ಮಡಿಕೇರಿ ಅ.23 NEWS DESK : ಮಡಿಕೇರಿಯಲ್ಲಿ ನಡೆದ ಸೇನಾ ನೇಮಕಾತಿ ರ‍್ಯಾಲಿಯಲ್ಲಿ ವಿರಾಜಪೇಟೆಯ ಜೈ ಭಾರತ ಸೇನಾ ತರಬೇತಿ ಸಂಸ್ಥೆಯ ನಾಲ್ವರು ವಿದ್ಯಾರ್ಥಿಗಳು ಪಾಲ್ಗೊಂಡು ಅಗ್ನಿಪಥ್ ಸೇವೆಗೆ ಆಯ್ಕೆಯಾಗಿದ್ದಾರೆ. ಬಿಟ್ಟಂಗಾಲ ಗ್ರಾಮದ ರಾಜಪ್ಪ ಮತ್ತು ಧನಲಕ್ಷ್ಮಿ ದಂಪತಿಯ ಪುತ್ರ ಎ.ಆರ್.ಯೋಗೇಶ್, ಮಹಾರಾಷ್ಟ್ರದ ಆರ್ಮಡ್ ಕೋರ್ ಜನರಲ್ ಡ್ಯೂಟಿಗೆ, ಅಮ್ಮತ್ತಿ ಗ್ರಾಮದ ಮುರುಳಿ ಹಾಗೂ ಮಾದೇವಿ ದಂಪತಿಯ ಪುತ್ರ ಎಂ.ಎಂ.ಪ್ರತಾಪ್ ಹೈದರಾಬಾದ್ ನ ಆಟ್ಲರಿ ವಿಭಾಗಕ್ಕೆ, ಮಾದಾಪುರದ ವಿನೋದ್ ಕುಮಾರ್ ಹಾಗೂ ಪ್ರೇಮಾ ದಂಪತಿಯ ಪುತ್ರ ಎಸ್.ವಿ.ವರುಣ್ ಮಧ್ಯ ಪ್ರದೇಶ ಇನ್ಫೆಂಟ್ರೀ ವಿಭಾಗ ಹಾಗೂ ಮೂರ್ನಾಡಿನ ದಿ.ಲವ ಅಪ್ಪಣ್ಣ ಹಾಗೂ ಜಯ ಬೊಳ್ಳಮ್ಮ ದಂಪತಿಯ ಪುತ್ರ ಪಿ.ಎಲ್. ಸುಬ್ರಮಣಿ ಬೆಂಗಳೂರು ಎಂ.ಇ.ಜಿ ನಲ್ಲಿ ಅಗ್ನಿಪಥ್ ಸೇವೆ ಸಲ್ಲಿಸಲು ಆಯ್ಕೆಯಾಗಿದ್ದಾರೆ. ಇವರು ನಿವೃತ್ತ ಸೇನಾನಿ ಕೆ.ಬಿ.ಲವ ಅವರ ಮಾರ್ಗದರ್ಶನದಲ್ಲಿ ತರಬೇತಿ ಪಡೆದಿದ್ದಾರೆ.
