ಸೋಮವಾರಪೇಟೆ ಅ.28 NEWS DESK : ಎಸ್‍ವೈಎಸ್ ಸೋಮವಾರಪೇಟೆ ಸರ್ಕಲ್ ಮತ್ತು ಬೆಂಗಳೂರಿನ ವಿಷನ್ ಸ್ಪ್ರಿಂಗ್ ವತಿಯಿಂದ ಉಚಿತ ನೇತ್ರ ತಪಾಸಣಾ ಶಿಬಿರ ನಡೆಯಿತು. ಕನ್ನಡ ಸಾಹಿತ್ಯ ಪರಿಷತ್ ಭವನದಲ್ಲಿ ನಡೆದ ಕಾರ್ಯಕ್ರಮವನ್ನು ಎಸ್‍ವೈಎಸ್ ಸೋಮವಾರಪೇಟೆ ಸರ್ಕಲ್ ಅಧ್ಯಕ್ಷ ಶಾಫಿ ಸಅದಿ ಉದ್ಘಾಟಿಸಿದರು. ನಂತರ ಮಾತನಾಡಿ, ಮನಷ್ಯನ ದೇಹದ ಎಲ್ಲ ಅಂಗಗಳು ಮುಖ್ಯವಾಗಿದ್ದರೂ, ಕಣ್ಣು ಪ್ರಮುಖದ್ದಾಗಿದೆ. ಎಲ್ಲರೂ ನಮ್ಮ ಕಣ್ಣಿನ ಬಗ್ಗೆ ಹೆಚ್ಚಿನ ಜಾಗೃತೆ ವಹಿಸಬೇಕಿದೆ. ಕಾಲ ಕಾಲಕ್ಕೆ ವೈದ್ಯರಿಂದ ತಪಾಸಣೆ ಮಾಡಿಸಿ, ಅವರ ಸಲಹೆ ಸೂಚನೆಗಳನ್ನು ಪಾಲಿಸಬೇಕೆಂದರು. ಅದರಲ್ಲೂ ಕಲಿಯುವ ಮಕ್ಕಳು ಕಣ್ಣಿನ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕು. ಹಿರಿಯ ನಾಗರಿಕರು ತಜ್ಞ ವೈದ್ಯರಿಂದ ಚಿಕಿತ್ಸೆ ಪಡೆದುಕೊಳ್ಳಬೇಕು ಎಂದು ಹೇಳಿದರು.ಕಾರ್ಯಕ್ರಮದಲ್ಲಿ ಬೆಂಗಳೂರಿನ ವಿಷನ್ ಸ್ಪ್ರಿಂಗ್‍ನ ಅವಿನಾಶ್, ಸುರಕ್ಷ, ಅಶ್ರಿತ, ಅಮಿತ್ ನೇತ್ರಪರೀಕ್ಷೆ ಮಾಡಿದರು. 130ಕ್ಕೂ ಹೆಚ್ಚಿನ ಜನರು ನೇತ್ರ ತಪಾಸಣೆ ಮಾಡಿಸಿಕೊಂಡರು. ಅವಶ್ಯಕತೆ ಇದ್ದವರಿಗೆ ಸ್ಥಳದಲ್ಲೆ ಕನ್ನಡಕ ವಿತರಿಸಲಾಯಿತು.
