ನಾಪೋಕ್ಲು ಏ.1 NEWS DESK : ಚೆರಿಯ ಪರಂಬುವಿನ ಜನರಲ್ ಕೆ.ಎಸ್.ತಿಮ್ಮಯ್ಯ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಕೊಡವ ಕುಟುಂಬಗಳ ನಡುವಿನ ಕುಂಡ್ಯೋಳಂಡ ಕಪ್-2024 ಹಾಕಿ ಪಂದ್ಯಾವಳಿಯ ಮೊದಲ ದಿನದ ಪಂದ್ಯದಲ್ಲಿ ಉದಿಯಂಡ, ಅನ್ನಾಡಿಯಂಡ, ಚೋದುಮಂಡ, ಕನ್‍ಂಬೀರ, ಕುಕ್ಕೇರ, ಅಲ್ಲಾಪಿರ, ಗುಮ್ಮಟಿರ, ಕವಾಡಿಚಂ, ಗುಮ್ಮಟೀರ, ಕೂಡಂಡ ಸೇರಿದಂತೆ 17 ತಂಡಗಳು ಮುನ್ನಡೆ ಸಾಧಿಸಿದವು.
ಮೈದಾನ ಒಂದರಲ್ಲಿ ಉದಿಯಂಡ ತಂಡವು ನಾಟೋಳಂಡ ತಂಡದ ವಿರುದ್ಧ 2-0ಅಂತರದ ಗೆಲುವು ಸಾಧಿಸಿತು. ಉದಿಯಂಡ ಪವನ್ ಪಳಂಗಪ್ಪ ಗೋಲು ಹೊಡೆಯುವುದರ ಮೂಲಕ ತಂಡಕ್ಕೆ ಗೆಲುವು ತಂದು ಕೊಟ್ಟರು. ಅನ್ನಾಡಿಯಂಡ ಮತ್ತು ಬೊಳ್ಳೇರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ 3-2 ಅಂತರದಿಂದ ಬೊಳ್ಳೆರ ಗೆಲುವು ಸಾಧಿಸಿತು.ಚೋದುಮಂಡ ತಂಡವು ಅನ್ನೇರಕಂಡ ತಂಡದ ವಿರುದ್ಧ 6-0 ಅಂತರದ ಭರ್ಜರಿ ಗೆಲುವು ಸಾಧಿಸಿತು. ಚೋದು ಮಂಡ ತಂಡದ ನಿಖಿಲ್ ಕಾವೇರಪ್ಪ ಭರ್ಜರಿ 5 ಗೋಲು ಗಳಿಸಿದರು. ಗಗನ್ ಗಣಪತಿ ಒಂದು ಗೋಲ್ ಗಳಿಸಿದರು.
ಮೈದಾನ ಎರಡರಲ್ಲಿ ನಡೆದ ಪಂದ್ಯದಲ್ಲಿ ಕನ್ನಂಬೀರ ಪಾಂಡ್ಯಂಡ ತಂಡದ ವಿರುದ್ಧ 4-1 ಅಂತರದ ಗೆಲುವು ಸಾಧಿಸಿತು. ಕುಕ್ಕೆರ ಮತ್ತು ಪೂದ್ರಿ ಮಾಡ ತಂಡದ ನಡುವೆ ನಡೆದ ಪಂದ್ಯದಲ್ಲಿ ಪೂದ್ರಿ ಮಾಡ ತಂಡ 3-1 ಅಂತರದ ಗೆಲುವು ಸಾಧಿಸಿತು.
ಬೊಳ್ಳಿಯಂಡ ಮತ್ತು ಅಲ್ಲಾಪಿರ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಎರಡೂ ತಂಡಗಳು ಸಮಬಲ ಸಾಧಿಸಿದವು. ಪೆನಾಲ್ಟಿ ಸ್ಟ್ರೋಕ್ ನಲ್ಲಿ ಅಲ್ಲಾಪಿರ ತಂಡ 3- 1 ಅಂತರದಿಂದ ಗೆಲುವು ಸಾಧಿಸಿ ಮುಂದಿನ ಸುತ್ತಿಗೆ ಪ್ರವೇಶಿಸಿತು.ಕವಾಡಿಚಂಡ ತಂಡವು 3-1 ಅಂತರದಿಂದ ಪಾರುವಂಗಡ ತಂಡದ ವಿರುದ್ಧ ಹಾಗೂ ಗುಮ್ಮಟ್ಟಿರ ತಂಡವು 3 1 ಅಂತರದಿಂದ ಅಯ್ಯಮಂಡ ತಂಡದ ವಿರುದ್ಧ ಗೆಲುವು ಸಾಧಿಸಿ ಮುಂದಿನ ಸುತ್ತು ಪ್ರವೇಶಿಸಿತು. ಗುಮ್ಮಟಿರ ದೇವಮ್ಮ ಮಹಿಳಾ ಗೋಲ್ ಕೀಪರ್ ಆಗಿ ಗಮನ ಸೆಳೆದರು.
