ನಾಪೋಕ್ಲು ಜೂ.26 NEWS DESK : ಬೆಟ್ಟಗೇರಿ ವಲಯ ಕಾಂಗ್ರೆಸ್ ವತಿಯಿಂದ ಪಾಲೂರು ಶ್ರೀ ಮಹಾಲಿಂಗೇಶ್ವರ ಸನ್ನಿಧಿಯಲ್ಲಿ ಮುಖ್ಯಮಂತ್ರಿಗಳ ಕಾನೂನು ಸಲಹೆಗಾರರು ಹಾಗೂ ವಿರಾಜಪೇಟೆ ಕ್ಷೇತ್ರದ ಶಾಸಕ ಎ.ಎಸ್.ಪೊಣ್ಣ ಅವರ ಹೆಸರಿನಲ್ಲಿ ಮಹಾ ರುದ್ರಭಿಷೇಕ ಪೂಜೆ ಸಲ್ಲಿಸಲಾಯಿತು.
ಶಾಸಕ ಎ.ಎಸ್.ಪೊನ್ನಣ್ಣ ಅವರ ಶ್ರೇಯೋಭಿವೃದ್ಧಿಗೆ ಪಕ್ಷದ ಹಿರಿಯರಾದ ನಾಪಂಡ ಗಣೇಶ ಹೆರವನಾಡು ವಿಶೇಷ ಪ್ರಾರ್ಥನೆಯನ್ನು ಸಲ್ಲಿಸಿದರು. ಪೂಜಾ ವಿಧಿ ವಿಧಾನವನ್ನು ದೇವಾಲಯದ ಮುಖ್ಯ ಅರ್ಚಕರಾದ ದೇವಿ ಪ್ರಸಾದ್ ನೆರವೇರಿಸಿದರು.
ಈ ಸಂದರ್ಭ ಬೆಟ್ಟಗೇರಿ ವಲಯ ಅಧ್ಯಕ್ಷ ಕೊಡಗನ ತೀರ್ಥ ಪ್ರಸಾದ್ , ಗ್ರಾ.ಪಂ ಅಧ್ಯರಾದ ಚಳಿಯಂಡ ಕಮಲ ಉತ್ತಯ್ಯ, ಜಿಲ್ಲಾ ಕಾಂಗ್ರೆಸ್ ಸದಸ್ಯ ಮೋಹನ್ ರಾಜ್ , ಮಾಜಿ ವಲಯ ಅಧ್ಯಕ್ಷರು ಹಾಗೂ ಬೂತ್ ಅಧ್ಯಕ್ಷರಾದ ಕಾಳೇರಮ್ಮನ ಕುಮಾರ್, ಅರ್ವತ್ತೂಕ್ಲು ಬೂತ್ ಅಧ್ಯಕ್ಷ ಪೂಜಾರಿ ರ ಪ್ರದೀಪ್ ಕುಮಾರ್ , ಉಪಾಧ್ಯಕ್ಷರಾದ ಬಾಲಾಡಿ ಪ್ರತಾಪ್ , ಪಾಲೂರು ಬೂತ್ ಅಧ್ಯಕ್ಷ ದೊರೆರಾಜ್, ಮಚ್ಚಂಡ ಲಾಲು ಹಾಜರಿದ್ದರು.
ವಲಯದ ಕಾರ್ಯದರ್ಶಿ ಮಜೀದ್ ಹಾಗೂ ಬೆಟ್ಟಗ್ಗೇರಿ ಬೂತ್ ಅಧ್ಯಕ್ಷ ಮೊಹಮ್ಮದ್ ಬೆಂಬಲ ವ್ಯಕ್ತಪಡಿಸಿದರು.
ವರದಿ : ದುಗ್ಗಳ ಸದಾನಂದ
