಯಿತಿಯಿಂದ ಪ್ರಾರಂಭಿಸಿ ಗ್ರಾಮಸ್ಥರಿಂದ ನಿರ್ವಹಣೆ ಮಾಡಲ್ಪಡುವ ಗ್ರಾಮ ಗ್ರಂಥಾಲಯ ಎಂಬ ಹೊಸ ಯೋಜನೆ ರೂಪಿಸಿ ಅನುಷ್ಠಾನಗೊಳಿಸಿದ ರಾಜ್ಯದ ಮೊದಲ ಗ್ರಾಮ ಪಂಚಾಯತಿ ಎಂಬ ಕೀರ್ತಿಗೆ ಹೊದ್ದೂರು ಗ್ರಾಮ ಪಂಚಾಯತಿ ಪಾತ್ರವಾಗಿದೆ.
ವರದಿ : ದುಗ್ಗಳ ಸದಾನಂದ.