ಬೊಪ್ಪಡಂಡ ತಂಡದ ವಿರುದ್ಧ ಕೂಡಂಡ ತಂಡವು 4-0 ಅಂತರದ ಭರ್ಜರಿ ಗೆಲುವು ಸಾಧಿಸಿ ದರೆ ತಿರೋಡಿರ ತಂಡವು ಬೊಳ್ಳಿ ಮಂಡ ತಂಡದ ವಿರುದ್ಧ 4-0 ಗೆಲುವು ಸಾಧಿಸಿತು. ಚೌರೀರ (ಹೊದ್ದೂರು) ತಂಡವು ತಾತ ಪಂಡ ತಂಡದ ವಿರುದ್ಧ 2-0 ಅಂತರದಿಂದ ಗೆಲುವು ಸಾಧಿಸಿತು ಚೌರಿರ ತಂಡದ ಚೌರಿರ ಶರತ್ ಪೂಣಚ್ಚ 2 ಗೋಲು ದಾಖಲಿಸಿದರು. ಕಟ್ಟೆರ ಮತ್ತು ಪುಲ್ಲಂಗಡ ತಂಡಗಳ ನಡುವೆ ನಡೆದ ಪಂದ್ಯದಲ್ಲಿ ಕಟ್ಟೇರ ತಂಡಕ್ಕೆಯಾವುದೇ ಗೋಲು ಲಭ್ಯವಾಗಲಿಲ್ಲ. ಪುಲ್ಲಂಗಡ ತಂಡವು ಒಂದು ಗೋಲುಗಳಿಸಿ ಗೆಲುವು ಸಾಧಿಸಿತು.
ಅಚ್ಚಾಂಡಿರ ಮತ್ತು ಬೊಲ್ಲಾರಪಂಡ ತಂಡಗಳು ತಲಾ ಎರಡು ಗೋಲು ಗಳಿಸಿ ಸಮಬಲ ಸಾಧಿಸಿದವು. ಪೆನಾಲ್ಟಿ ಸ್ಟ್ರೋಕ್ ನಲ್ಲಿ ಅಚ್ಚಾಂಡಿರ ತಂಡ 3- 2 ಅಂತರದಿಂದ ಗೆಲುವು ಸಾಧಿಸಿ ಮುಂದಿನ ಸುತ್ತಿಗೆ ಪ್ರವೇಶಿಸಿತು.
ಇಂದಿನ ಪಂದ್ಯಗಳು ::
ಮೈದಾನ ಒಂದು
9 ಗಂಟೆಗೆ ಆಚೆಯಡ-ಪುಗ್ಗೆರ
10 ಗಂಟೆಗೆ ನಲಿಯಂಡ-ಪೂಲಂಡ
11 ಗಂಟೆಗೆ ಬಾದುಮಂಡ-ಚನ್ನಪಂಡ
12 ಗಂಟೆಗೆ ಕೊಲ್ಲಿ- ಮಲ್ಲೆಂಗಡ
1 ಗಂಟೆಗೆ ಕೋಣಿಯಂಡ -ಮಂಡಿರ
2 ಗಂಟೆಗೆ ಕೈಬುಲಿರ -ಚೇರಂಡ
3 ಗಂಟೆಗೆ ಕೋಲುಮಾದಂಡ -ಅಕ್ಕಪಂಡ
ಮೈದಾನ ಎರಡು
9 ಗಂಟೆಗೆ ಐಚಂಡ- ಮುಕ್ಕಾಟಿರ(ಬೇತ್ರಿ)
10 ಗಂಟೆಗೆ ಮಾಚೆಟ್ಟಿರ-ಬೊಳಕಾರಂಡ
11 ಗಂಟೆಗೆ ಗಂಡಂಗಡ- ಮಚ್ಚುರ
1 ಗಂಟೆಗೆಪಾಲೆಂಗಡ- ಮೇದುರ
2 ಗಂಟೆಗೆ ತೆನ್ನಿರ- ಮೂಕಚಂಡ
3 ಗಂಟೆಗೆ ಬೊಳ್ಳಚಂಡ -ಮುಕ್ಕಾಟಿರ
ಮೈದಾನ 3
9 ಗಂಟೆಗೆ ತಾಪಂಡ-ಚೋಕಿರ
10 ಗಂಟೆಗೆ ಕೀತಿರ-ಚೆಯ್ಯಂಡ
11 ಕಾಳಿಮಾಡ-ಮಾದೆಯಂಡ
1 ಗಂಟೆಗೆ ಪದಿಯೆಟ್ಟಿರ -ಕನ್ನಿಕಂಡ
2 ಗಂಟೆಗೆ ಅನ್ನಿರ -ಬೊಟ್ಟಂಗಡ
3ಗಂಟೆ ಗೆ ಕುಯಿಮಂಡ-ಮಾನಿರ
ವರದಿ : ದುಗ್ಗಳ ಸದಾನಂದ
