ಮಡಿಕೇರಿ ಅ.10 NEWS DESK : ವಿಜಯದಶಮಿಯ ಅ.12 ರ ರಾತ್ರಿ ಮಡಿಕೇರಿ ನಗರದಲ್ಲಿ ನಡೆಯುವ ದಶಮಂಟಪಗಳ ಶೋಭಾಯಾತ್ರೆಯಲ್ಲಿ ಮಂಟಪಗಳ ತೀರ್ಪಗಾರಿಕೆ ಎಷ್ಟು ಗಂಟೆಗೆ ಎಲ್ಲೆಲ್ಲಿ ನಡೆಯುತ್ತದೆ ಎನ್ನುವ ಬಗ್ಗೆ ಸಮಿತಿ ಅಧ್ಯಕ್ಷ ಅಧ್ಯಕ್ಷ ಜಿ.ಸಿ.ಜಗದೀಶ್ ಮಾಹಿತಿ ನೀಡಿದ್ದಾರೆ. ರಾತ್ರಿ 10 ಗಂಟೆಗೆ ನಗರದ ಗಾಂಧಿ ಮೈದಾನದಲ್ಲಿ ಶ್ರೀ ಪೇಟೆ ಶ್ರೀ ರಾಮಮಂದಿರ, 11 ಗಂಟೆಗೆ ನಗರಸಭೆ ಮತ್ತು ಕೆ.ಇ.ಬಿ ರಸ್ತೆ ಮುಂಭಾಗ ದೇಚೂರು ಶ್ರೀ ರಾಮ ಮಂದಿರ, 11.40 ಗಂಟೆಗೆ ಹೊಟೇಲ್ ಪಾಲ್ಯುಲರ್ ಮುಂಭಾಗ ಶ್ರೀ ಚೌಡೇಶ್ವರಿ, ಬೆಳಿಗ್ಗೆ 12.20 ಗಂಟೆಗೆ ನಗರ ಪೊಲೀಸ್ ಠಾಣೆ ಮುಂಭಾಗ ಶ್ರೀ ಕೋಟೆ ಗಣಪತಿ, 1 ಗಂಟೆಗೆ ಮೆಟ್ರೋ ಫ್ರೆಷ್ ಮುಂಭಾಗ ಕೋದಂಡ ರಾಮ, 1.35 ಗಂಟೆಗೆ ಕೆ.ಎಸ್.ಆರ್.ಟಿ.ಸಿ ಬಸ್ ನಿಲ್ದಾಣದ ಮುಂಭಾಗ ಶ್ರೀ ಕೋಟೆ ಮಾರಿಯಮ್ಮ, 2.10ಕ್ಕೆ ಸಿಂದೂರ್ ಬಟ್ಟೆ ಮಳಿಗೆ ಮುಂಭಾಗ ಶ್ರೀ ಕರವಲೆ ಭಗವತಿ, ಬೆಳಿಗ್ಗೆ 2.50 ಗಂಟೆಗೆ ಕೊಡವ ಸಮಾಜ ಮುಂಭಾಗ ಶ್ರೀ ದಂಡಿನ ಮಾರಿಯಮ್ಮ, 3.25 ಗಂಟೆಗೆ ವಿನೋದ್ ಮೆಡಿಕಲ್ಸ್ ಮುಂಭಾಗ ಶ್ರೀ ಕಂಚಿ ಕಾಮಾಕ್ಷಿ, 4 ಗಂಟೆಗೆ ಕಾವೇರಿ ಕಲಾಕ್ಷೇತ್ರ ಮುಂಭಾಗ ಶ್ರೀ ಚೌಟಿ ಮಾರಿಯಮ್ಮ ಪ್ರದರ್ಶನ ನೀಡಲಿದೆ ಎಂದರು.
