ಚೆಟ್ಟಳ್ಳಿ ಅ.15 NEWS DESK : ಚೆಟ್ಟಳ್ಳಿಯ ಪುರಾತನ ಶ್ರೀಮಂಗಲ ಶ್ರೀ ಭಗವತಿ ದೇವಾಲಯದಲ್ಲಿ ಕಾವೇರಿ ಸಂಕ್ರಮಣದ ಹಿನ್ನೆಲೆ ಕಾವೇರಿ ಸಂಕ್ರಮಣ ಧಾರೆ ಪೂಜೆ ನೆರವೇರಿತು. ವಿಘ್ನೇಶ್ವರ, ಕ್ಷೇತ್ರಪಾಲಕ, ನಾಗನೆಲೆಯಲ್ಲಿ ಪೂಜೆ ಸಲ್ಲಿಸಿದ ನಂತರ ಶ್ರೀ ಭಗವತಿ ನೆಲೆಯಲ್ಲಿ ಪೂಜೆ ಸಲ್ಲಿಸಲಾಯಿತು. ಈ ಸಂದರ್ಭ ಹಿರಿಯ ಅರ್ಚಕರಾದ ರಾಧಾಕೃಷ್ಣ ಭಗವತಿ ದೇವರಿಗೆ ವಿಶೇಷ ಪೂಜೆಸಲ್ಲಿಸಿ ಪ್ರಸಾದ ವಿತರಿಸಿದರು. ನಂತರ ಅನ್ನಸಂತರ್ಪಣೆ ನಡೆಯಿತು. ತಲಕಾವೇರಿಯಲ್ಲಿ ತೀರ್ಥೋದ್ಬವದ ನಂತರ ಊರಿನ ಹಿರಿಯರಾದ ಬಟ್ಟೀರ ಕಟ್ಟಿ ಕಾವೇರಿರಪ್ಪ ದೇವರ ನೆಲೆಯಲ್ಲಿ ಕಣಿಪೂಜೆ ನೆರವೇರಲಿದೆ.
