ಮಡಿಕೇರಿ ಅ.16 NEWS DESK : ನಗರದ ಐತಿಹಾಸಿಕ ಶ್ರೀಕೋಟೆ ಮಹಾಗಣಪತಿ ದೇವಾಲಯ ದಸರಾ ಮಂಟಪ ಸಮಿತಿ ವತಿಯಿಂದ ಅ.26 ರಂದು ದೇವಾಲಯದ ಆವರಣದಲ್ಲಿ ಶಾಂತಿಪೂಜೆ ನಡೆಯಲಿದೆ. ಅ.16 ರಂದು ನಡೆಯಬೇಕಾಗಿದ್ದ ಲಕ್ಕಿಡಿಪ್ ಡ್ರಾವನ್ನು ಶಾಂತಿಪೂಜೆಯಂದೇ ಮಾಡಲಾಗುವುದು ಎಂದು ಸಮಿತಿಯ ಅಧ್ಯಕ್ಷ ಬಿ.ವಿ.ಅರವಿಂದ್ ತಿಳಿಸಿದ್ದಾರೆ. ಪತ್ರಿಕಾ ಪ್ರಕಟಣೆ ನೀಡಿರುವ ಅವರು 48ನೇ ವರ್ಷದ ಶ್ರೀಕೋಟೆ ಮಹಾಗಣಪತಿ ದಸರಾ ಉತ್ಸವದಲ್ಲಿ ಎಲ್ಲರ ಸಹಕಾರದಿಂದ ಮಂಟಪದ ಶೋಭಾಯಾತ್ರೆ ಯಶಸ್ವಿಯಾಗಿದ್ದು, ಪ್ರಥಮ ಬಹುಮಾನ ಬಂದಿದೆ. ಶನಿವಾರ ಸಂಜೆ 7ಗಂಟೆಗೆ ನಡೆಯುವ ಶಾಂತಿಪೂಜೆಯಲ್ಲಿ ಸರ್ವಭಕ್ತರು ಪಾಲ್ಗೊಳ್ಳಬೇಕೆಂದು ಮನವಿ ಮಾಡಿದ್ದಾರೆ. ಶಾಂತಿಪೂಜೆಗೂ ಮೊದಲು ನಗರದ ಪತ್ರಿಕಾ ಭವನದಲ್ಲಿ ಮಧ್ಯಾಹ್ನ 3 ಗಂಟೆಗೆ ದಸರಾ ಪ್ರಯುಕ್ತ ಆಯೋಜಿಸಿದ್ದ ಲಕ್ಕಿಡಿಪ್ಪಿ ಡ್ರಾ ನಡೆಯಲಿದೆ. ಅದೃಷ್ಟವಂತರಿಗೆ ಆಕರ್ಷಕ ಬಹುಮಾನಗಳನ್ನು ಶಾಂತಿಪೂಜೆಯ ನಂತರ ದೇವಾಲಯದಲ್ಲೇ ನೀಡಲಾಗುವುದು ಎಂದು ಬಿ.ವಿ.ಅರವಿಂದ್ ಮಾಹಿತಿ ನೀಡಿದ್ದಾರೆ.
