ಮಡಿಕೇರಿ ಅ.22 NEWS DESK : ಜಿಲ್ಲೆಯಲ್ಲಿ ರಾಜ್ಯ ಸಾರಿಗೆ ಸಂಸ್ಥೆಯ ಮಡಿಕೇರಿ ವಿಭಾಗವನ್ನು ಆರಂಭಿಸುವಂತೆ ಪುತ್ತೂರು ವಿಭಾಗದ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ನೌಕರರ ಸಂಘ ಒತ್ತಾಯಿಸಿದೆ. ಕುಶಾಲನಗರದಲ್ಲಿಮಡಿಕೇರಿ ಕ್ಷೇತ್ರದ ಶಾಸಕ ಡಾ.ಮಂತರ್ ಗೌಡ ಅವರಿಗೆ ಮನವಿ ಸಲ್ಲಿಸಿದ ಸಂಘದ ಅಧ್ಯಕ್ಷ ಸಿ.ಎಸ್ ಕುಮಾರ್ ಸ್ವಾಮಿ ಸೇರಿದಂತೆ ಸಮಿತಿ ಪದಾಧಿಕಾರಿಗಳು ಬೇಡಿಕೆಯ ಈಡೇರಿಕೆಗಾಗಿ ಮನವಿ ಮಾಡಿದರು. ಈ ಸಂದರ್ಭ ಸಂಘದ ಪದಾಧಿಕಾರಿಗಳಾದ ಮ್ಯಾಕ್ ಬ್ರೋನಿ, ಕೆ.ಡಿ.ಪೃಥ್ವಿರಾಜ್, ಬಿ.ಎಂ.ಬಸವರಾಜ್, ಸದಾಶಿವ, ಪ್ರವೀಣ್ ಕುಮಾರ್, ರಾಮಚಂದ್ರ, ಜಿ.ವಿ. ಕಿರಣ್ ಕುಮಾರ್, ಯೋಗೇಶ್, ಹೆಚ್.ಎಸ್.ಪ್ರದೀಪ್, ಆಂಜನೇಯ, ಮಂಜುನಾಥ ರೆಡ್ಡಿ ಹಾಜರಿದ್ದರು.
